muslimuz
Фарзанд билан меҳр-муҳаббатни мустаҳкамловчи 80 услуб (1 қисм)
“Меҳр ойи” деб номланувчи ушбу қўлланмадан фойдаланган ҳолда оилангиз, фарзандларингиз орасидаги муносабатларни, меҳр-муҳаббатни янада мустаҳкамлашга эришишингиз мумкин. Улар қуйидагилардан иборатдир:
- Фарзандингиз билан оилангиз шажарасини ўрганиб чиқинг ва уларга ота-боболарингиз ҳақида гапириб беринг.
- Фарзандларингизни яхши кўришингизни ифодаловчи кичик ҳажмдаги шеър ёки ҳикоя ёзинг ва уларга ўқиб беринг.
- Бирор кун ишдан эрта қайтишни ва вақтингизни фарзандларингизга бағишлашни режа қилинг.
- Дам олиш куни кичик фарзандингиз билан мультфильм томоша қилинг.
- Фарзандингиз хонасини унинг руҳиятига мос равишдаги турли хил расмлар билан безатинг.
- Фарзандингизнинг ёстиғи остига кутилмаган совға сифатида ширинлик беркитиб қўйинг.
- Ўғлингиз ёки қизингиз ёқтирадиган бирор ширинлик сотиб олиб, у билан баҳам кўринг.
- Фарзандингизни руҳан кайфиятини кўтарувчи тавсифнома ёзинг.
- Фарзандингиз учун совға сотиб олинг. Уни бирор кун ёки бирор муваффақият муносабати билан эмас, айнан фарзандингизни яхши кўришингиз учунгина бераётганингизни айтинг.
- Фарзандингизни ва унинг энг яқин дўстларини муваффақиятли кунларида табрикланг. Хафа бўлган кунларида эса кўнгилларини кўтаришга, тушкун кайфиятдан чиқаришга ҳаракат қилинг.
- Қизчангизга ҳеч қандай сабабсиз бирор ўйинчоқ совға қилинг. У ўйинчоқни кўрганда доим сизни эслайди.
- Фарзандларингизнинг суратини иш столингиз устига қўйиб қўйинг. Шунингдек, компьютерингиз ёки телефонингизга жойланг.
- Фарзандларингизга юборадиган хатларингизни уларга бўлган муҳаббатингизни билдирувчи белгилар билан имзоланг.
- Фарзандларингиз билан машина ёки уловда сайр қилинг.
- Оилангиздаги бахтли кунларни фарзандларингиз билан бирга эсланг.
- Оила аъзоларингизнинг турли хил таклиф ва мулоҳазаларини диққат билан тингланг.
- Фарзандларингизга совға бераётганингизда ичига яна бир кичик кутилмаган совғача беркитиб қўйинг. Шунда улар икки карра хурсанд бўладилар.
- Оилангиз билан биргаликда бирор тансиқ таом тайёрланг. Улар буни доим хурсанд бўлиб эслаб юрсинлар.
- Уйингизга фарзандларингиз учун кичик бўлса-да, кутилмаган совғалар яшириб қўйинг. Улар совғаларини топиб олганларида қалблари янада қувончга тўлсин.
- Ўғлингиз ёки қизингизнинг дўстларига улар ҳақида яхши гаплар айтинг.
Давоми бор...
Абдуллоҳ Муҳаммад Абдулмуътийнинг "Меҳр ойи" китобидан
Ғиёсиддин Ҳабибуллоҳ, Ҳикматуллоҳ Рўзалиев таржимаси.
Айтганларига амал қилган олим
Аллоҳ таоло Каломи шарифида бандаларига: “Батаҳқиқ, Аллоҳ мўминларга ўзларидан Пайғамбар юбориб, неъмат берди. У уларга Аллоҳнинг оятларини тиловат қилиб берадир, уларни поклайдир, китоб ва ҳикматни ўргатур” (Оли Имрон, 164), деб марҳамат қилади. Рисолат эшиги ёпилгач, бу вазифаларни ким бажаради? Ҳадиси муборакка кўра, энди бу шарафли ишни Пайғамбарнинг меросхўрлари – уламолар адо этади.
Улар авомнинг ақлини пешлаб, сиротул мустақимга йўллаб қўйгувчи, одам боласи дунёга нимага келиб, қаерга кетишини эслатиб тургувчи муттақий бандалардир.
Анвар қори Турсунов ана шундай олим, ана шундай мураббий эдилар. Қори аканинг телевидение орқали чиқишлари, маърака-йиғинлардаги маърузаю ёзган китоб, мақолалари орқали қалби очилган қанча мардум бор – энди бу ёғининг ҳисобини билса, Ал-Ҳасийбнинг ўзи билади, холос!
Анвар қори билан кўрсатувлар тайёрлаш асносида қиёматлик дўст, бутун умрга татийдиган файзу футуҳ топдим десам, нокамтарликка йўймассиз. Қори ака қарийб 20 йил “Ҳидоят сари” кўрсатувида бошловчилик қилди. “Маданият ва маърифат” телеканалида “Ислом маърифати”, “Одоблар хазинаси”, “Насойим ул-муҳаббат” каби туркум кўрсатувларга асос солган эдилар. Умуман, Қори акада Худо берган воизлик маҳорати бор эди.
У киши бир уламо сифатида Ислом динига, мусулмонларга хизмат қилишни ҳаётининг энг муҳим аъмоли, шарафли бурчи деб биларди. “Агар мана шу кўрсатувларимиздан биргина одам ўзини ислоҳ қилиб, тўғри йўлга ўтса, ёмонлигини қўйиб, яхшиликка юз бурса, шунинг ўзи ҳам катта гап”, деб кўп айтарди.
У кишининг телевидение билан боғлиқ яна бир орзуси Навоийни кенг жамоатчиликка содда-равон қилиб тушунтириш эди. “Ким Навоийни яхши тушунса, Қуръон, ҳадисни ҳам яхши англайди”, дердилар. Айниқса, “Насойим ул-муҳаббат”га ихлоси жуда баланд эди. “Навоий асарларининг калити – очқичи мана шу асар. Ҳазратнинг мутолаасини “Насойим...”дан бошлаш керак”, деган гапни кўп такрорлагувчи эди. Ниҳоят, шу асарни телевидение орқали шарҳлашга киришдик. “Маданият ва маърифат” телеканалида бир йилдан кўпроқ вақт давомида ушбу асар таҳлилига бағишланган кўрсатув эфирга узатилди. Асардаги 770 нафар авлиёдан 111 нафарини ёритишга улгурдик.
Мазкур асарни шарҳлашда Анвар қори ҳар бир авлиёнинг тариқати, маслаги ҳақида атрофлича маълумот бериб, унинг Қуръон ва суннатга мувофиқлигини оят, ҳадислар билан асослаб беришга интиларди.
Анвар қорини халққа яқин қилган, айтганларини мухлислари жон-қулоғи билан тинглашига сабаб бўлган омил нимада экан, деб кўп ўйлаганман. Менинг назаримда, Қори аканинг маърузаларини таъсирчан қилган жиҳат, асал ҳақидаги машҳур ривоятдаги каби, аввало у кишининг ўзи айтаётган гапларга ўзининг амал қилиши билан боғлиқ эди.
Тоғнинг юксаклиги ундан узоқлашганингиз сари билингани каби ортда қолаётган йиллар соғинчни орттирса, орттиряптики, сусайтираётгани йўқ. Катта илм, чўнг бир маърифат, гўзал исломий хулқ соҳиби бўлган Анвар қори Турсунов бутун сиймоси, бор фазилатлари билан ўзи яхши кўрган ҳазрат Алишер Навоийни, ул зотнинг “Насойим ул-муҳаббат” асарида номлари зикр этилмиш улуғ авлиёларни ёдимга солади. Шу боис мен учун Анвар қори худди “Насойим ул-муҳаббат”нинг 771-авлиёси кабидир. Чунки у киши чин маънода Ҳақ ошиғи, Аллоҳ таоло дийдорининг муштоқи эди.
Икром ЧОРИЕВ,
“Маҳалла” телерадиоканали директори
Савдогар одамлар билан қандай муомалада бўлиши керак?
- Аллоҳнинг ризқига қаноат қилинг, чунки савдонинг баракаси қўлга теккан фойдага қаноат қилиш ва айбини айтиб сотишдадир. Зубайр розияллоҳу анҳудан сўрашди: “Бунча мол-давлатга қандай эришдингиз?” У зот жавоб бердилар: “Фойдани кўзлаб савдо қилмадим ва (маҳсулотимнинг) айбини яширмадим”.
Кўп қасам ичиш ҳам савдодан баракани қочиради.
- Савдогар ё яхши, солиҳ инсон бўлади ё фосиқ бўлади! Рифоъа ибн Рофеъ розияллоҳу анҳудан ривоят қилинади, у киши Набий соллаллоҳу алайҳи васаллам билан (ҳайит ва жумъа намозлари ўқиладиган) намозгоҳга чиқибдилар. Қарасалар, одамлар савдо қилишаётган экан. Рифоъа розияллоҳу анҳу: “Ҳой савдогарлар”, деб нидо қилган эканлар, одамлар бошларини кўтариб, Расулуллоҳ соллаллоҳу алайҳи васалламга қарашибди. Шунда Набий алайҳиссалом: “Савдогарлар қиёмат куни фожир (гуноҳкор) ҳолда тириладилар, илло Аллоҳдан тақво қилиб, ҳалол савдо қилган ва ростгўй бўлганлар бундан мустасно”, дедилар.
Бошқа бир ҳадисда қуйидагича келади: Расулуллоҳ соллаллоҳу алайҳи васаллам: “Савдогарлар фожирлардир”, дедилар. Одамлар: “Ё Расулуллоҳ, ахир Аллоҳ савдони ҳалол қилмаганми?!” дейишди. У зот алайҳиссалом жавоб бердилар: “Ҳа шундай, лекин улар ёлғон гапиришади, ёлғон-яшиқ қасамлар ичиб, шу сабаб гуноҳга ботишади”.
Яна бир ҳадисда у зот соллаллоҳу алайҳи васаллам айтадилар: “Ростгўй, омонатдор, мусулмон савдогар қиёматда пайғамбарлар, сиддиқлар, шаҳидлар билан бирга бўладилар”.
Аллоҳ кимники бирор тижоратига барака бермаса, ундан бошқасига ўтсин. Бу ҳақда Ибн Умар розияллоҳу анҳумодан қуйидагича ривоят қилинади: “Ким бир ишда уч бор тижорат қилса-ю, ҳеч иши ўнгидан келмаса, уни қўйиб, бошқа ишга ўтсин. Кимники бир шаҳарда иши ўхшамаса (ўша шаҳардаги савдоси юрмаса), бошқа шаҳарга ўтсин”.
Ана энди савдодаги одоблар ҳақида келган баъзи ҳадисларни келтириб ўтамиз:
Жобир розияллоҳу анҳудан ривоят қилинади. Пайғамбаримиз алайҳиссалом бундай деганлар: “Бир киши бирон-бир хурмозор ёки мевазор боққа бошқа бир киши билан шерик ҳолда эгалик қилаётган бўлса, уни сотишда шеригининг розилигини сўрасин, розилик берса, сотсин, розилик бермаса, савдодан қайтсин” (Имом Муслим ривояти).
Абдуллоҳ ибн Умар розияллоҳу анҳу ривоят қиладилар: “Расулуллоҳ соллаллоҳу алайҳи васаллам озод қилинган қулга ҳомийлик қилмоқ ҳуқуқини сотмоқдан ва ундан воз кечмоқдан қайтардилар” (Имом Бухорий ривояти).
Жобир ибн Абдуллоҳ розияллоҳу анҳу Пайғамбаримиз алайҳиссаломдан Макка фатҳ қилинган йили ўша ерда туриб: “Аллоҳ ва Унинг элчиси хамр (ароқ), чўчқа гўшти, ўлимтик ва санамларни сотишни ҳаром, деб эълон қилди”, деганларини эшитган эканлар. Шунда одамлар: “Ё Расулуллоҳ, ахир ўлимтик мойидан кемаларни мойлашда, териларни бўяшда, ундан чироқ ясаб уйларни ёритишда фойдаланилади-ку”, дейишди. Бунга Набий алайҳиссалом: “Йўқ, у ҳаром!”, деб қатъий жавоб бердилар (Имом Муслим ривояти).
Абдуллоҳ ибн Умар розияллоҳу анҳу дедилар: “Расулуллоҳ соллаллоҳу алайҳи васаллам бировнинг бозорини касод қилмоқ ниятида атайлаб нарх-навони оширмоқни ман этдилар” (Имом Бухорий ривояти).
Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Бир-бирингизга ҳасадлашманг. Ўзаро нархларни ошириб юборманг (яъни сотиб олиш нияти бўлмаса-да нархини ошириш учун ёлғондан баҳолашманг). Бир-бирингизга ғазаб қилманг ҳамда орқа ўгириб муносабатларни бузманг. Баъзиларингиз баъзиларингиз савдоси устига савдо қилмасин”, дедилар (Имом Муслим ривояти).
Доктор Ҳассон Шамси Пошонинг "Метин қоялар" китобидан
Ғиёсиддин Ҳабибуллоҳ, Неъматуллоҳ Исомов таржимаси.
أقيمت المسابقة "إمام العام" في مدينة فرغانة
في الأول من يونيومن العام الجاري أقيمت مرحلة المدينة لمسابقة "إمام العام - 2024" في مسجد "ينكي تشيك" الموقع في مدينة فرغانة.
قام الأئمة ونواب الأئمة العاملين في مدينة فرغانة باختبار معارفهم ومهاراتهم بناءً على الأسئلة المعدة في مجالات التفسير والتجويد والفقه والعقيدة والسيرة.
تم تقييم أداء المشاركين بناءً على المعايير التي وضعتها لجنة التحكيم.
وبحسب النتائج النهائية ؛
المركز الأول: لذيذبيك سويارقولوف، إمام ونائب لمسجد "طيبة"؛
والمركز الثاني: عزيزخان بهراموف، إمام و خطيب لمسجد "طويبة
أما المركز الثالث فكان من نصيب دانيار محي الدينوف، ونائب الإمام لمسجد خوجامبيردي باي".".
وسيشارك لذيذبيك سويارقولوف نائب الإمام لمسجد " طيبة " الحاصل على المركز الأول في المسابقة في المرحلة الإقليمية من مسابقة "الإمام العام - 2024".
الموقع: Alhidoya.uz
قام الأمين العام لمنظمة التعاون الإسلامي بزيارة لمجمع "حضرة الإمام"
قام الأمين العام لمنظمة التعاون الإسلامي حسين إبراهيم طه اليوم، الموافق 31 مايومن العام الجاري بزيارة مجمع " حضرت الإمام " الذي يعد من أحد المعالم السياحية الدينية في طشقند خلال زيارته إلى بلادنا
وقد رحب نائب رئيس إدارة مسلمي أوزبكستان زين الدين داملا إيشانقولوف بالضيف الكريم وقدم المعلومات حول الإصلاحات التي تم تنفيذها في المجال الديني والتعليمي في بلادنا وأنشطة إدارة مسلمي أوزبكستان ومجمع"حضرة الإمام"
وتعرف السيد ابراهيم طه خلال الزيارة على المقامات المقدسة لهذا المجمع. وعلى وجه الخصوص، قام بزيارة لمصحف "حضرة عثمان" رضي الله عنه الذي يعد أقدم نسخة من القرآن الكريم المحفوظة في مدرسة "موي مبارك"
وفي نهاية الزيارة أعرب الضيف الكريم عن امتنانه لحفاوة الاستقبال
لإدارة مسلمي أوزبكستان. خدمة الصحافة
Янгиликлар
