Бугун, 17 декабр куни Самарқанд вилоятидаги энг фаол имом-хатиб, имом-ноиб ва соҳа вакиллари тақдирланди. Ўзбекистон мусулмонлари идораси масжидлар бўлими мудири Муҳаммадназар Қаюмов ва вилоят бош имом-хатиби Зайниддин домла Эшонқуловлар тадбирда йиғилган масжид фаолиятида холис хизмат қилаётган барча ходимларга самимий миннатдорчилик билдирди. Шундан сўнг фидокорона меҳнатлари, чуқур билими, тажрибаси, намунали хулқи, фидокорлиги билан Аллоҳнинг байтига, динимизга сидқидилдан хизмат қилиб келаётган имом-хатиблар ва имом ноибларидан иборат ўн уч нафар соҳа ходимлари фахрий ёрлиқлар билан тақдирланди ҳамда Қуръони карим мусҳафи ҳадя қилинди. Аллоҳ таолонинг розилиги йўлида, динимизнинг ривожи, Ватанимизнинг равнақи борасидаги барча солиҳ амалларининг ҳусни қабул бўлишини сўраб, дуолар қилинди. Масжидлар бўлими мудири Муҳаммадназар Қаюмов имом-хатиблар билан дилдан суҳбат ўтказмоқда. Кенг жамоатчиликка ислом маърифатини етказишини, имомлик масъулиятини яна бир бор ҳис этишларини, ижтимоий тармоқларда фаол бўлишларини айтиб, ўз вазифаларига фидоий бўлишларига тўхталди.

sammuslim.uz

Зўраки уринишлар закийликни ўлдиради.

Кўнгилчанлик кетмайди, кўричакни кесиб ташлаб қутиладилар.

Жон Милтондан

***

Пухта ўйлаб кўрилмаган бемаврид мардлик бахт келтирмайди.

Тарих муҳрлаган сўзлар

***

Ҳақиқатни ёмон кўрадиган одамлар уни дадил айтадиганларни ҳам ёмон кўрадилар.  

Феленон

***

Натижа муҳим эмас, чунки натижа Аллоҳдан! Муҳими қайси томонда ва қандай ниятда эканлигингдир.        

Саййид Аброр Умар

***

Жангда ўлган эмас бирор баҳодир, Бари ҳалок бўлган хиёнатлардан.

Шавкат Раҳмон

***

Гап қанча яхши бўлса, у шунча қисқа бўлади.

Абдулла Қаҳҳор

***

Ризо — бу шодликдир. Яъни Ҳақ таоло томонидан неки бало ва кулфат етса, бунга хушнуд бўлади. Ва кўнглимиз бу балоларга қарши эътироз қилмайди, чунки балолар дўстдан келгандир.

Хўжа Абдухолиқ Ғиждувоний

***

Донолар сўзига қулоқ илмасанг,
Энг нодон сендирсан — билгил, билмасанг.

Бировга соғинса ҳар ким ёмонлик,
Ниҳоят ул ўзи топмас омонлик.

Фирдавсий

***

Тенглик ҳукм сурган жойда сотқин, алдамчи эҳтирослар, ғам-ғусса бўлмайди.

Абу Райҳон беруний

***

 “Кимнинг одоби бўлмаса, унинг илми йўқдир. Кимнинг сабри йўқ бўлса, унинг дини йўқдир. Кимнинг тақвоси бўлмаса, унда Аллоҳга яқинлик йўқдир”.

Ҳасан Басрий р.а.

Манбалар асосида Саидаброр Умаров тайёрлади

Бирлашган Араб Амирликлари президенти шайх Халифа бин Заед ал Нахайян мамлакатнинг барча масжидларида 18 декабрь жума намози бошланишидан ўн дақиқа олдин Аллоҳдан ёмғир ёғишини сўраб дуо ўқилсин, дея даъват қилди деб хабар қилмоқда амирлик Gulf Today нашри.
Хабарда таъкидланишича, имомлар дуо қандай ўқилиши юзасидан махсус тушунтириш ишларини олиб боришади, масжидларда эса шу мавзуга бағишланган махсус маърузалар ташкиллаштирилади.

Islam.ru хабарига кўра, ушбу араб мамлакатидаги об-ҳаво сўнгги кунларда беқарор бўлиб қолди. Душанба куни тушдан кейин ҳарорат бир неча даражага кўтарилди ва кечқурун у кескин тушиб кетди.
БАА об-ҳаво агентлигининг маълум қилишича, ушбу сешанба куни қайд этилган энг паст ҳарорат мамлакатнинг тўртинчи энг гавжум шаҳри ал-Айн шаҳри чеккасидаги Ракне туманида 7.4°C ни ташкил этди.

Ўзбекистон мусулмонлари идораси матбуот хизмати

Ўзбекистон мусулмонлари идораси

раисининг биринчи ўринбосари

Ҳомиджон Ишматбеков

Мисрнинг “Ал-Aзҳар” мажмуаси раҳбари, шайх, доктор Aҳмад Aт-Таййиб “ал-Aзҳар” олий фатво қўмитасини ташкил этишга қарор қилди. Унга доктор Aббос Шуман етакчилик қилади. Фатво олий қўмитасига фатво масаласи бўйича фаолият олиб борувчи барча ҳайъатлар (“ал-Азҳар” фатво маркази, “ал-Азҳар” университетидаги марказий фатво қўмитаси, Миср фатво қўмитасининг вилоятлардаги бўлинмалари) бўйсинади.

Шунингдек, шайх, доктор Aҳмад Aт-Таййиб фатвога оид умумий сиёсат ва уни назорат қилиш тартибларини белгилаш учун “ал-Aзҳар” маслаҳат кенгашини тузилади, Кенгашга Миср Араб Республиканинг собиқ муфтийси, доктор Наср Фарид Восил, “ал-Aзҳар” раҳбари муовини доктор Муҳаммад Aбдурроҳман ад-Давиний ва “ал-Aзҳар” университети проректори доктор Муҳаммад Aбу Зайд ал-Aмир ҳам киради.

“Ал-Aзҳар” мажмуаси раҳбарининг собиқ муовини, доктор Aббос Шуман, Ислом тадқиқотлари Академияси бош котиби доктор Носир Муҳаммад Aйёд, Ислом тадқиқотлари Академияси аъзоси, доктор Aбдуллоҳ ан-Нажжар ва Миср уламолари кенгаши аъзоси доктор Ҳамди Субҳ ҳам маслаҳат кенгаши аъзолари саналади.

Етти уламодан иборат “ал-Азҳар” олий фатво қўмитаси ҳукумат ва хусусий сунъий йўлдош каналлари орқали тортишувга сабаб бўлаётган мунозарали фатволар муаммосига барҳам бериш мақсадида ташкил этилган. Унда мунозарали саволларга фатво берилади.

Ўзбекистон мусулмонлари идораси
Халқаро алоқалар бўлими