Қобилжон домла АСЛАНОВ
Боёвут тумани " Абдухолиқ Ғиждувоний"
жоме масжиди имом-хатиби

Aвстралиялик мусулмонларнинг ўн йиллик орзуси рўёбга чиқди. Мелбурнда маблағ йиғиш ва қурилиш жараёни узоқ давом этган энг катта масжид намозхонларга ўз эшикларини очди. Бу масжид мамлакатнинг тез ўсиб бораётган кўп маданиятли аҳолиси учун жуда муҳим эди.
“Бу лойиҳа 2008 йилда бошланган эди. Шу йиллар мобайнида қанча машаққат чеккан бўлсакда орзуимиз амалга ошди. Бугун ҳаётимдаги барча ютуқларим ичида энг каттаси шу бўлди. Бундан нафақат мен, балки бошқа биродарларимиз ҳам хурсанд”, деди Верриби ислом маркази президенти Рифаи Раҳим.
Мазкур 8,5 миллион долларлик масжид тўлиқ жамоат хайриялари ҳисобидан молиялаштирилди.
Якшанба куни масжиднинг очилиш маросимида мусулмон жамияти етакчилари масжид барча учун очиқ эканини эълон қилди.
"Бизда тадбирлар, маслаҳатлар, таълим, болалар учун ўйин майдончалари бўлади", деди Шайх Саид Варсама Булхан.

Ўзбекистон мусулмонлари идораси матбуот хизмати

Муҳаммад Бобурхон

“Хомиддин қори” масжиди имоми-ноиби

— Мени тез-тез ёмон ўй-хаёллар, ширк чулғаб олади. Ортидан дарров калима қайтариб, истиғфор айтиб юбораман. Лекин бу ҳол яна такрорланади, нега шундай бўлишини тушунолмаяпман...

— Абу Ҳурайра розияллоҳу анҳу Расулуллоҳ соллаллоҳу алайҳи васалламдан ривоят қилади: “Аллоҳ умматимнинг хаёлларидан ўтган нарсаларни, агар уни гапирмасалар ёки унга (таяниб) иш тутмасалар, кечириб юборади” (Имом Бухорий, Имом Муслим, Имом Абу Довуд, Имом Насоий, Имом Ибн Можа, Имом Аҳмад ривояти).

Кунларнинг бирида саҳобалар Пайғамбаримиз соллаллоҳу алайҳи васалламдан: “Бизнинг хаёлимизга шундай фикрлар келадики, уларни гапиришдан қўрқамиз. (Бундай ҳолатда нима қилиш керак)?” деб сўрашди. Шунда Расулуллоҳ соллаллоҳу алайҳи васаллам: “Шу нарса сизларда ҳақиқатан ҳам пайдо бўлади-ми?” деб сўрадилар. Улар: “Ҳа”, дейишди. Набий соллаллоҳу алайҳи васаллам: “Бу (яъни ўша ҳолатга тушишларингиз) очиқ имондир”, дедилар.

Яъни инсон қалбига келган ёмон фикрларни тилига чиқаришдан қўрқиши, уни айтишга уялиши, уни яшириши, бундай хаёлларни кўнглидан чиқариб ташлашга ҳаракат қилиши ҳақиқий имон аломати экан.

Расулуллоҳ соллаллоҳу алайҳи васаллам банда хаёлига ёмон фикрлар келганида “таъаввуз” (аъузу биллаҳи минаш шайтонир рожийм)ни айтишга, Аллоҳдан ёрдам сўрашга ва бемаъни хаёлларни бас қилишга буюрганлар.

Муҳаммад Айюб ҲОМИДОВ

Муборак Рамазон ойида Бирлашган Aраб Aмирликлари ҳукумати муҳтожларга бир миллиард порция овқат тарқатади, деди БAA вице-президенти, Бош вазири ва Дубай ҳукмдори шайх Муҳаммад бин Рашид Aл Мактум.
islam.ru нинг ёзишича, озиқ-овқат ёрдами дунёнинг 50 мамлакатидаги заиф аҳоли қатламларига йўналтирилади. Aкция Рамазон ойининг биринчи кунидан бошланади ва режа тўлиқ амалга оширилгунга қадар давом этади. Шайх Муҳаммад таъкидлаганидек, дунёда 800 миллион киши очликдан азият чекмоқда.
“Бизнинг динимиз муҳтожларга ёрдам қўлини чўзиш кераклигини тарғиб қилади. Оч қолганларга озиқ-овқат бериш энг яхши садақадир”, деди бош вазир.
Ўтган йили БAA маъмурлари 47 мамлакатдаги муҳтожларга 220 миллион, 2020 йилда эса 15 миллион порциядан ортиқ, шу жумладан CОВИД-19 пандемиясидан жабрланганлар учун овқат тарқатган.
“Бирлашган Aраб Aмирликлари ўзининг гуманитар кампанияларини амалга ошириш орқали хайрия маданиятини ривожлантиришга ва одамлар ҳаётини ўзгартириш учун жамоавий ҳаракатларни кучайтиришга интилади”, — дейилади БAA ҳукумати баёнотида.

Ўзбекистон мусулмонлари идораси Матбуот хизмати