Атирау вилояти Қизилкогин туман суди ушбу туманда яшовчи шахсни жума намози вақтида баланд овозда ибодат қилгани учун 84 минг тенге миқдоридаги жаримага тортиш ҳақида қарор қабул қилди.

Мияли қишлоғидаги Байтерек масжидида ўтган жума намозида имом намоз вақтида "Амин" сўзини жуда баланд овозда айтгани учун тўхтатишга мажбур бўлган. Имомнинг огоҳлантиришига қарамасдан ушбу шахс масжид тартибини бузишда давом этган.

Судда тартиббузар намоз вақтида "Фотиҳа" сураси ўқилгач баланд овозда "Амин" дейиш кераклигини онлайн-дастурдан ўрганганлигини айтган.

Ушбу шахс маъмурий қоидабузарлик содир этганликда айбланиб жаримага тортилган.

Айбдор намоз ўқиш қоидаларини тушунишда хатога йўл қўйганини тан олган.

ЎМИ Матбуот хизмати