muslim.uz
Хожа Алоуддин Аттор зиёратгоҳи ҳақида биласизми?
ФОТОРЕПОРТАЖ
Сурхондарё вилояти Денов тумани Намозгоҳ маҳалласида Хожа Алоуддин Аттор зиёратгоҳи жойлашган.
Хожа Алоуддин Аттор нафақат Сурхон воҳаси, балки Мовароуннаҳр маънавий ҳаётида муҳим ўрин тутган мутасаввуф олимдир. У ҳазрат Баҳоуддин Нақшбанднинг севимли шогирди ва куёви, икки буюк халифасидан бири бўлиб, асл исми Муҳаммад ибн Муҳаммад Хоразмийдир. Отаси хоразмлик бўлиб, атторлик савдоси билан шуғулланган.
Муҳаммад ибн Муҳаммад Бухорий Хожа Алоуддин Аттор Хоразмда туғилган. Бухоро мадрасасида таълим олган. Хожа Алоуддин Аттор милодий XIV асрнинг 90-йилларида Бухородан Деновга келгач, нақшбандия тариқати тарғиботини давом эттирди. Нақл қилишларича, Алоуддин Аттор вафотидан 7 йил аввал Хожа Баҳоуддин Нақшбанд қабрини зиёрат қилиш мақсадида Ҳисор вилоятидан Бухорога бормоқчи бўлади. 18 кун деганда Бухорога етиб, Нақшбанд қабрини зиёрат қилади. Шаввол ойининг бошида яна уйига қайтади. Муҳаммад ибн Тоҳир Хоразмийнинг ривоятига кўра, Алоуддин Аттор 802/1399 йил 2-ражаб ойининг душанба куни дардга чалинади. Ўша ойнинг йигирманчи кечаси хуфтон намозидан сўнг вафот этади. У қўним топган қабристон “Шайх Аттор Валий” ёки “Остона бува” деб номланади.
Хожа Алоуддин Аттор сағанаси XV асрга оид бўлиб, аввал бу манзилда фақат Валийнинг ҳамда ўғли ва набирасининг қабри бўлган, кейинчалик бу жой катта зиёратгоҳга айланган.
2019-2020 йилларда маҳаллий ҳомийлар томонидан эски мақбара ўрнида ҳашаматли мақбара бунёд этилди. Қабр мақбаранинг ертўла қисмига олиниб, тепасига рамзий қабр қўйилди. Мақбарага ганчкорлик усулида чиройли безаклар берилди. Маскан ободонлаштирилиб, зиёратчилар учун барча шароитлар яратилди.
Жонибек ҚЎЗИМУРОДОВ(сурат),ЎзА
Маккада кучли ёмғир ёғди
Шу кунларда Масжидул Ҳаром ва Пайғамбаримиз Муҳаммад саллоллоҳу алайҳи ва саллам масжиди ишлари бўйича Бош раҳбарият давлат идоралари билан ҳамкорликда Байтуллоҳ зиёратчиларининг хавфсизлиги ва саломатлигини таъминлаш мақсадида фавқулоддаги режаларини фаоллаштирди. Унда Ҳаром масжиди ҳудудида кучли ёмғирлар келтириб чиқарадиган турли нохушликларни олдини олиш ва зиёратчиларга қулай шароитлар ташкил этиш ўрин олган.
Бунинг учун Байтуллоҳ хизматлари ва атроф-муҳитни муҳофаза қилиш идораси вакиллари Масжидул Ҳаромда кучли ёмғирли вазиятларни бартараф этиш ва муаммога йўл қўймаслик мақсадида 200 дан ортиқ назоратчи ва кузатувчи, 4000 нафар эркак ва аёл ишчи ҳамда 500 дан ортиқ техникани жалб қилди.
10 апрель куни Маккадаги зиёратчилар кучли ёмғир остида қолишди. Каъбани тавоф қилиш вақтида Маккада ёмғир ёға бошлади ва зиёратчилар сув оқимлари остида зиёратгоҳ атрофини айланиб чиқишда давом этди, деб ёзади “Islam news” матбуоти “ал-Aрабия” телеканали хабарига таяниб. Кўпчилик зиёратчилар бу пайтда айтиладиган махсус ёмғир дуоларини ўқишди.
Бу пайтда хавфсизлик ва биринчи тиббий ёрдам ходимлари ёмғир билан боғлиқ ноқулайликлар олдини олиш учун чора кўришди.
ЎМИ ходими И.Аҳмедов тайёрлади
Рамазон ўргатади...
Рамазон доимо муносиб вақтда келади. Уни бизга Роббимиз дунё хароб қилган ҳаётимизни яна бир бор тузатиш, қадамларимизни мувозанатга солиш, уни янгидан Ўзи томон олиб борадиган йўлга йўллаш учун юборади. Муҳими, У бизга бунга қодирлигимизни эслатади.
1. Рамазон бизга ҳар кеча бир пора Қуръон ўқиш қийин эмаслигини, аммо дунё бизни эгаллаб олганини ўргатади!
2. Рамазон бизга ҳар ой уч кун рўза тутишни қийин иш эмаслигини, аммо биз бурч ва мажбуриятларимиз қолиб Аллоҳ бизга аниқ ёзиб қўйган нарсалар билан банд эканимизни ўргатди.
3. Рамазон бизга кечалари туриб икки ракат намоз ўқиш қийин иш эмаслигини, ибодатлар машаққат бўлмаслигини, аммо бизнинг қалбимиз хароб бўлганини ўргатди.
4. Рамазон бизга Аллоҳ учун бир нарсаларни тарк қила олишимизни, уларни тарк қилишда лаззат борлигини, бу лаззатни уларни тарк қилмай топиб бўлмаслигини, бизнинг тарк қилишдан ожиз эмаслигимизни, озгина қўрқоқ эканлигимизни ўргатди.
5. Рамазон бизга йилнинг истаган пайтида садақа қила олишимизни, фақирларни қалбан ҳис қилишимиз мумкинлигини, уларни эслаш учун ошқозонни бўшатиш шарт эмаслигини ўргатди.
6. Рамазон бизга бомдод намозига туриш шайтон васваса қилганидек оғир иш эмаслигини, уни муаззин айтганидек "уйқудан яхшироқ" эканлигини ўргатди.
7. Рамазон бизга масжидга қадам босиш лаззат эканини, саодат фақатгина Аллоҳ билан бирга бўлишда эканини ўргатди.
8. Рамазон бизга энг илиқ макон уйимиз эканини, оила аъзоларимизнинг бир жойда ифторда жамланиши оилага жон ато қилишини ўргатди.
9. Рамазон бизга қўшнига бир идишда овқат жўнатиш меҳр-оқибатни зиёда қилишини, улардан бир идишда овқат қабул қилиш эса муҳаббат мактубига менгзалишини ўргатди.
10. Рамазон бизга хонадонимиз аёлларимиз сабри устига бино қилингани, биз эркаклар куннинг охирида силламиз қуриб дам олаётганимизда аёлларимиз ошхонада тинмаслигини, улар ҳақиқатда бизнинг эҳтиромимизга муносиб эканини ўргатди!
Абдулқодир ПОЛВОНОВ
Имом-хатибларимиз хориждаги ватандошлар билан учрашувлар ўтказмоқда
Шу кунларда Тошкент шаҳри «Тўра бува» жоме масжиди имом-хатиби Шавкат Ҳамдамов Россия Федерациясининг Санкт-Петербург шаҳрига ташриф буюриб, «Балтранс» қурилиш ширкати, «Южный» миграция маркази ва «Балтийский берег» балиқни қайта ишлаш заводида вақтинча меҳнат қилаётган ватандошлар билан учрашувлар ўтказди, деб хабар бермоқда «Дунё» АА мухбири.
Учрашувлар чоғида Ўзбекистон мусулмонлари идораси вакилининг маънавий-маърифий ва тарбиявий мавзулардаги маърузаси тингланди. Воиз хориждаги ватандошлар, улар ўртасидаги ўзаро муносабатлар, ўзликни англаш ва миллий қадриятларимиз ҳамда маданиятимизни кенг тарғиб этиш масалаларига алоҳида эътибор қаратди.
Бош консуллик ходимлари, ўз навбатида, 30 апрель куни бўлиб ўтадиган умумхалқ референдуми тафсилотлари ва хорижда истиқомат қилиб келаётган юртдошларимиз учун 19-26 апрель кунлари ташкил этиладиган муддатидан аввал овоз бериш жараёни ҳамда участкалар ҳақидаги батафсил маълумотларни ўртоқлашдилар.
Ширкатлар раҳбарияти билан кечган мулоқот якунлари ўлароқ, Ўзбекистон фуқароларнинг референдумда овоз бериши учун сайлов участкаларини ташкил этиш юзасидан келишувга эришилди.
Ўзбекистон мусулмонлари идораси Матбуот хизмати
Женское медресе "Хадичаи Кубро" переведено в новое здание
Председатель Управления мусульман Узбекистана, муфтий Нуриддин домла Холикназаров посетил среднее специальное исламское учебное заведение для женщин и девочек "Хадичаи Кубро", чтобы присутствовать на церемонии открытия нового здания этого медресе.
Хазрат муфтий поздравил учителей и учениц учебного заведения и благословил тех ответственнқх лиц и спонсоров, которые внесли свой вклад в эту работу. Также говорилось о роли женщин в нашей религии, о внимании, уделяемом образованию женщин в нашей стране, и об активности женщин в религиозно-образовательной сфере.
Было признано, что созданы условия для обучения женщин и девушек, их присутствия в курсовых процессах, свободного владения иностранными языками, хорошего овладения современными науками наряду со своей специальностью. Самые активные студентки были поощрены Управлением мусульман Узбекистана.
Новое здание учебного заведения состоит из 15 учебных помещений: конференц-зала, общего класса, библиотеки, книгохранилища, кабинета информатики и архива. Каждая комната в учебном корпусе оборудована в соответствии со специализацией таких специальных предметов как тафсир, фикх, хадис, арабский язык, исламская история, акойид, тахфизуль Коран, иностранные языки. Все необходимые условия созданы в студенческом общежитии, которое рассчитано на 50 человек на территории учебного заведения.
В рамках церемонии была организован ифтар для преподавателей и учащихся учебного заведения.
Пресс-служба Управления мусульман Узбекистана
Мақолалар
