Покистон Ислом Республикасининг фавқулодда ва мухтор элчиси Ирфон Юсуф Шами 2018 йил 4 май куни Имом Бухорий ёдгорлик мажмуасига ташриф буюрди ва Имом Бухорий масжидида мусулмонлар жамоаси билан жума намозини ўқиди, сўнгра Имом Бухорий халқаро илмий-тадқиқот маркази илмий ходимлари билан учрашди. Бу ҳақда Имом Бухорий халқаро илмий-тадқиқот маркази Матбуот хизмати хабар берди.
Учрашувда марказ директори ўринбосари, профессор Б.О.Тураев, марказ илмий ходимлари О.Муҳаммадиев, З.Узоқов, С.Примов, О.Рустамовлар иштирок этишди. Б.О.Тураев элчи жанобларини янги лавозим билан табриклади ва меҳмонларга ИБХИТМ буклетлари ва инглиз тилида нашр қилинган “Ўзбекистон-буюк алломалар юрти” китобини тақдим қилди.
Элчи бу ташрифдан мамнун эканлигини маълум қилди ва Имом Бухорий ёдгорлик мажмуаси музейига Покистонда нашр қилинган “Қуръони карим” нусхасини тақдим қилди ҳамда ИБХИТМ билан яна алоҳида учрашув ўтказиш нияти борлигини маълум қилди.
ЎМИ Матбуот хизмати
