Бирлашган Араб Амирликларининг Шаржа шаҳрида дунёдаги энг йирик академиялардан бири ҳисобланган Қуръон Академияси очилди. Бу ҳақда islam.ru нашрига асосланиб islam.uz хабар берди.
Академиянинг очилиш маросимида Шаржа Олий Кенгаши аъзоси ва шайх Султон бин Муҳаммад Ал Қосимий иштирок этди.
Бино майдони 75000 квадрат метр бўлиб, 34 гумбазли саккиз қиррали юлдуз шаклида қурилган. Бу ерда еттита тарихий музей фойдаланишга топширилди.
Ҳозирда музейда Қуръони Каримнинг 308 нусхаси ва археологик қўлёзмалар намойиш этилмоқда. Шунингдек, тахминан ҳижрий 970 йилда Муқаддас Каъбани ёпиб қўйишда фойдаланилган қора мато бўлган энг қадимий кисва ва бошқа қизиқарли асарлар бор.
Тадбирда сўзга чиққан Шаржа Олий Кенгаши аъзоси аҳолини Қуръон Академиясига ташриф буюришларини ва муқаддас битикларнинг барча гўзалликларидан баҳраманд бўлишларини таклиф этди.
Ўзбекистон мусулмонлари идораси матбуот хизмати
