muslim.uz
Диндан қайтиш муртадликдир
Ўзбекистон халқи кўп миллатли бўлиши билан бирга, маҳаллий аҳоли ўз урф-одатларига жуда кўп содиқдир. Ўзбекистонда кейинги пайтларда мусулмонларни ва маҳаллий халкларни турли хил диний секталарга ўтказишни тарғиб этувчи миссионерлик ҳаракати кўзга ташланаётгани, ўз динидан воз кечиб ўзга динларга ўтиб кетаётган кишиларнинг хатти-ҳаракатларини ифодаловчи прозелитизм ва унинг салбий оқибатлари натижасида диний ҳамжиҳатлилик, бағрикенглик, динлараро муносабатларни қарама-қарши қўйилиши ва кескинлашишига, турли конфессиялар ўртасида адоватни авж олдиришга сабаб бўлиши мумкин.
Ўзбекистондаги бир диний конфессиядаги диндорларни бошқасига киритишга қаратилган хатти-ҳаракатлар, шунингдек бошқа ҳар қандай миссионерлик фаолияти ман этилиши, миссионерларнинг мақсади динга киришиш эмас, балки мусулмонларни диндан чиқариш эканлиги бунга далил. Улар ахлоқни яхшилаш билан сира шуғуллланишмайди, аксинча хулқни бузадиган ишларни ёйиши, ҳар-хил ўйинлар, дискотекалар ташкил килишади ва ресторанлар очиб тунги кўнгилхушликлар уюштиришни режалаштирадилар.
Ислом дини маҳаллий халқларнинг урф-одатларига чуқур кириб кетиб, ҳаёт тарзига айланиб қолган. Халқимизнинг тарихи, бугуни ва келажаги бевосита Ислом дини билан чамбарчас боғлиқ. Мустақиллик неъмати туфайли халқимиз ўз илдизларига қайта бошлади. Лекин кўпчилик ҳали ҳам ўз дини ҳақида яхши маълумотга эга эмас. Миссионерлар ўзларининг хушмуомалари, ёрқин ва таъсирчан ваъзлари орқали диний маъумотларга эга бўлмаган кишиларни чалғита бошлашди. Лекин давлатимиз томонидан бунинг олдини олинди. Тасаввур қилинг, бунинг оқибатида жамиятдаги узвийлик бузилиб, парокандалик юзага келади. Бутун умр ўзи ота-боболари Исломдан бошқа динни билмаган бир оила вакили христиан динини қабул қилади. Жамиятнинг илк ва энг муҳим бўлаги бўлмиш оила жанжал ва низолар домига тортилади. Ота-она қавму-қариндошлар унинг бу қилмиши оқибатида маҳалла куйда бош кўтара олмай қолишадилар. Оила маҳалладан ва ўз яқинларидан узилиб қолади. Ислом динидан бошқа динга ўтган ана шундай кимса вафот этгач ким уни дафн қилади, қандоқ ва қаерга дафн қилиш керак деган муаммолар юзага келади. Шунинг учун Ислом динимиз таълимотларидан чалғитадиган ҳар қандай уриниш ва ҳаракатларга барҳам беришимиз ва соф Ислом эътиқодида собит туришимиз керак.
С. Рахматиллаев
Шовот туман “Юсуф хамадоний” масжиди имоми
Ўзбекистон Президенти БАА раҳбариятига табриклар йўллади
Ўзбекистон Республикаси Президенти Шавкат Мирзиёев Бирлашган Араб Амирликлари Президенти Шайх Халифа бин Зоид Ол Наҳаён, БАА Вице-президенти, Бош вазири, Дубай амирлиги ҳокими Шайх Муҳаммад бин Рошид Ол Мактум ҳамда Абу-Даби амирлиги валиаҳди, БАА Қуролли Кучлари Олий бош қўмондони ўринбосари Шайх Муҳаммад бин Зоид Ол Наҳаёнга миллий байрам - БАА ташкил топган кун муносабати билан табриклар йўллади. Бу ҳақда Президент матбуот хизмати хабар берди.
Ўзбекистон мусулмонлари идораси Матбуот хизмати
Малайзия халқаро ислом университети маърузаларга ўзбекистонлик олимларни жалб қилишни режалаштирмоқда
2019 йилнинг 27 ноябрь куни Ўзбекистон Республикасининг Куала-Лумпур шаҳрида жойлашган дипломатик ваколаатхонаси раҳбари Равшан Усманов Малайзия халқаро ислом университети (International Islamic University Malaysia – IIUM) проректори Исаржи Сарудин билан учрашди.
Маълумот учун, IIUM 1983 йилда ташкил этилган бўлиб, бу ерда инлиз ва араб тилларида қарийб 30 минг талаба таҳсил олади.
Малайзия томонига учрашувда Ўзбекистон халқаро ислом академияси фаолияти, Ўзбекистонда таълим, дин, ёшлар сиёсати ва ижтимоий-иқтисодий соҳаларда амалга оширилаётган ислоҳотлар ҳақида маълумот берилди. Тошкент шаҳридаги Ислом цивилизацияси маркази, Имом Бухорий илмий-тадқиқот маркази ва Ҳадис илми мактаби ҳақида маълумот берилган.
Ўз навбатида Исаржи Сарудин Ўзбекистондаги илмий-тадқиқот марказлари билан ҳамкорлик қилиш масаласи муҳим эканини айтиб, кадрлар малакасини оширишда яқин ҳамкорлик йўлга қўйилишига умид билдирган. Ўзбекистонлик мутахассисларни Малайзияга шартнома асосида маърузалар қилишга таклиф этиш режалаштирилгани ва қисқа муддатларга талабалар алмашинуви амалга оширилиши кўзда тутилганини қайд этган.
Ўзбекистон мусулмонлари идораси Матбуот хизмати
Нур-Султон шаҳрининг 12 та масжидларида эҳсон учун тўлов терминаллари ўрнатилди
Қозоғистон пойтахтида Қозоғистон мусулмонлари идораси ташаббуси билан ўрнатилиши кўзда тутилган хайрия учун тўлов терминалларини ўрнатиш бўйича лойиҳанинг тақдимоти бўлиб ўтди.
Muslim.kz сайтининг маълумотига кўра, тадбирда Қозоғистон бош муфтийси Серикбой ҳожи Сотиболди ўғли, Ахборот ва ижтимоий ривожланиш вазири Даврон Абаев ва бошқа мутасадди идора ва ташкилотларнинг вакиллари иштирок этишган.
Қозоғистонни рақамлаштириш бўйича йирик дастурнинг бир қисми бўлган лойиҳа доирасида, эҳсонларни тўлаш мумкин бўлган 32 та тўлов терминалларини пойтахтдаги 12 та масжидда ўрнатиш бошланади. Бунда хайрия тизимда шаффофликка эришиш мақсад қилингани қайд этилган.
Ўзбекистон мусулмонлари идораси Матбуот хизмати
Индонезиялик талабалар ислом ҳақида маълумот бериш учун Хитойга келди
Индонезия ҳукумати томонидан бир гуруҳ талабалар Хитой Халқ Республикасига ислом динининг тинчликпарварлик ҳамда бағрикенглик дини эканини кўрсатиш ва тарғиб қилиш мақсадида юборди. Бу ҳақда Sindonews нашри хабар берди.
Ушбу лойиҳа Индонезиянинг Дин ишлари ҳамда Ташқи ишлар вазирликларининг қўшма лойиҳаси бўлиб, мамлакатнинг турли ҳудудларидан бўлган талабалар "талабалар алмашинуви" бўйича дастурлар доирасида Пекинга юборилган.
Улар хитойликлар орасида 5 кун давомида Индонезия исломий таълим муассасаларини намойиш этадилар.
Бундан ташқари, талабалар Xiao Mi, Alibaba ва Huawei сингари технологик компанияларда ҳам бўлишади.
Ўзбекистон мусулмонлари идораси Матбуот хизмати
Видеолавҳалар
