Шотландиялик аёл ўзи қандай қилиб Исломни қабул қилгани ва жамиятнинг нотўғри муносабатини ўзида ҳис қилганлиги ҳақида гапириб берди.
Дон исмли шотландиялик аёл насроний оиласида туғилган ва болалигида Глазго шаҳридаги якшанба мактабига қатнаб, Инжилни ўрганиб чиққан. Отаси вафотидан сўнг қиз ўзининг маънавий ақидалари ҳақида ўйлаб қолди.
"Университетда ўқиш йилларимда мен Глазго шаҳридаги икки покистонлик ака-ука томонидан бошқариладиган бир ҳинд ресторанида қўшимча ишга жойлашиб олдим. Мен суҳбат чоғида аввал эшитмаган Ислом ҳақида илк бор гап очдим", - дея эслайди Дон.
Дон ака-укалардан Ислом ҳақида кўп нарсаларни сўраб-суриштириб олди, дин ҳақидаги китобларни сотиб олди ва Ислом унинг дунёқарашини тўла акс эттиришини англаб етди.
26 ёшида қиз мусулмон бўлди, дея хабар бермоқда IslamNews Daily Recordга таяниб. Ҳозир у 38 ёшда, у бухгалтер бўлиб ишлайди ва икки фарзандини тарбиялаб вояга етказмоқда.
"Исломни қабул қилганимдан кейин жуда хурсанд бўлдим. Рамазон келди, мен илк бор рўза тутиб, Ҳайит байрамини нишонладим".

Ўзбекистон мусулмонлари идораси матбуот хизмати

ЎМИ матбуот хизмати

Ҳар бир касалликнинг негизида тўқлик ётади. Бу борада Расулуллоҳ соллаллоҳу алайҳи васалламнинг суннатларига тўлақонли амал қилган мўмин, тўқликнинг ортидан келадиган касалликларга чалинмайди.

Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Мусулмон битта ичакка ейди, кофир эса етти ичакка ейди», дедилар».

Бухорий ривояти.

Саъид Мақбурийдан ривоят қилинади:

«Абу Ҳурайра розияллоҳу анҳу бир неча кишининг олдидан ўтиб қолди. Уларнинг олдида қовурилган қўй гўшти бор эди. Уни чақиришган эди, у ейишга кўнмади, «Расулуллоҳ соллаллоҳу алайҳи васаллам дунёдан арпа нонга тўймай ўтиб кетдилар», деди».

Бухорий ривояти.

Миқдад ибн Маъди Карибдан ривоят қилинади:

«Расулуллоҳ соллаллоҳу алайҳи васаллам:

«Одам боласи қорнидан кўра ёмонроқ идишни тўлдирмаган. Одам боласига қаддини тутиб турадиган бир неча луқма кифоя. Жуда бўлмаса (ошқозонининг) учдан бирини таомига, учдан бирини ичимлигига, учдан бирини нафасига (ҳавога) ажратсин», дедилар» Термизий ва Ибн Можа ривояти.

«Касалликнинг фақатгина иккита сабаби бор. Биринчиси кўп ейиш, иккинчиси тўқ қоринга ейиш» (Ибн Сино).

«Ошқозон касалликларнинг ўчоғидир. Парҳез эса давонинг бошидир». (Қадимги араб табиби Ҳорис ибн Калда).

Тўқлик — ҳар хил хасталикларни келтириб чиқаради, вужудни оғирлаштиради, уйқуни кўпайтиради, дангасаликка олиб келади, қалбни кўр қилади ва руҳни заифлаштиради. Тўқ киши таҳоратини кўп тутолмайди, кўп ухлайди ва қиёмул лайл каби буюк неъматдан маҳрум бўлади. Тўқлик инсонни гуноҳлардан қўрқмасликка, ёмонликларни тап тортмасдан қилишга олиб келади. Ақл яхши-ю ёмоннинг фарқига боролмайдиган, шукр қилолмайдиган бўлиб қолади. Шу сабабдан неъматлар камаяди, чунки неъматнинг шукри, унинг ортишига василадир. Тўқлик дунё муҳаббатига сабаб бўлади. Тўқ инсонга зикр қилиш оғир келади. Зикр эса калб зангини кетказади. Тўқ инсон ибодат завқини тополмайди. «Яқийн» деб аталмиш буюк неъматдан маҳрум бўлади. Тўқлик инсонни ғафлат сари етаклайди ва унинг сармояси бўлган умрини бекорчи нарсаларга сарфлашга сабабчи бўлади.

Очлик саломатликнинг калитидир, илмнинг шартидир.

Очлик инсонни Аллоҳдан узоқлашишига сабабчи бўлувчи ҳою-ҳавасларни камайтиради.

Очлик қалбни мунаввар қилади, руҳни тетиклаштиради.

Очлик вақтни ибодат билан ўтказиш имкониятини беради.

Очлик очларнинг аҳволини ҳис қилиб, уларга ёрдам беришга ундайди.

Яҳё ибн Муъаз Розий шундай деган: «Инсоннинг учта душмани бор: дунёси, шайтони, нафси. Дунёдан унда зуҳд қилиш билан, шайтондан унга қарши чиқиш билан, нафсдан шаҳватларни тарк қилиш билан ўзингни асра».

Муҳаммад Али Муҳаммад Юсуф

Жорий йилнинг 26 январь куни СМТИда Қирол Файсал Ислом тадқиқотлари маркази (Саудия Арабистони) Бош директори Сауд Солиҳ Ал-Сархан билан учрашув бўлиб ўтди.
Қирол Файсал Ислом тадқиқотлари маркази 1983 йилда Риёдда ташкил этилган. Марказ Кенгаши раиси Шаҳзода Турки Ал-Файсал ҳисобланади. Марказ Ислом цивилизацияси асосларини ўрганиш, илмий тадқиқот ва маданий тадбирлар ўтказиш, қўлёзмаларни тиклаш ва реставрация қилиш ишларини олиб бориш, шунингдек, Ислом, араб тили ва ижтимоий фанларни ўрганишга ихтисослашган олимларни тайёрлаш билан шуғулланади.
Учрашув Ўзбекистон ва Саудия Арабистони эксперт жамоалари ўртасида алоқаларни йўлга қўйиш ва ривожлантириш истиқболлари юзасидан атрофлича фикр алмашиш имконини берди.
СМТИ директори Элдор Арипов хорижлик меҳмонларга Ўзбекистонда амалга оширилаётган кенг кўламли ислоҳотларнинг янги босқичи, мамлакатнинг диний сиёсатидаги туб ўзгаришлар ва хорижий ҳамкорлар билан алоқаларни янги босқичга олиб чиқишга мўлжалланган халқаро майдонда илгари сурилган ташаббуслар ҳақида батафсил маълумот берди.
Меҳмонлар, айниқса, Ўзбекистон Президенти Ш. М. Мирзиёевнинг БМТ Бош Ассамблеясининг 75-сессиясида жорий йилнинг май ойида Тошкентда "Марказий ва Жанубий Осиё: минтақавий ўзаро муштараклик. Таҳдидлар ва имкониятлар" халқаро конференциясини ўтказиш таклифига катта қизиқиш билдиришди.
Эълон қилинган режалар С. Сархан томонидан ижобий қабул қилинди, у Саудия томонининг режалаштирилган юқори даражадаги экспертлар форуми ишида иштирок этишга қизиқишини билдирди.
"Қирол Файсал" маркази Бош директори Ўзбекистоннинг Ислом дунёсидаги роли тобора ортиб бораётганига эътибор қаратди. Манбага кўра, Саудия Арабистони Ўзбекистонни Ислом цивилизациясининг "бешикларидан" бири деб билади.
Шу нуқтаи назардан у Ўзбекистонда амалга оширилаётган диний сиёсатга юқори баҳо бериб, аҳолининг маънавий эҳтиёжларини қондириш ва Ислом маърифати ғояларини ёйиш учун зарур шарт-шароитларни яратишга қаратилган эди.
Бундан ташқари, хорижлик меҳмон ўз тадқиқот маркази фаолиятига эътибор қаратди. Унга кўра, яқинда "Қирол Файсал" маркази стратегик тадқиқотлар билан фаол шуғулланиб, унда Марказий Осиё минтақасига салмоқли ўрин ажратилган.
Шу муносабат билан томонлар илмий учрашувлар ўтказиб, таҳлилий материалларни келгусида чоп этиш учун ҳамкорликда тайёрлаш орқали эксперт доиралари ўртасидаги ҳамкорликни ривожлантириш ниятини билдирдилар.
Учрашув арафасида Саудия Арабистони вакили делегациясининг Ўзбекистонга ташрифи доирасида икки мамлакат ўртасида сармоявий ҳамкорлик бўйича эришилган келишувларга ҳам алоҳида эътибор қаратилди.
Учрашув иштирокчилари тузилган шартномаларнинг кейинги амалий амалга оширилиши Ўзбекистон-Саудия муносабатларига янги суръат бахш этишига келишиб олдилар.
Шу нуқтаи назардан, С. Сархан Ўзбекистонга биринчи ташрифини жуда самарали деб таърифлаб, 24 январь куни Бухорода Шоҳ Файсал Исломшунослик маркази ва Ўзбекистон Ислом цивилизацияси маркази ўртасида имзоланган ўзаро англашув меморандумини эслатиб ўтди.
Саудия томонининг сўзларига кўра, ушбу битим Ўзбекистон-Саудия муносабатлари ривожига салмоқли ҳисса қўшиши мумкин, чунки ҳужжатда таълим, қўшма тадқиқотлар, нашрларни чоп этиш, тарихий қўлёзмаларни ўрганиш ва қайта тиклаш бўйича икки ташкилот ўртасидаги ҳамкорликни кенгайтириш назарда тутилган.
Умуман олганда, томонлар икки томонлама кун тартибидаги кенг масалалар юзасидан фикр алмашиш учун имкониятлар яратиши, шунингдек, Ўзбекистон ва Саудия Арабистони ўртасидаги ҳамкорликнинг янги истиқболли йўналишларини аниқлаш имконини берувчи ғоялар генератори вазифасини ўташи мумкин бўлган яқин экспертлар мулоқотини йўлга қўйишдан манфаатдорликларини билдирдилар.

Ўзбекистон мусулмонлари идораси матбуот хизмати

Муътамир айтади: «Бир дўстим вафот этди. Мен у билан бирга ҳадис ўрганар эдим. Отам менинг уни деб ғам-қайғуга ботганимни кўриб, «Эй Муътамир, дўстинг суннат йўлида эдими?» деди. «Ҳа», дедим. Отам: «Унда унинг учун ғам чекма», деди».

Изоҳ: Дўстингнинг тутган йўли тўғри бўлса, Аллоҳ таолонинг наздида яхши даражаларга эришади. Шундай экан, унинг аҳволи нима бўлди деб ғам чекиш керак эмас. Агар у нотўғри йўлда бўлганида ғам-ташвиш қилса ўринли бўлар эди.

«Солиҳлар гулшани» китобидан