muslim.uz
Меҳнат мигрантлари учун регистрация қийинлашди
Қонунчиликдаги янги ўзгартиришларга мувофиқ, хорижлик фуқароларни иш жойига миграцион рўйхатга қўйиш тақиқланди, деб ёзмоқда "Коммерсант".
Авваллари мигрантларни хонадонга ҳам, иш жойига ҳам расмийлаштириш мумкин эди. Эндиликда бу ҳақиқатан ҳам иш жойида яшаш ҳолати қайд этилганидагина мумкин бўлади. Қонунга амал қилмаган хорижликлар мамлакатдан чиқариб юборилади.
Россия ИИВ миграция масалалари бўйича бош бошқармаси статистикасига кўра, 2017 йилда Россияга 17 млн хорижлик кирган, мамлакатда 9,5 млн хориж фуқароси доимий асосда яшамоқда.
2017 йил октябрида ИИВ ноқонуний мигрантлар сонини 2,6 млн киши деб баҳолаганди. Ўтган йили 15,7 млн хорижлик миграцион рўйхатга олинган — уларнинг аксарияти Ўзбекистон (4 млн), Тожикистон (2,1 млн), Украина (1,8 млнга яқин) ва Хитойдан (1,5 млнга яқин).
ЎМИ Матбуот хизмати
Илмли бўлиш барчамизга шарт!
Илмли бўлиш инсоннинг ҳурматини, эл ўртасидаги иззатини кўтариш билан бирга, умрини узоқ қилувчи, номини дунёда қолишининг сабабчиси ҳамдир. Илмли бўлишга кўпроқ биз Ўзбекистон ёшлари масъулмиз, чунки дунёни илми билан безатган олиму уламолар – бизларнинг боболаримиздир.
IX аср. Муҳаммад ал-Хоразмий алгебрага асос солди;
X аср. Абу Наср Форобий Арастунинг “Метафизика” асарига мукаммал шарҳ ёзиб, “иккинчи устоз” унвонини олди;
XI аср. Абу Райҳон Беруний Ер билан Ой ўртасидаги масофани ўлчади;
Абу Али ибн Сино “Тиб қонунлари”ни яратди;
XIV аср. Соҳибқирон Амир Темур Евроосиёнинг ярмини тасарруфига олди. Аҳли илм бошини силаб, ўлмас обидалар яратди;
XV аср. Мирзо Улуғбек 1019 та юлдузнинг ҳаракат жадвалини тузди;
XV аср. Алишер Навоий ўлмас “Хамса” асарини ёзди;
XVI аср. “Бобурнома” оламга тарқалди;
Ҳа азизлар, шу улуғ боболаримиз шоҳ асарларида бизларни бундай марраларни, ютуқларни қўлга киритишимизга сабаб бўлган нарса, илмга эътиборли бўлганимиздадур деганлар.
Шу азизларимиз ўгитига қулоқ солган ҳолда бугун илмли бўлиш ёшларимизнинг мақсадли режаси бўлиши шартдир.
Айни дамда юртимизда мажбурий таълимнинг жорий қилингани, таълим соҳасида барча шарт-шароитлар яратилгани, юқорида номлари зикр қилинган боболаримизга хос меросхўр фарзанлар қилиб тарбиялаш учун яратилган имкониятлардир.
Ҳазрат Али розияллоҳу анҳу ким манга бир ҳарф ўргатса, мен уни қули бўлай, ҳоҳласа қул бозорга чиқариб сотсин деганлар.
Вақти замонда жамиятнинг паст табақаси бу қуллар еди, булардан ҳамма ҳазар қилар, одам ўрнида кўрмас эдилар, шундай бўлсада Ҳазрат Али розияллоҳу анҳу “бир ҳарф ўргатса” деганлар, бундан мурод бу илимдур, илимнинг эса динийси ё дунёвийси бўлмайди
Қутадғу билигда :
Яна бир ҳикмат бор ҳазрати одам
Билим, ақлу идрок, сабаб муҳтарам.
Инсоннинг халқ орасидаги ҳурмати илм билан эканини айтаяптилар.
Шу маънода, Росулуллоҳ соллаллоҳу алайҳи васаллам илмга жуда катта аҳамият қаратиб шундай деганлар: “Илм талаб қилиш мусулмон аёл ва эркакка баробар фарздир” .
Шунинг учун мусулмон одам фарзандларини илмли бўлиши, халққа хизмат қиладиган қилиб тарбиялаши шарт. Динимиз эътибори билан қаралганда, Қуръони каримда энг кўп зикр қилинган сўз, илм сўзидур ва Қуръоннинг маъноси ҳам “қироат” сўзи масдаридан олинган бўлиб “Ўқиш” деган маънони англатади.
Расулуллоҳ соллаллоҳу алайҳи васалламга нозил бўлган биринчи оят ҳам “ўқи” амри билан бошлангани ҳам илмга эътибор қаратишимиз учун ҳам ёрқин далилдир.
Суқрот ҳакимнинг бир гаплари бор: “Ўқиб ўрганмай туриб фойда ва зарарнинг фарқига етаман, деган одамни ақлсиз дейиш мумкин”. Чунки инсон ўқимай, илмли бўлмай паст-баландни билмас, яхши ёмоннинг ажрата олмас. Баъзан халқимиз орасида кўнгилни хафа қиладиган гапларга гувоҳ бўлиб қоламиз: “Шунча ўқиганинг етар, ўқиб менга шаҳар олиб берармидинг” деймиз. Яна биримиз: “Ҳамма олим бўлиб кетаверса, подани ким боқади ?” деймиз. Ёдимиздан чиқмасинки Расулуллоҳ (с.а.в); “Подани боқиш учун ҳам илм керак” деганлар. Барчамизни яратган Аллоҳ илм йўлида бардавом бўлишимизни ва фарзандларимизни илмга ошно бўлишини ва илмни қадрига етишимизни насиб этсин
Бугун давлатимиз томонидан илм олиш, илм излаш учун қанча шарт-шароитлар яратилган, шу шароитлардан унумли фойдаланган ҳолда, бу дамларни олтинга алишиб бўлмаслигини тушунайлик ва тушунтирайлик.
Одилжон ЯЛҒАШЕВ,
“Изомиддин мударрис” жоме масжиди имом-хатиби
Термизда афғонистонликлар учун қулайлик яратилади
Айни вақтда Афғонистонда ишчи ташриф билан бўлиб турган Ташқи ишлар вазири Абдулазиз Комилов бошчилигидаги Ўзбекистон делегациясининг Афғонистонга ташрифи давомида Термизда Афғонистон консулхонасини очишга келишиб олинди. 8 июль куни қўшни давлат президенти Муҳаммад Ашраф Ғани «Арг» саройида Ўзбекистон делегациясини қабул қилди.
«Бўлиб ўтган суҳбат чоғида икки томонлама муносабатларнинг долзарб масалалари, биринчи навбатда Афғонистон президентининг 2017 йил декабрдаги Ўзбекистонга расмий ташрифи ва юқори даражадаги музокаралар давомида эришилган келишувларнинг амалий ижроси муҳокама қилинди. Мазкур йўналишда йирик инвестицион, транспорт-коммуникациявий, савдо-иқтисодий лойиҳаларни амалга ошириш масалалари кўриб чиқилди. Учрашувда Ўзбекистон Афғонистоннинг Термизда консуллик очиш тўғрисидаги мурожаатига розилиги тасдиқланди», – дейилади ТИВ матбуот хизмати хабарида.
Томонлар Афғонистондаги вазият юзасидан ҳам фикр алмашишган.
Муҳаммад Ашраф Ғани Афғонистонда тинчлик жараёни ўрнатишдаги саъй-ҳаракатлари учун Ўзбекистон томонига миннатдорчилик билдирган.
Учрашувда ўзбек-афғон ҳамкорлиги кун тартибида турган бошқа масалалар ҳам муҳокама қилинган.
ЎМИ Матбуот хизмати
Садақанинг фойдалари
Аллоҳ таоло балони аритишини, дардингизга шифо беришини, дўзахдан сақлаб, жаннатга махсус эшикдан киритишини истайсизми? У ҳолда садақа беришга шошилинг! Чунки садақа беришда мусулмонлар учун дунёда ҳам, охиратда ҳам кўп манфаатлар бор.
Садақа – Аллоҳ таолога энг маҳбуб амаллардан.
Ҳабиб соллаллоҳу алайҳи васаллам бу борада шундай деганлар:
“Аллоҳ азза ва жаллага амалларнинг энг маҳбуби мусулмоннинг қалбига хурсандчилик киритишингдир ёки ундан бир ташвишни аритишингдир ёки унинг қарзини адо этишингдир ёки ундан очликни кетказишингдир. Биродарим билан унинг ҳожатини раво қилиш мақсадида юришим мен учун ушбу Масжидул Ҳаромда эътикоф ўтиришимдан маҳбуброқдир”.
Садақа – уни берувчидан ва унинг аҳлидан балонинг аришига, унинг ёмон ўлим топишдан қутулишига сабаб бўлади.
Набий соллаллоҳу алайҳи васаллам шу ҳолатни баён қилиб: “Албатта, садақа Раббнинг ғазабини ўчиради ва ёмон ўлимни даф қилади”, деганлар.
Али ибн Абу Толиб розияллоҳу анҳу бундай дедилар: “Расулуллоҳ соллаллоҳу алайҳи васаллам “Садақани эртароқ беринглар! Чунки, бало ундан ошиб ўтолмайди”.
Садақа – баданни, молни поклайди.
Аллоҳ таоло Қуръони каримда шундай деб марҳамат қилган:
خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِم بِهَا وَصَلِّ عَلَيْهِمْ إِنَّ صَلاَتَكَ سَكَنٌ لَّهُمْ وَاللّهُ سَمِيعٌ عَلِيمٌ
“Уларнинг молларидан садақа ол. Бу билан уларни поклайсан, тозалайсан ва уларнинг ҳаққига дуо қил. Албатта, сенинг дуоинг улар учун сокинликдир. Аллоҳ эшитгуви ва билгувчи зотдир” (Тавба сураси, 103-оят).
Набий соллаллоҳу алайҳи васаллам савдогарларга: “Эй савдогарлар жамоаси! Албатта, бу савдода лағв, қасам содир бўлади. Унга садақани аралаштириб туринглар!”, деганлар.
Садақа – молнинг баракаси зиёда бўлиб, ризқ кенгайишига сабаб бўлади.
Аллоҳ таоло Қуръони каримда шундай деган:
قُلْ إِنَّ رَبِّي يَبْسُطُ الرِّزْقَ لِمَن يَشَاءُ مِنْ عِبَادِهِ وَيَقْدِرُ لَهُ وَمَا أَنفَقْتُم مِّن شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ
“Айт: “Албатта, Раббим ризқни Ўз бандаларидан кимни хоҳласа ўшанга кенг қилур ва тор қилур. Ҳар бир инфоқ қилган нарсангизнинг ўрнини У тўлдирур. У зот ризқ бергувчиларнинг яхшисидир”. (Аллоҳ таоло хоҳлаган бандасининг ризқини кенг ва хоҳлаган бандасининг ризқини тор қилиб қўяди. Аллоҳ таоло ато этган ризқдан банда Аллоҳ йўлида инфоқ қилса, шундан фойда кўради.) (Сабаъ сураси, 39-оят).
Пайғамбаримиз соллаллоҳу алайҳи васалламнинг “Касалларингизни садақа билан даволанглар”, деган ҳадисларига биноан садақа бериш орқали балолар ва касалликлар даф бўлади.
Садақа – ажрнинг кўпайишига сабаб бўлади.
Аллоҳ таоло садақа берувчиларнинг савобларини кўпайтириб беришини Қуръони каримда баён этиб бундай деган:
إِنَّ الْمُصَّدِّقِينَ وَالْمُصَّدِّقَاتِ وَأَقْرَضُوا اللَّهَ قَرْضاً حَسَناً يُضَاعَفُ لَهُمْ وَلَهُمْ أَجْرٌ كَرِيمٌ
“Албатта, садақа қилувчи эркагу аёл ҳамда Аллоҳга қарзи ҳасана берувчиларга (савоб) кўпайтириб берилур. Уларга карамли ажр ҳам бор” (Ҳадид сураси, 18-оят).
Садақа – жаннатнинг махсус эшигидан киришга сабаб бўлади.
Садақа берувчи қиёмат куни жаннатга махсус эшикдан киритилади. У эшикнинг номи “Садақа эшиги”дир.
Абу Ҳурайра розияллоҳу анҳудан ривоят қилинган ҳадисда Расулуллоҳ соллаллоҳу алайҳи васаллам: “...Ким садақа берувчилардан бўлса, уни “Садақа эшиги”дан чақирилади. Ким рўза тутувчилардан бўлса, уни “Райён эшиги”дан чақирилади” дедилар. Шунда Абу Бакр Сиддиқ розияллоҳу анҳу: “Ё Расулуллоҳ, бир киши эшикларнинг ҳаммасидан чақириладими?” деб сўради. Расулуллоҳ соллаллоҳу алайҳи васаллам: “Ҳа, сен ўшалардан бўлишингни умид қиламан”, дедилар (Имом Муслим ривояти).
Садақа – молнинг зиёда бўлиб, камаймаслигига сабаб бўлади.
Азизлар, билингларки, мол-пул садақа бериш билан камайиб қолмайди! Аксинча, зиёда бўлади.
Пайғамбаримиз соллаллоҳу алайҳи васаллам бир ҳадисда: “Банданинг моли садақа сабабли камаймайди!” деганлар.
Садақа – дўзахдан қутулишга сабаб бўлади.
Расулуллоҳ соллаллоҳу алайҳи васаллам “Яримта хурмо садақа қилиб бўлса ҳам дўзахдан сақланинглар!” деганлар.
Демак,
садақа – Аллоҳ таолога энг маҳбуб амаллардан;
садақа – уни берувчидан ва унинг аҳлидан балонинг аришига, унинг ёмон ўлим топишдан қутулишига сабаб бўлади;
садақа – баданни, молни поклайди;
садақа – молнинг баракаси зиёда бўлиб, ризқ кенгайишига сабаб бўлади;
садақа – ажрнинг кўпайишига сабаб бўлади;
садақа – жаннатнинг махсус эшигидан киришга сабаб бўлади;
садақа – молнинг зиёда бўлиб, камаймаслигига сабаб бўлади;
садақа – дўзахдан қутулишга сабаб бўлади.
Аллоҳ таоло барчамизни садақа берувчилар ва унинг дунёю охиратдаги фойдаларини кўрувчилардан қилсин!
Муаллиф: Ҳоний Довва,
Мутаржим: Нозимжон Иминжонов
В мечети организовали «Праздник книги»
В соборной мечети «Ханабад» Ахангаранского района Ташкентской области состоялась «Праздник книги».
В нем были представлены книги и медиа продукции таких издательств как «Мовароуннахр», «Янги аср авлоди» и «Хилол – Нашр».
Как сообщает пресс-служба Ташкентского областного представительства Управления мусульман Узбекистана, для любителей книжной продукции была предоставлена возможность приобрести их по ценам издательств.
Пресс-служба Управления мусульман Узбекистана
Мақолалар
