muslim.uz
ТАЪЗИЯ БИЛДИРАМИЗ
Ўзбекистон мусулмонлари идораси жамоаси Хоразм вилояти бош имом-хатиби Хайруллоҳ домла Абдуллаевга укаси Файзулло Абдуллаевнинг вафоти муносабати билан чуқур таъзия изҳор этади.
Аллоҳ таоло марҳумни Ўз мағфиратига олсин! Ғариқи раҳмат, шоистаи жаннат, охиратларини обод қилсин!
Барча яқинларига сабру жамил ато айлаб, ажру мукофотларини кўпайтириб берсин!
Иннаа лиллааҳи ва иннаа илайҳи рожиъун!
Ўзбекистон мусулмонлари идораси
Суриялик Шайх Малиҳ ал-Мараъший: “Ё Аллоҳим бизга раҳм қил!” (+ видео)
Аллоҳим Сенга яратган нарсаларинг ададича ҳамд бўлсин, Сенга аршинг вазнича ҳамд бўлсин, Сенга калималаринг сиёҳича ҳамд бўлсин, Сенга Ё суюклигим то рози бўлгунингча ҳамд бўлсин, Сенга агар рози бўлсанг ҳамд бўлсин, Сенга розилигингдан кейин ҳам ҳамд бўлсин.
Ё Аллоҳим, шарафли туғилмиш зотга, мақталган улуғ зотга, борлиқдаги энг яхши зотга раҳматинг бўлсин!
Ё Аллоҳим, аввалгилару охиргиларнинг саййиди Муҳаммад соллаллоҳу алайҳи васалламга раҳматинг бўлсин.
Ё Аллоҳим, саййидимиз Муҳаммад соллаллоҳу алайҳи васалламга то қиёматгача фаришталар ҳузурида ҳам раҳм айла.
Ё Аллоҳим, Сендан бизни ҳаддан оширадиган бойликдан паноҳ тилаймиз, Сендан унуттирадиган камбағалликдан паноҳ тилаймиз, Сендан бизга озор берадиган кимсадан паноҳ тилаймиз, Сендан бизни чалғитиб, банд қиладиган дунёдан паноҳ тилаймиз.
Ё Аллоҳ поклигинг ҳузурида бир лаҳза туриш дунё ва ундаги нарсалардан яхшироқдир. Эминлик ва омонлик, саломатлик ва иймон бўлган ҳузурингда қайси карамингдан олдингда ўтиришимиз, Сенга ёлвориб роз айтсак, бизни эшитасан, Сендан сўрасак, берасан, Ўзинг ҳукм қиласан, “Эй фаришталарим, Мени суйганга қарамадингизми, Мени зикр қилиб ўтирганлар ҳузурига қарамадингизми? Дунёни тарк қилиб, мен томон юзланганларга қарамадингизми?
Ё Аллоҳ бу юртни ва бошқа мусулмон диёрларни тўкин сочинлик, хотиржамлик макони қилгин! Ё энг улуғ ато қилувчи, ато қилувчиларнинг карамлиси, Ё сўралгувчиларнинг энг яхшиси Сендан ўлим ва унинг ташвишидан, ғам, қайғудан паноҳ тилаймиз.
Ё Аллоҳ, ё Карамли зот, ичимизда Аллоҳим, деган мўмин банданг бор эмасми, лаббай бандам десанг, мўмина банданг йўқмики кафтларини кўтариб Аллоҳим деса, лаббай десанг. Ё Аллоҳим, одамлар қўрқадиган кунда бизни омон қилгин, оламлар шарманда бўладиган кунда айбларимизни яширгин, одамлар азобланадиган кунда бизга раҳм қилгин. Ё суюкли зот мен бир ҳақир банданг икки кафтимни кўтариб Сенга дуо қилмоқдаман, қабул айлагин!
Бироқ ўзинг бизга дуо қилишни ўргатгансан. Ё Аллоҳим ушбу манзил макондан гуноҳлари кечирилган, амаллари қабул қилинган, дуолари эшитилган ҳолда чиқишимизни насиб эт.
Ё хожамиз ўз фазли караминг билан дуоларимизни ижобат қил. Охирги илтижоимиз Оламлар парвардигори Аллоҳга ҳамд бўлсин! Ё Аллоҳим, суюкли пайғамбаринг Муҳаммад соллаллоҳу алайҳи васалламга ва у зотнинг оила аъзоларига раҳматинг ва саломинг бўлсин!
Абдушукур АБДУРАҲИМОВ,
таржимаси
اللهم لك الحمد عدد خلقك لك الحمد زنة عرشك، لك الحمد مداد كلماتك، لك الحمد يا حبيبي حتى ترضى، ولك الحمد اذا رضيت، ولك الحمد بعد الرضا، اللهم صل على أشرف المولود، وأكرم محمود و خير ما في الوجود، اللهم صل على سيدنا في الأولين اللهم صل على سيدنا محمد في الآخرين ، اللهم صل على سيدنا محمد في الملء الأعلى إلى يوم الدين، اللهم إنا نعوذ بك من غنى يطغينا، نعوذ بك من فقر ينسينا،. نعوذ بك من صاحب يؤذينا، نعوذ بك من دنيا تشغلنا و تلهينا، لحظة في رحاب قدسك يا الله خير لنا من الدنيا و ما فيها، في رحاب الأمن و الأمان، في رحابك السلامة والإيمان، أي كرم منك أن نجلس بين يديك، نناجيك فتسمعنا نسألك فتعطنا، تطل من علياءك تقول يا ملائكتي أما نظرتم إلى من تحبوني أما نظرتم إلى من جلسوا في رحاب يذكروني، أما نظرتم إلى من تركوا الدنيا و جاؤوني يا الله اچعل هذا البلد مطمئنا رخاء صخاء، و ساءر بلاد المسلمين، يا أكرم من أعطى، يا أكرم من أعطى و يا خير من سئل ، نعوذ بك من الموت و كربته، و من الهم و حزبته، يا الله يا كريم، أليس فينا عبد مؤمن إذ قال لك يا الله قلت لبيك عبدي، اليس فبنا أمة مؤمنة إذ رفعت أكفها إذ قالت يا الله،
قلت لبيك عبدي، اليس فبنا أمة مؤمنة إذ رفعت أكفها إذ قالت يا الله، قلت لبيك يا أمتي اللهم آمنا يوم يخاف الناس، و استرنا يوم يفضح الناس، و ارحمنا يوم يعذب الناس، يا حبيبي إني احقر من أن ارفع أكفي فادعوك فتستجيب، لكنك أنت اللذي علمتنا الدعاء و أنت اللذي وعدتنا بالإجابة، اللهم لا تخرجنا من هذا المكان إلا بذنب مغفور و عمل مقبول، و دعاء مسموع، أجب دعاءنا بكرمك مولانا و آخر دعوانا ان الحمدلله رب العالمين، و صل اللهم على حبيبك و نبيك محمد و على آله و صحبه و سلم.
Қурбонлик қилиш кимларга вожиб, бу амал қандай бажарилади?
Ўзбекистон мусулмонлари идораси Уламолар Кенгашининг Қурбон ҳайитини нишонлаш тўғрисидаги БАЁНОТИ
Бисмиллаҳир Роҳманир Роҳийм.
Ўз ҳузурида энг улуғ кунларни бизга байрам қилиб берган
Аллоҳ таолога ҳамду саноларимиз бўлсин!
Ҳазрати Расули муҳтарамга салом ва салавотларимиз бўлсин!
Азиз юртдошлар, Ўзбекистон мусулмонлари идораси Уламолар Кенгаши номидан Сиз азизларни меҳр-оқибат, эзгулик ва саховат айёми бўлган Қурбон ҳайити билан самимий муборакбод этамиз.
Маълумки, бутун дунё бўйлаб, жумладан, юртимизда ҳам коронавирус касаллиги авж олмоқда. Ҳозир инсоният оғир синовли даврни бошидан кечирмоқда. Мамлакатимизда аҳоли саломатлигини ҳар томонлама ҳимоя қилиш учун барча чоралар кўрилмоқда. Лекин, бутун жаҳонда бўлгани каби юртимизда ҳам пандемия билан боғлиқ вазият кескинлигича қолмоқда.
Баъзи мусулмон ва қўшни давлатларда коронавирус инфекцияси тарқалиши билан боғлиқ ҳолат кескинлиги сабабли уламолар томонидан Қурбон ҳайити намозини жамоат бўлиб ўқишнинг иложи йўқлиги ҳақида фатволар эълон қилинди.
Ислом дини манбаларида Қурбон ҳайити намози вожиб амал экани баён этилган. Абу Ҳанифа раҳматуллоҳи алайҳдан жума намози вожиб бўлган кишиларга ҳайит намози вожиб экани нақл қилинган. Жума намози Қуръон, суннат, ижмо каби қатъий далиллар билан собит бўлган фарз амалдир. Модомики муайян узрлар билан фарз бўлган жума намозини вақтинча тўхтатиб туриш тўғрисида уламолар фатвоси қабул қилинган экан, вожиб амал бўлган ҳайит намозини ўқимаслик ҳам ўз-ўзидан маълум бўлади.
Баён этилганлардан келиб чиқиб, 2020 йилги Қурбон ҳайити (Ийдул адҳо) намозини пандемия даврида жамоат бўлиб ўқиш имконияти мавжуд эмаслиги, мўмин-мусулмонларнинг зиммасидан ушбу ибодатни соқит қилади.
Уламолар Кенгашининг коронавирус инфекцияси тарқалишининг олдини олиш бўйича фатвосида қайд этилганидек, эпидемиологик вазиятни инобатга олган ҳолдаги хулосалари айни Қурбон ҳайити намозига ҳам тегишлидир.
Бундай вазиятда оят, ҳадис ва шаръий қоидаларда кўрсатилган тавсияларга амал қилишга буюрилади. Шариат инсонга зарар етиш эҳтимоли кучайган пайтда ибодатларни енгил тарзда бажаришга рухсат беради ёки бутунлай зиммадан соқит қилади. Ийд намози вожиб амал бўлгани боис бугунгидай узрли ҳолатларда ҳайит намозини адо этиш соқит бўлади.
Мавжуд вазият тақозосидан келиб чиқиб, Ийдул адҳа намози адо қилинмаса ҳам Қурбон ҳайити кунлари савобли амаллар бисёр эканини маълум қиламиз. Қурбон ҳайити зулҳижжа ойининг 10-кунига тўғри келиши эътиборидан ушбу ой ва унинг биринчи ўн кунлиги фазилати жуда улуғ экани мўътабар манбаларда баён этилган.
Аллоҳ таоло Қуръони каримнинг “Фажр” сурасида: “Тонга қасам. (Зулҳижжа ойидаги аввалги) ўн кечага қасам. Жуфт ва тоққа қасам”, деб марҳамат қилган.
“Жуфтга қасам”даги “жуфт”дан мурод, зулҳижжа ойининг ўнинчи куни, “тоқ”дан мурод эса тўққизинчи кунидир. Имом Нисобурий айтадилар: “Аллоҳ таолонинг ушбу ўн кечага қасам ичиши, бу кунларнинг нечоғлик шарафли ва улуғ кунлар эканига далолат қилади ва унда дунёвий ва ухровиий манфаатлар борлигини кўрсатади.
Ҳазрати Пайғамбаримиз соллаллоҳу алайҳи васаллам: “Арафа кунининг рўзаси ундан олдинги бир йил ва ундан кейинги бир йиллик гуноҳларга каффорат бўлишини Аллоҳдан умид қиламан”, деганлар (Имом Муслим ривояти).
Коронавирус пандемияси сабаб карантин ҳолатида ҳайит намози ўқилмаётгани учун қурбонликни тонг отгандан бошлаб қилиш жоиз бўлади. Юртдошларимиз ҳайит куни бомдод намозини ўқиганларидан сўнг, қуёш чиққандан кейин 4 ракат Зуҳо намозини ўқиб, кейин қурбонлик қилсалар, янаям савобли бўлади. Қурбонлик қилиш ҳайитнинг 3-кунига қадар давом этади.
Мавжуд вазият тақозосидан келиб чиқиб, Қурбон ҳайити намози адо қилинмаса ҳам байрам кайфиятини сақлаб қолиш учун Ҳанафий мазҳабининг мўътабар фиқҳий манбаларидан бири бўлмиш “Мажмаъул анҳур” китобида шундай дейилади:
اعْلَمْ أَنَّ صَلَاةَ الْعِيدِ قَائِمَةٌ مَقَامَ الضُّحَى فَإِذَا فَاتَتْ بِعُذْرٍ يُسْتَحَبُّ
أَنْ يُصَلِّيَ رَكْعَتَيْنِ أَوْ أَرْبَعًا وَهُوَ أَفْضَلُ
яъни: “Маълум бўлсинки, ҳайит намози Зуҳо (чошгоҳ) намозининг ўрнига қўйилган. Қачонки, ҳайит намози бирор узр сабабли ўқилмай қолса, икки ёки тўрт ракат нафл намоз ўқиш мустаҳаб бўлади. Тўрт ракат ўқиган афзал”.
Шундай экан, Қурбон ҳайити кунларида савоб ишларни кўпайтириш, такбири ташриқ айтиш, нафл ибодат қилиш, покланиш, чиройли кийимлар кийиш, хушбўйланиш, қурбонлик қилиш, яқинларига ҳадялар улашиш айни савобли ишлардан бўлади.
Баён этилган шаръий далил ва ҳужжатлардан келиб чиқиб, Ўзбекистон мусулмонлари идораси Уламолар Кенгаши карантин шароитида Қурбон ҳайитини нишонлаш бўйича қуйидаги тавсияларини эълон қилади:
- Ўзбекистон мусулмонлари идораси Уламолар Кенгаши Ислом дини манбалари, Республика махсус комиссияси хулосалари ва тиббиёт мутахассислари тавсияларига таянган ҳолда 2020 йилги пандемия шароитида Қурбон ҳайити – Ийдул адҳа намозини ўқиш мўмин-мусулмонларнинг зиммасидан соқит бўлишини маълум қилади.
- Қурбон ҳайити куни мўмин-мусулмонларга ўз хонадонларида қуёш терак бўйи кўтарилгандан кейин тўрт ракатли нафл намози ўқишлари тавсия этилади.
- Қурбон ҳайити куни имкони бор юртдошларимиз бомдод намозини ўқиб, кейин қурбонлик қилишлари тавсия этилади. Қурбонлик гўшти учга тақсимланиб, бир қисми – яқин қариндошларга, яна бир қисми – камбағал ва муҳтожларга тарқатиш, қолганини – оила аҳлига олиб қолиш мустаҳабдир. Ҳаммасини фақирларга берса ёки оилада кўпчилик бўлса, уйда қолдирса ҳам бўлади.
- Бу йилги Қурбон ҳайити карантин шароитида нишонланаётгани инобатга олиб, одамлар жамланишига сабаб бўладиган урф-одатларни ташкил этмаслик, уйма-уй юриб, турли хил азахонликлар, маърака-маросимларни ўтказмаслик ва қабристонлар зиёратидан сақланишни сўраймиз. Хонадонда, оила-аъзолари билан бирга Қуръони карим оятларидан тиловат қилиб, ўтганларимиз руҳи покларига бахшида этишни тавсия этамиз.
- Имом-хатиблар томонидан бугунги пандемия шароитидан келиб чиқиб, Қурбон ҳайити хонадонларимизга қувонч, юртимизга файзу барака кириши, бир-биримизга бўлган меҳр-оқибатимизни янада зиёда бўлишига сабаб экани тўғрисидаги тарғибот ишлари амалга оширилсин.
Азиз юртдошлар, Аллоҳнинг раҳмати ва баракоти ёғилиб турган ушбу кунларда, қалбимиз юмшаб, ихлосимиз ортиб турган лаҳзаларда дуо қилайлик. Халқимизни, жонажон Ватанимизни офату кулфатлардан, балою қазолардан Ўзи сақлаб, ҳаётимизни бундан-да фаровон қилсин.
Сиз азиз юртдошларимиздан белгиланган карантин қоидаларига қатъий амал қилишингизни, ўзингиз ва яқинларингизни эҳтиёт қилишингизни сўраб қоламиз.
Вассалому алайкум ва роҳматуллоҳи ва баракотуҳу.
Ўзбекистон мусулмонлари идораси
Уламолар Кенгаши,
2020 йил 25 июль
ТАЪЗИЯ БИЛДИРАМИЗ
Ўзбекистон мусулмонлари идораси жамоаси аввалги "Мулла Қирғиз" мадрасасида (ҳозирги "Ҳидоя") кўп йиллар устозлик қилган Олимхон домланинг вафоти муносабати билан чуқур таъзия изҳор этади.
Аллоҳ таоло марҳум олимни Ўз мағфиратига олсин! Ғариқи раҳмат, шоистаи жаннат, охиратларини обод қилсин! Барча яқинларига сабру жамил ато айлаб, ажру мукофотларини кўпайтириб берсин!
Иннаа лиллааҳи ва иннаа илайҳи рожиъун!
Ўзбекистон мусулмонлари идораси
Янгиликлар
