www.muslimuz

www.muslimuz

Вівторок, 16 июль 2019 00:00

Раҳмат сўзингга рози эмасман...

Ироқлик бир камбағал аёл Умар ибн Aбдулазизни қидириб келди. Одамлардан: «Aмирул мўмининнинг уйи қайерда?» деб сўраганида бир хароба кулбани кўрсатишди. «Мана шу ески уй амирул мўмининнинг уйими?» деб ажабланди аёл. Сўнг ўша ҳовлига кириб, амирнинг аёли Фотимани кўрди. У офтобда ўтириб олган кўйи буғдойни янчиб, ун қилаётган еди. Ироқлик аёл уни хизматкор деган гумонда:
— Aмирул мўмининнинг хотини қайерда? — деб сўради.
— Ундан нима истайсан? — деди амирул мўмининнинг хотини.
— Ишим бор еди. Мен Ироқдан келдим.
— Aмирул мўмининнинг хотини менман.
Aёл ажабланди. Aмирнинг хотинининг бу ҳолатидан таажжубланди. «Ранглари оқарган, чарчаган, кийимлари ески. Шу амирнинг хотиними, шу-я?! Бизда қоровулнинг хотини бундан яҳши кийинади. Aмирнинг хотинининг кийими йиртиқ-а! Ё Aллоҳ», деб ўйларди у.
Бир оздан кейин Умар ибн Aбдулазиз келди. Қудуқдан сув олиб, тупроққа аралаштириб, лой қилиб, нураб кетган деворни сувай бошлади. Ҳар лаҳза-ҳар лаҳзада хотини Фотимага қараб қўярди.
Шунда ироқлик аёл Умарни мардикор деб ўйлаб, Фотима бинти Aбдулмаликка:
— Ей синглим! Бу лойгар сенга қўп қараяпти, бошингни беркицанг бўларди, — деди.
Фотима унга жавобан:
— Ей Aллоҳнинг бандаси. Бу киши ерим — амирул мўминин бўлади, — деди.
Aёл ўзини тутолмасдан, йиғлаб юборди. Кўзларидан шашқатор ёшлар тўкилди. Бир оздан кейин Умар ибн Aбдулазиз қўлларини ювиб, аёлнинг олдига келди ва:
— Нима юмушингиз бор, холажон? — деб сўради.
Aёл айтди:
— Ей амирул мўминин. Мен ески уйимни тузатиш учун ёрдам сўрагани келган едим, аммо бу уй менинг уйимдан ҳам хароб екан. Aмирул мўмининнинг уйи меникидан хароброқ екан.
Шунда Умар:
— Ей Aллоҳнинг бандаси. Билгинки, бу уйнинг хароблиги уйларингизнинг обод бўлишига сабабдир. Бу уй кошона бўлса, сизларники харобага айланади. Aгар мен ески уйда яшасам, бу ҳолни ҳис қилиб, уйларингизни яхшилаб қуриб бераман. Ей холажон! Aйтинг, яна нима истайсиз? — деди.
— Менинг ўнта қизим бор, барчаси бошпанасиз. Уларнинг ери ҳам, бола-чақаси ҳам йўқ. Уларга бир оз мол беришингизни истайман, -— деб ниятини баён етди аёл.
Умар ибн Aбдулазиз Ироқ волийига мактуб ёза бошлади. Aёлдан: «Каттасининг исми нима?» деб сўради. Aёл айтди. Умар «Фалонга юз динор», деб ёзди.
Aёл Aллоҳга ҳамд айтди. Кейин иккинчи қизининг исмини сўради. Aёл айтди. Умар яна «Фалонга юз динор», деб ёзди. Aёл «Aлҳамдулиллаҳ», деди. Шундай ёзиб-ёзиб, ўнинчисига йетиб келди. Aёл унинг ҳам исмини айтди. Унга ҳам юз динор ёзганида, аёл амирул мўмининга раҳмат айтиб, миннатдорлик билдирди. Шунда Умар бирдан ўнинчисининг исмини ўчириб ташлади. Aёл ҳайрон бўлиб:
— Нега уни ўчирдингиз? — деб сўради.
— Мен қизларингизнинг ҳар бирига ҳақ ёзганимда «Aлҳамдулиллаҳ» деб турдингиз. Мен байтул молдан улуш ажратавердим. Aммо ўнинчисининг номини ёзганимда менга раҳмат айтдингиз. Менда мол бўлмаса, у юз динорни қайердан олиб бераман? Бир кунлик даромадим динорнинг тўртдан учига тенг. Бўлмаса, шуни ола қолинг. Опаларига айтинг, берилган моллардан унга ҳам улуш ажратишсин, — деб Умар Ироқ волийига ёзган мактубини аёлга узатди.
Хуллас, «раҳмат» деган сўзга амирул мўминин рози бўлмади. Ироқлик аёл унинг ҳузуридан хурсанд бўлиб чиқиб кетди.

"Ҳидоят" журналидан

Вівторок, 16 июль 2019 00:00

Гўзал хулқнинг аломатлари

Баъзи (уламо)лар гўзал хулқ аломатларини тўплаб, шундай дейишган:

«Гўзал хулқли одам —

Ҳаёси кўп;

Озори кам;

Салоҳияти бисёр;

Тили ростгўй;

Гапи оз;

Амали кўп;

Тойилиши кам;

Бекорчи вақти кам;

Яхшилик қилувчи;

Алоқани боғловчи;

Виқорли;

Сабрли;

Шукр қилиб, рози бўлувчи;

Ҳалим;

Улфат;

Иффатли;

Шафқатли;

Лаънатламайдиган;

Сўкмайдиган;

Чақимчилик қилмайдиган;

Ғийбат қилмайдиган;

Шошқалоқлик қилмайдиган;

Гина сақламайдиган;

Бахиллик қилмайдиган;

Ҳасад қилмайдиган;

Хушмуомала;

Юмшоқ;

Аллоҳ учун яхши кўрувчи;

Аллоҳ учун ёмон кўрувчи;

Аллоҳ учун рози бўлувчи;

Аллоҳ учун ғазаб қилувчидир. Мана шулар гўзал хулқдир».

 

«Иҳёу улумид Дин» китобидан Нозимжон Иминжонов таржимаси

Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.

 

Муваффақият йўлинг - бир шахс қалбингни синдирганда, ишонган дўстинг орзуларингни пучга чиқарганда, мансабдор кимса сенга зулм қилганда бошланади. Энди сен одамлардан умидингни узасан-да, Аллоҳ таолонинг ўзига юзланасан, Ундан ёрдам сўрайсан. У эса сени бошқалардан беҳожат қилиб қўяди.

“Тарих муҳрлаган сўзлар”

*****

Касалликдан нафақат бемор қийналади, балки, беморнинг яқинлари, яхши кўрганлари ҳам оғриқ тортади.

Эй Роббим! Сендан ҳар бир оғриқ тортиб, қийналаётган беморга офият беришингни сўрайман.

*****

“Майда суралар” эмас, “Қисқа суралар” дейлик!

“Эскича китоб” эмас, “Диний-маърифий китоб” дейлик!

*****

Агар сенга ҳасад қиладиган кишини топмасанг, билгинки, сен муваффақиятсиз киши экансан.

Шайх Муҳаммад Мутаваллий Шаъровий раҳимаҳуллоҳ

*****

Ҳижобингиз гўзал. Энди юзингизни ҳам бўяманг, опа-сингилларим. Ҳижобнинг салобатига, руҳиятига мос келмай қоляпти. Ҳижобнинг ҳикмати яшириш ва эътиборни тортмаслик. Энди юзнинг пардози шу ҳикматга бироз мос бўлмай қоляпти.

*****

Бошқалардан афзал бўлишга уринма, балки кечаги ўзингдан хулқда, илмда, тақвода афзал бўлсанг, бўлди.

«Тарих муҳрлаган сўзлар»

*****

Бу оламдаги зулмни кўрганимда, “Золимларни кутиб турган жаҳаннам бор” деган ўй билан ўзимга тасалли бераман.

Жан Жак Руссо

*****

Табибнинг (нотўғри дори бериб қилган) хатоси (беморни) ер остига кўмади.

Муҳандиснинг (нотўғри ўлчаб қилган) хатоси (бинони) ерга қулатади.

Аммо муаллимнинг хатоси (яхши ўқитолмаган ўқувчиси) ерда юради.

«Тарих муҳрлаган сўзлар»

*****

“Ота” деган сўз фақат фарзанд кўришнинг ўзини англатмайди. Ҳамма жонзот ҳам бола кўриши мумкин. Лекин “ота” деган сўз фарзандлари ва оиласининг моддий ва маънавий эҳтиёжларини қондириб, уларга яхши тарбия берувчига ишлатилади.

“Тарих муҳрлаган сўзлар”

*****

Қанийди иложи бўлса, келин томондан баъзи куёв томонларга “Ор-номус”, “Уят”, “Мардлик” деган юклар жўнатилса.

*****

Уч нарса айтмасдан келади:

Ризқ, насиба, ўлим.

Эй Аллоҳ, ризқимизни ҳалол, насибамизни тўла ва барaкали этиб, биздан рози бўлиб турганингда жонимизни олгин!

*****

Ҳеч қачон (бировга гапираётганингда) қичқиришга одатланма! Сени яхши тушуна оладиган инсон сукутингни ҳам эшита олади.

Жуброн Халил Жуброн

*****

  • Жим турсанг ҳам сени ҳис қиладиганлар бор.
  • Ёзганингни ўқиб, сени ҳис қиладиганлар бор.
  • Ўзи узоқда туриб, сени ҳис қиладиганлар бор.
  • Ёнингда туриб, сени ҳис қилмайдиганлар бор.
  • Дардингни эшитиб туриб ҳам юз ўгириб кетадиганлар бор.

*****

Истиғфор

Агар осмондан чақмоқ тушса ҳам истиғфор айтувчига тегмайди.

Астағфируллоҳ.

Астағфируллоҳ.

Астағфируллоҳ.

*****

Донишманд деди: “Кишидаги учта жавҳар булардир:

  1. Фақирликни яшириш. Ҳатто унинг иффатини кўрган одамлар уни бой деб ўйлайдилар.
  2. Ғазабни яшириш. Ҳатто унинг сокинлигини кўрган одамлар уни ҳаётдан рози деб ўйлайдилар.
  3. Машаққатни яшириш. Ҳатто унинг табассумини кўрган одамлар уни роҳатда яшаяпти деб ўйлайдилар”.

“Тарих муҳрлаган сўзлар”

 

*****

  • Ҳасадчи сизни мағрур ҳолда кўради.
  • Яхши кўрувчи сизни ажойиб ҳолда кўради.
  • Нуқсонли кимса ўзини эсдан чиқариб, сизга танқид кўзи билан қарайверади.

«Сукутдаги қичқириқлар»

*****

Одамларга ҳар қанча ишонсанг ҳам, сирларингни ўзингда қолдир!

Нажиб Маҳфуз

*****

Гоҳида аёл эрининг машаққатларини бироз енгиллатиш мақсадида унга арзимас бўлса-да ёрдам бераман деб аёллик латофатини унутиб қўяди. Бефаҳм эр жонивор эса бунинг қадрига етмай, қурбонлик қилинган латофатни бошқа аёлдан қидириб кетворади.

Ховатир роқия журанали

 

Интернет материалларидан тўплаб, таржима қилувчи

Нозимжон Иминжонов

Ўзбекистон халқаро ислом академияси 2019-2020 ўқув йили учун чет эл фуқароларини бакалавриатда ўқиш учун 15 июнь кунидан қабул очилганини эълон қилади. 

Хорижлик абитуриентлар академияга кириш имтиҳонларидан озод этилади ва суҳбат асосида қабул қилинади. Талабалар истакларига кўра, ўзбек ва рус тилида ўқишлари мумкин. Уларга диний ва дунёвий фанлардан ўз соҳасининг етук профессор-ўқитувчилари дарс беради.  

Академияда қуйидаги йўналишлар ва мутахассисликлар бўйича таҳсил олиш мумкин:

Бакалавриат таълим йўналишлари (4 йил):

  • Хорижий мамлакатлар иқтисодиёти ва мамлакатшунослик (мусулмон мамлкатлари);
  • Халқаро муносабатлар;
  • Исломшунослик (қуръоншунослик, ҳадисшунослик, ислом ҳуқуқи, ақида ва тасаввуф, ислом тарихи ва манбашунослиги);
  • Диншунослик;
  • Психология (Дин социопсихологияси);
  • Филология ва тилларни ўқитиш (араб тили);
  • Туризм (зиёрат туризми).

Айни пайтда Ўзбекистон халқаро ислом академиясида Россия Федерацияси, Қирғизистон ва Тожикистон Республикаси фуқаролари таҳсил олмоқда. 2019 йилдан бошлаб, Россия мусулмонлари диний кенгаши муфтийси Албир Крганов докторантурага қабул қилинди.

Бу йилги қабул жараёнида чет эл фуқароларига қулайлик яратиш мақсадида ҳужжатларни электрон тарзда Ця електронна адреса захищена від спам-ботів. вам потрібно увімкнути JavaScript, щоб побачити її. ва +998907888745 (Telegram ва WhatsApp) рақами орқали қабул қилиш йўлга қўйилди. Шунингдек, хорижий талабалар учун ўқиш шартномаси суммасининг ўзларига мақбул шаклини танлаш имконияти яратилган.

Ўқишга қабул қилинган хориж фуқароларининг виза олиши ва яшаши билан боғлиқ ҳужжатларни расмийлаштириш академиянинг Халқаро ҳамкорлик бўлими мутахассислари ёрдамида амалга оширилади.

Мурожаат учун:

Ця електронна адреса захищена від спам-ботів. вам потрібно увімкнути JavaScript, щоб побачити її.

+998907888745

+998935510593 (инглиз тилида мурожаат учун)

+998712449593

 

Имом Бухорий номидаги Тошкент ислом институтига 2019-2020 ўқув йили учун кириш имтиҳонлари ўтказиладиган жойлар ва саналар маълум бўлди. Маълумки, кириш имтиҳонлари Араб тили (ижодий), Ақоид ва фиқҳ ҳамда Ўзбекистон тарихи (тест) фанларидан бўлиб ўтади.

Шунга кўра, Араб тили фанидан ижодий имтиҳон 2019 йил 19 июль куни соат 07:00 да Тошкент ислом институти биносида бошланади.

(Манзил: Тошкент, Олмазор тумани, Зарқайнар 18-берк кўча, 47-уй. Мўлжал: Ҳазрати Имом мажмуаси)

Ақоид ва фиқҳ ҳамда Ўзбекистон тарихи фанларидан тест синовлари 2019 йил 20 июль куни соат 07:00 да Ўзкўргазмасавдо биносида бошланади.

(Манзил: Тошкент, Шайхонтаҳур тумани, Беруний шоҳ кўчаси, 41-уй. Мўлжал: Беруний метро бекати).

Хабарингиз бор, Тошкент ислом институтида 2019-2020 ўқув йили учун абитуриентлардан ҳужжатларни қабул қилиш бўйича қабул ҳайъати 2019 йил 15 июндан 15 июль кунига қадар фаолият олиб борди. Қабул жараёнларида 226 та абитуриентдан (шундан 184 нафари ўғил болалар, 42 нафари аёл-қизлар) аризалар қабул қилинди.

Эслатиб ўтамиз, имтиҳон кунлари абитурентлар ўзлари билан паспорт ҳамда қабул ҳайъати рухсатномасини олиб келишлари шарт!

Мурожаат учун телефон: +998712272347

Қўшимча маълумотлар телеграм каналида: @islaminstitutuz

Мақолалар

Top