Бугун, 12 апрель куни пойтахтимиздаги “Wyndham Toshkent hotel” меҳмонхонасида “Цивилизациялараро мулоқот – халқ дипломатияси ривожининг муҳим омили” мавзусида халқаро илмий-амалий семинар бўлиб ўтди.
Мазкур халқаро семинарда юртимиз ва хориждаги нуфузли ташкилот вакиллари билан бир қаторда Ўзбекистон мусулмонлари идораси раиси биринчи ўринбосари Ҳомиджон домла Ишматбеков илмий-маърифий маъруза билан қатнашдилар.
Халқаро илмий-амалий семинарда Ҳомиджон домла Ишматбеков “Мусулмон дунёси буюк мутафаккирларининг бой мероси, уларнинг жаҳон цивилизацияси ривожига қўшган бебаҳо ҳиссаси” мавзусидаги маърузаси давомида Ўзбекистон заминидан жаҳонга танилган кўплаб буюк аллома ва мутафаккирлар етишиб чиқиб, самарали фаолият кўрсатгани, уларнинг бебаҳо асарларию буюк кашфиётлари минг йиллар оша нафақат диёримиз, балки жаҳон аҳлининг қудратли маънавий мулки сифатида ардоқланиб келинаётгани, шу боис жаҳон миқёсида буюк аждодларимизнинг сўнмас даҳосига ҳурмат-эҳтиром, уларнинг бой илмий меросини ўрганишга қизиқиш ҳамиша юқори экани, бугун Янги Ўзбекистонда Учинчи Ренасансга пойдевор қўйилиб, ёшлар таълим тарбиясига катта эътибор қаратилаётгани, яқин келажакда юртимиздан яна буюк аждодларга муносиб авлод етишиб чиқишини алоҳида таъкидладилар.
Самимий, ишчан руҳда ўтган илмий-амалий семинар якунида иштирокчилар томонидан тегишли таклиф ва мулоҳазалар билдирилди.
Ўзбекистон мусулмонлари идораси Матбуот хизмати
