Рамазон – хайр-саховат, меҳр-муҳаббат ойи. Бу ойда кўнгли ўксиклар, эҳтиёжманд, кам таъминланган оилалар ҳолидан хабар олиниб, уларга яхшиликлар улашиш қадим қадриятларимиздан саналади.
Шу кунларда ЎМИ Қашқадарё вилоят вакиллиги ходимлари ва имом-хатиблар томонидан ҳомийлар кўмагида ҳудудлардаги боқувчисини йўқотган, ёлғиз кексалар, ногиронлиги бор шахслар хонадонига ташриф буюрилиб, улардан ҳол-аҳвол сўралди. Шу билан бирга эҳтиёжмандларга озиқ-овқат масҳулотлари, иситиш печьлари, кийим-кечаклар ва моддий ёрдам ҳадя этилди.
Жумладан, 5 нафар иккинчи жаҳон уриши қатнашчилари, 23 нафар меҳнат фахрийлари, 149 нафар нуроний ва ёлғиз кексалар, 792 нафар ўзгалар парваришига муҳтож фуқаролар хонадонларига бориб, уларга 429607000 сўм миқдорида моддий ёрдам ёки озиқ-овқат маҳсулотлари берилди.
Бундай саховат тадбирлари муборак ой якунига қадар давом этади, иншоаллоҳ.

GʻIYOSIDDIN TOJIMIRZAYEV
Uchqoʻrgʻon tumani "Baytul muqaddas" jome
masjidi imom xatibi

Рамазон хайру эҳсонларга, яхшиликларга бой бўляпти. Маҳалла фаоллари билан маслаҳатлашган ҳолда эҳсонга ҳақдор кишилар аниқланиб, уларнинг ҳолидан хабар олиняпти.

Рамазон ойининг мағфират даҳаси сўнгги куни Тошкент вилояти бош имом-хатиби Жасурбек домла Раупов бошчилигида Тошкент тумани имом-хатибларининг ташаббуси билан ҳомийларни жалб қилган ҳолда Тошкент, Бўка, Қуйи Чирчиқ, Ўрта Чирчиқ ва Янгийўл туманлари имомлари билан биргаликда ҳудудлардаги 500 та кам таъминланган, эҳтиёжманд оилага 14 турдаги озиқ-овқат маҳсулотлари тарқатилди.

Тошкент вилояти вакиллиги Матбуот хизмати

O'zbekiston musulmonlari idorasi raisining birinchi o'rinbosari Homidjon domla Ishmatbekov

афтанинг ҳар чоршанба куни Ўзбекистон мусулмонлари идораси тизимида фуқароларни қабул қилиш куни этиб белгиланган. Кейинги пайтда бу қабулларда кўплаб юртдошларимизнинг муаммолари ечим топаётгани унинг самарали бўлаётганидан далолат беради.
Худди шу анъанага кўра, 20 март, чоршанба куни Ўзбекистон мусулмонлари идораси раиси ўринбосари Муҳаммадолим домла Муҳаммадсиддиқов идорага ўз мурожаат ва таклифларини билан келган фуқароларнинг дарду ташвишларини тинглади.
Мазкур қабулда юртимизнинг турли ҳудудларидан келган фуқароларнинг масжидлар ҳолати, имом-хатиблар фаолияти, диний таълим, моддий ёрдам, оилавий масалалар каби мурожаатлари эшитилди, уларнинг аксарияти ижобий ҳал этилди.
Самимий қабулдан мамнун бўлган фуқаролар Ўзбекистон мусулмонлари идораси раҳбариятига ўз миннатдорликларини билдирдилар.
Бу каби қабул жараёнлари Ўзбекистон мусулмонлари идорасининг ҳудудлардаги вакилликлари ва барча жоме масжидларида ҳам ҳафтанинг ҳар чоршанба куни имом-домлалар томонидан амалга оширилмоқда.

Ўзбекистон мусулмонлари идораси Матбуот хизмати