Савоб иш қилишга, эзгу амални бажаришга одатланган кишининг кўнгли нурафшон бўлади. Чунки хайрли амал кишининг қалбини нурлантиради. Шу нур одамнинг юзида балқийди. Бу масжид қуришдек савобли амалларга ўз ҳиссасини қўшаётган азизларимиз тимсолида яққол намоён бўлади.

Тошкент шаҳри Яккасарой туманидаги "Усмон ибн Мазъун" жоме масжидига илк ғишт қўйиш маросими бўлиб ўтди.
Қуръони карим тиловати билан бошланган тадбирда Ўзбекистон мусулмонлари идораси раиси ўринбосари Жалолиддин домла Ҳамроқулов, Тошкент шаҳар бош имом-хатиби Абдуқаҳҳор домла Юнусов, туман бош имом-хатиби Ўткир домла Ҳакимов, имом-домлалар, маҳалла фаоллари, нуронийлар отахонлар, саховатпеша ҳомийлар иштирок этди.

Аллоҳга шукр, бугун масжидларимиз қиёфаси кун сайин гўзаллашиб, кўркамлашиб боряпти. Шу билан бирга, масжидларимизни намозхонлар маънавий жиҳатдан ҳам обод қилишмоқда.

Илк ғишт қўйилган жоме тез орада фойдаланишга топширилишини Аллоҳ таоло насиб қилсин. 

Ўзбекистон мусулмонлари идораси

Тошкент шаҳар вакиллиги

Матбуот хизмати