«Из-за пандемии коронавируса в Азербайджане закрыты мечети, по этой причине и в этом году джамаат-намаз (коллективный намаз) на праздник Ураза-байрам не будет совершен», передает Report. По данным islam.ru,. об этом заявил полномочный представитель Управления мусульман Кавказа по Ичери шехер Гаджи Сурхай.
Представитель УМК отметил, что, как и в прошлом году, в текущем году праздничный намаз будет транслироваться онлайн из мечетей: «Религиозные деятели будут читать проповеди. В последний день Рамадана наступает время одного из важных деяний – выплата закят аль-фитр. Рекомендуется откладывать закят аль-фитр в размере 5-10 манатов с человека. Фитр – это верность души, и для каждого члена семьи имущего мусульманина важно откладывать закят аль-фитр, отдавать его неимущим, нуждающимся семьям. Люди могут совершить праздничный намаз дома со своими семьями. Я надеюсь, что в будущем году такой проблемы не будет. Люди должны быть терпеливыми, ведь сам по себе месяц Рамадан – показатель терпения».

Пресс-служба Управления мусульман Узбекистана

Власти Саудовской Аравии опубликовали новые фотографии, на которых запечатлен невиданный ранее вид крупным планом на Черный камень Каабы. Фотографии Черного камня были сделаны с помощью новой технологии, в которой используется многослойная панорамная фокусировка.
По данным islam.ru, изображения были сняты за более чем семь часов, и на редактирование потребовалась неделя. Главное управление по делам Двух Святых мечетей сделало 1050 фотографий Черного камня и святыни Ибрагима с использованием технологии Fox Stack Panorama, которая объединяет изображения с разной степенью четкости для создания единого точного изображения с высоким разрешением. Впервые власти смогли показать Черный камень с такой детализацией. Изображения были напечатаны на 3D-принтере.

Пресс-служба Управления мусульман Узбекистана

Мамлакатимиз тарақққиётининг янги даврида масжидларни замонавий шаклда қайта бунёд этиш ва мавжудларини гўзал ҳолатга келтириш ҳамда йўловчи-зиёратчи хотин-қизлар учун алоҳида шароитларни яратишга катта эътибор қилинмоқда.
Аллоҳга шукрки, сўнгги йилларда юртимизда фуқароларининг талаб ва истакларини инобатга олган ҳолда Ўзбекистон мусулмонлари идораси саъй-ҳаракати билан 50 дан зиёд жоме масжидлар очилди. Мамлакатимиздаги масжидларнинг умумий сони 2090 тага етди. Жорий йилда 291 та масжид янгидан қуриш режа қилинган, шундан 201 тасида қурилиш ишлари бошланган. Алоҳида таъкидлаш керакки, 25 дан ортиқ маҳалла ичкарисидаги масжидлар диёримизда зиёрат туризмини ривожлантириш режасига мувофиқ, катта йўл ёқаларида қайтадан қурилди.
Мамлакатимизда янги очилаётган, қайтадан бунёд этилаётган, хусусан йўл ёқаларидаги жоме масжидларда хотин-қизлар учун алоҳида таҳоратхона ва мўъжазгина намозхоналар қилинганини кўриш мумкин. Масалан, Тошкент вилояти Янги йўл туманида “Ҳузайфа”, Оҳангарон туманида “Қорахитой”, Олмалиқ шаҳридаги “Хонобод”, Сирдарё вилояти Сирдарё туманида “Бахт”, Мирзаобод туманидаги “Зиё”, Оқолтин туманидаги “Ҳазрати Али”, Жиззах вилояти Ғаллаорол туманидаги “Нурул Ислом”, Самарқанд вилояти Булунғур туманидаги “Амир Ҳамза” каби жомеларда мана шундай шароитлар ҳозирлаган.
Қайд этилганидек, охирги йилларда эски масжидларни янгидан қуриш ва таъмир талаб ҳолга келганларини таъмирлашда ҳамда аёллар учун таҳоратхона ва шинам намозхоналар қилиш ишларига катта эътибор қаратилмоқда.
Таъкидлаш жоизки, диёримиздаги қайтадан бунёд этилаётган масжидларнинг миллий меъморий услуби, қурилиш архитектураси ҳамда ибодат қилиш учун ҳозирланган қулай шарт-шароитлари дунёда камдан-кам топилади. Бунга хорижлик мусулмон сайёҳларнинг бир неча бор иқрор бўлганларининг кўп бор гувоҳи бўлганмиз.
Юртимизнинг қайси ҳудудига ташриф буюрманг, жоме масжидларда ободонлаштириш ва бунёдкорлик ишлари жадал давом этаётганига дуч келасиз. Жорий йилги режамизда ҳам мамлакатимиздаги 100 га яқин жоме масжидни тўлиқ янгидан қуриб фойдаланишга топшириш мақсад қилинган. Айни кунларда бунёдкорлик ишлари қизғин давом этмоқда.
Мана шундай қурилиш ишлари саховатпеша инсонлар ва меҳнатсевар халқимизнинг ҳашари билан бўлмоқда. Мухлис элимиз қаердаки, масжид қурилиши ҳақида дарак топса, мен ҳам ҳиссамни қўшсам, деган илинжда хизматга бел боғламоқда.
Янги Ўзбекистонда Аллоҳнинг уйларини обод ва кўркам қилиш ишлари янада бардавом бўлишини Ҳақ таолодан илтижо қилиб сўраймиз.

Ўзбекистон мусулмонлари идораси Масжидлар бўлими

Хозирги кунда юртимиздаги кўплаб зиёратгоҳ ва муқаддас қадамжоларда зиёратга борувчи баъзи бир юртдошларимиз томонидан турли хил динимизга ёт бўлган ширк амаллари бажарилиб келинаётганлигини, ушбу муқаддас жойларда турли хил кўнгилочар тадбирлар уюштирилаётганлиги, мақбара ва қабрларга турли хил ёзувлар ёзиб кетаётганлигини қандай тушуниш мумкин. Динимиз кўрсатмаларида ушбуларга ўхшаган барча ишлар харом эканлиги айтилган.
Араб тилида ширк сўзи «икки нарсани тенглаштириш», «тенгдош қилиш», «шерик қилиш» деган маъноларни билдиради. Шариатимизга кўра, ширк энг оғир зулм, энг қабиҳ жаҳолат ва энг катта гуноҳ саналади. Ундан қайтариш жамики анбиёлар даъватининг асоси ва самовий шариатларнинг мағзидир.
Аллоҳ таоло Ўзига ширк келтиришдан Қуръони каримнинг кўплаб ояти карималарида қайтарган. Жумладан, Наҳл сурасининг 51-54 оятларида шундай деган: «Аллоҳ: «Икки (сохта) илоҳни маъбуд қилиб олмангиз! Албатта, У ягона илоҳдир! Бас, Мендангина қўрқингиз!» – деди. Осмонлардаги ва Ердаги барча нарсалар Унинг мулкидир. Дин (итоат қилиш) Унгагина(бўлиши) вожибдир. Аллоҳдан ўзгасидан қўрқасизми?! Сизларда қайси бир неъмат бор бўлса, албатта, у Аллоҳдандир. Шунингдек, қачон сизларга мусибат етса ҳам фақат Унгагина ёлворасизлар. Сўнгра (У)сизлардан (ўша) мусибатни даф этгач, сизларнинг орангиздан бир тўда(кимсалар чиқиб) Парвардигорларига ширк келтирурлар» (Наҳл сураси, 51-54-оят).
Таъкидлаб ўтиш жоизки, қабрлар зиёрати охиратни эслаш учундир. Аммо қабрлар зиёратининг асл моҳиятини унутиб, азиз авлиёлар қабрларига бориб, бахт ёки фарзанд ёҳуд ишига ривож тилаб, истакларини соҳиби қабрлардан сўрайдиганлар ҳам бор. Ваҳолангки, ҳар қандай истак, тилакларни фақат ёлғиз Аллоҳдан сўралиши керак. Аллоҳ таоло шундай марҳамат қилади: «Аллоҳни қўйиб, қиёмат кунигача ҳам (дуони) мустажоб қила олмайдиганларга илтижо қиладиган кимсадан кўра ким ҳам адашганроқдир?! Ҳолбуки, у (жонсиз бут)лар ўша (мушрик)ларнинг дуоларидан ғофил (бехабар)дирлар» (Аҳқоф сураси, 5-оят).
Ҳанафий мазҳабидаги мўътабар манбалардан бири «Раддул муҳтор» китобида шундай дейилган: «Авом халқ тарафидан ўликларга атаб назр қилиш, Аллоҳнинг дўстлари қабрларига уларга яқин бўлиш мақсадида тангалар ташлаш, шам, чироқлар ёқиш ботил ва ҳаромдир».
Шариатимиз кўрсатмаларига кўра қабрларни зиёрат қилиш суннат амаллардандир. Чунки Пайғамбаримиз саллаллоҳу алайҳи васаллам шундай марҳамат қилганлар: «Сизларга қабрлар зиёратини тақиқлаган эдим. Мана, энди қабрларни зиёрат этаверинг, зеро у сизларга охиратни эслатади» (Имом Термизий ривояти).
Демак, қабристонга борганда у ерда ётган марҳумларнинг аҳволини ўйлаб, ундан ҳар ким ўзига ўгит ва ибрат олиши лозим бўлар экан. Шунингдек, азиз-авлиёларнинг мақбараларини, яқинларимизни қабрларини зиёрат қилиб туриш Ислом динида савобли ишлардан саналади.
Аммо бунинг ҳам ўзига яраша тартиб-қоидалари бор. Бугунги кунда айрим ватандошларимиз юртимиздаги баъзи зиёратгоҳлардаги мақбаралар ва у ердаги айрим ножоиз амаллар қилинаётганлиги ҳеч кимга сир эмас. Тилаклар ижобат бўлади, дея қабристондаги дарахтларга латта боғлаш, қабрлар ёнига шам ёқиш, қабр тошларини ўпиш, мақбараларга турли хил ёзувлар ёзиш бидъат ва хурофот амаллардан ҳисобланади.
Шундай экан азизлар, муқаддас қадамжо ва зиёратгоҳларни зиёрат қилишликдан асл мақсад ҳосил қилишлик учун шариатимиз кўрсатмаларига мувофиқ зиёратлар амалга оширилса мақсадга мувофиқ бўлар эди.

Нуруллоҳ Қодиров

Бутун дунё мўмин-мусулмонлари Рамазони шарифни катта шодиёна ва чексиз хурсандчилик ила якунига етказмоқдалар. Юртдошларимиз ҳам Аллоҳ таолонинг раҳмати ва мағфирати ёғиладиган, қалблар завқланадиган ушбу ажойиб фурсатни кўтаринки кайфият билан ниҳояламоқда.
Аллоҳ таолога шукрлар бўлсинки, бу йил мамлакатимизнинг масжидларида таровеҳ намозлари ўқилмоқда, 1380 дан ортиқ жомеларда хатми Қуръон тиловатлари янграб турибди. Мўмин-мусулмонлар ҳар оқшом масжидларимизни тўлдириб, карантин талабларига риоя этган ҳолда ибодатларда бўлмоқдалар.
Маълумки, дунёда коронавирус билан хасталанганлар сони ортиб боряпти. Бу эса карантин талабларига оғишмай риоя қилишимизни англатади. Таровеҳ намозларида ҳам бунга қатъий амал қилишимиз, бир-биримизни асраб-авайлашимиз керак. Зеро, динимиз ўзига ҳам, ўзгаларга ҳам зарар етказмасликка чақиради.
2021 йил 17 апрелда ўтказилган Махсус комиссиянинг навбатдаги йиғилишида масжидларда ўтказилаётган таровеҳ, хатми Қуръон ибодатларида карантин қоидаларига тўлиқ амал қилиш лозимлиги алоҳида таъкидланган эди. Шу боис, 18 апрелдан таровеҳ намозларини очиқ ҳудудларда, очиқ айвонлар, масжид ҳовлиси, масжидга туташ ички кўчаларда адо этиш ва санитария қоидалари ва карантин талабларига тўлиқ риоя этиш жорий этилган.
Шунингдек, ҳар бир намозхон масжид ичида ва намоз давомида тиббий ниқоб таққан ҳолда бўлиши ва масжидга киришда дезинфекция воситасидан фойдаланиши, бино хоналарини ҳар кунлик дезинфекция қилиш, кириш-чиқиш жойларини пирометрлар (контактсиз ҳарорат ўлчагич), антисептик воситалар билан жиҳозлаш каби муҳим жиҳатларга ҳам алоҳида эътибор қаратилмоқда.
Таъкидлаш жоизки, юртимиз аҳли муборак ой давомида таровеҳ ва тоатларда қоим бўлиб, ихлос ва сомеъ билан ибодатда бўлмоқдалар. Айрим қўшни ва мусулмон мамлакатларида коронавирус хасталиги сабаб бундай неъматдан ҳамон бебаҳра қолмоқдалар.
Бундай ибодатлардан масрур бўлган мўмин-мусулмонлар ўз дуоларида Аллоҳ таолодан таровеҳ ва хатми Қуръон барокатидан юртимизга тинчлик, осудалик, халқимизга фаровонлик, оилаларимизга қут-барака, беморларга шифои комил, ёшларимизга баркамоллик ҳамда кексаларимизга узоқ умр сўрашмоқда. Зеро, ҳадиси шарифларда “Рўзадорнинг дуоси қайтарилмайди”, дейилган.

Ўзбекистон мусулмонлари идораси матбуот хизмати