Бирлашган Араб Амирликларининг учувчисиз фазовий қурилмаси Марсга етиб борганлиги ва Қизил сайёра орбитасига муваффақиятли кириб борди. Бу ҳақда Марс миссиясининг "Амал" ("Умид") деб номланган расмий твиттерида маълум қилинди, деб хабар беради бугун "Ал-Арабия" телеканали.
"Муваффақият! Амал проби билан алоқа қайта тикланди. Марс орбитасига учириш якунланди", - дейилади твитда.
Зонднинг орбитага муваффақиятли учирилиши Бирлашган Араб Амирликларини Қизил сайёрага етиб келган дунёдаги бешинчи, араб дунёсидаги биринчи мамлакатга айлантирди.
Саудия Арабистони космик комиссияси раиси Султон бин Салмон бин Абдул Азиз мамлакатни Марс зондини орбитага муваффақиятли ишга туширилиши билан табриклаган. Шаҳзода Султон қироллик Бирлашган Араб Амирликларининг космик соҳада биргаликда иш олиб бораётган лойиҳалари ва дастурларидаги саъй-ҳаракатларини қўллаб-қувватлашини тасдиқлаган.
Форс кўрфази Араб давлатлари ҳамкорлик кенгашининг бош котиби Наиф Фалаҳ ал-Ҳажраф ҳам БАА ҳукумати ва халқини Марсга зонднинг етиб боргани билан табриклаган.
2020 йил 19 июлда “Al Amal” космик станцияси бўлган H-IIA ракетаси “Танегасима” космодромидан муваффақиятли учирилган эди. Миссиянинг мақсади Марснинг атмосфераси ва иқлимини ўрганишдир. Тахминан 1350 кг оғирликдаги қурилма БАА космик агентлиги, Муҳаммад бин Рашид номидаги космик марказ ва Американинг учта университети билан ҳамкорликда яратилган. У иккита қуёш панеллари, юқори аниқликдаги кўп каналли камера ва инфрақизил ва ултрабинафша спектрометрлар билан жиҳозланган. EMM (Emirates Mars Mission) миссиясининг асосий вазифаси Марс атмосфераси ва иқлимини ўрганишдир. Хусусан, “Al Amal” зонди ёрдамида олимлар сайёрадаги об-ҳаво даврларини, шунингдек чанг бўронларини кузатишни режалаштирмоқдалар. Олинган маълумотлардан фойдаланган ҳолда мутахассислар Марс атмосфераси мавжуд бўлган вақт ичида қандай ўзгарганлигини билиб олишни мўлжаллаган.
azon.uz
