Ўзбекистон мусулмонлари идораси раиси, муфтий Нуриддин домла ҳазратлари бугун, 7 апрель куни жума намозини жамоат билан адо этиш, намозхонларга мавъиза қилиш учун Самарқанд шаҳридаги “Имоми Аъзам” жоме масжидига ташриф буюрдилар.

Муфтий ҳазратлари суҳбат аввалида Юртбошимизнинг мўмин-мусулмонларга йўллаган салом ва Рамазон табрикларини етказиш билан бирга намозхонларга ўзларининг ҳам хайрли дуо ва тилакларини билдирдилар.

Мазмунли суҳбат чоғида Муфтий ҳазратлари “Рамазон – Қуръон ойи” мавзусида манфаатли мавъиза қилиб, жумладан, Каломуллоҳнинг нозил бўлиш тарихи ва фазилати, уни ўқиган қорига дунёю охиратда бериладиган ажру мукофотлар, улуғ Рамазон ойида қилинган хатми Қуръонларнинг савоби янада зиёда бўлиши, Қуръони каримни эшитиш қалбга ҳузур бериши ҳақида оят, ҳадис ва уларнинг шарҳи билан тушунтириб бердилар.

Якунда Ҳақ таолодан Рамазон ойини мўмин-мусулмон халқимизга манфаатли қилишини, юртимиз ва бутун дунё тинчлиги, элимиз фаровонлигини сўраб хайрли дуолар қилинди.

Ўзбекистон мусулмонлари идораси
Матбуот хизмати

Улица мечети «Финсбери Парк» в Лондоне превратилась в большой стол для ифтара, вокруг которого собрались сотни мусульман и немусульман, для участия в мероприятии «Улица ифтара» (Iftar Street). Данная акция организуется пятый год подряд, которая получила положительный отклик со стороны жителей района.
Как обычно, на ифтар собираются как мусульмане, так евреи и христиане, а также депутаты и представители муниципалитета этого района, который считается одним из самых известных районов Лондона и находится недалеко от английского клуба «Арсенал».
Как только вы сойдете со станции «Финсбери Парк», вас встретят призывы с микрофона, доносящиеся из мечети, а как только вы подойдете к ней, то обнаружите, что улица превратилась в большой стол, где сотни людей сидят в рядах на против друг друга в ожидании азана магриба для начала разговения (ифтар).
По данным mynamaz.ru, на импровизированной трибуне перед собравшимися выступают парламентарии, местные чиновники, а также представители силовых структур, чтобы произнести перед аудиторией речи, каждая из которых направлена на «принятие различных культур, прославление разнообразия и отказ от расизма и ненависти», а в это время десятки волонтеров раздают еду и воду собравшимся.

Пресс-служба Управления мусульман Узбекистана

Қуръони каримда фарзанд тарбияси ҳақида

Бугун, 7 апрель куни жомеларимизда “Анкабут” сураси 46-оятидан “Аҳзоб” сураси 30-оятигача ўқилади.

Иброҳимжон домла Қодиров

Қўқон шаҳар "Саодат" масжиди имом-хатиби

Бугун, 7 апрель жума куни Ўзбекистон мусулмонлари идораси раиси, муфтий Нуриддин домла ҳазратлари Самарқанд вилояти Самарқанд шаҳридаги "Имоми Аъзам" жоме масжидида жума намозини жамоат билан адо этадилар.

Инша Аллоҳ, жума намозидан аввал Муфтий ҳазратларининг сермазмун суҳбатларидан баҳраманд бўламиз.

Мўмин-мусулмонларни мазкур маърифий суҳбатни қуйидаги ижтимоий тармоқларимиз орқали кузатишга таклиф этамиз.

https://youtube.com/live/6XyrQ1LhsGA?feature=share 

https://www.facebook.com/muslimuzportal 

Telegram voiсe: https://t.me/muslimuzportal?livestream 

Ўзбекистон мусулмонлари идораси Матбуот хизмати
Muslim.uz | https://taplink.cc/muslimuz
@muslimuzportal | @mp3muslim | @diniysavollar

Шу йил 5 апрель куни Ўзбекистон мусулмонлари идораси раиси, муфтий Нуриддин домла ҳазратлари Имом Термизий халқаро илмий тадқиқот маркази ҳамда Имом Термизий ўрта махсус ислом таълим муассасасига ташриф буюрдилар.

Муфтий ҳазратлари ташрифни марказ илмий ходимлари томонидан нашр этилган 70 дан зиёд китоб, рисола ва таржима ишлари ҳамда Имом Термизий ўрта махсус ислом таълим муассасаси фаолияти, талабалар ва педагог-ўқитувчиларга яратилган шарт-шароитлар билан танишишдан бошладилар.
Дастлаб Имом Термизий ўрта махсус ислом таълим муассасасида таълим учун яратилган шароитлар ҳамда талабаларнинг дарс жараёни билан яқиндан танишдилар. Муфтий ҳазратлари талабаларга ўз соҳаси бўйича билимларни пухта эгаллашлари, келажакда етук олим бўлиб етишишлари лозимлигини тушунтирар экан, ўз фикрларини айни пайтда дунёдаги вазиятни теран англайдиган кадрларга эҳтиёж ҳар қачонгидан ҳам юқорилиги билан изоҳладилар.

Муфтий ҳазратлари Таълим муассасаси талабалари билан бўлган дарс жараёнида иштирок этдилар ва талабаларга фиқҳ фанига оид саволлар бердилар. Талабалардан фиқҳий саволларга фаол жавоб бериб, араб тилида мулоқот қилган иқтидорли талабалар ва кам таъминланган оила фарзанди бўлган толиби илмларнинг жами 15 нафарига Ўзбекистон мусулмонлари идораси томонидан 27 миллион сўмлик моддий рағбатлантирилди. Муфтий ҳазратлари томонидан қилинган бу моддий рағбатлантириш талабаларнинг илм олишга бўлган қизиқишларини янада оширди.
Шундан сўнг Муфтий ҳазратлари таълим муассасаси фаолияти, ўқув хоналари, кутубхона, медиастудия ҳамда таълим ва тадқиқот учун яратилган шароитлар билан таништирилди.
Муфтий ҳазратларининг ташрифи доирасида Марказ илмий ходимлари ва таълим муассасаси мударрис ва талабалари билан “Устоз ва шогирдлик мақоми” тўғрисида илмий суҳбат бўлиб ўтди.
Муфтий ҳазратлари мажлисда йиғилганларга илм талаб қилиш йўлида чекиладиган машаққатлар, илмга қандай йўллар билан амал қилиниши, илм йўлида юрганларни даражалари ва илм ўзаро музокара қилиш ҳамда илмда бардавом бўлиш билан ривож топиши ҳақида батафсил Қуръони карим оятлари, ҳадиси шариф ва уламоларнинг ҳаётидан мисоллар билан тушунтириб бердилар.
Суҳбат асносида муфтий ҳазратлари талабаларга: “Менга ихтиёр берилганда талабаликни танлаган бўлар эдим. Чунки талабалик бу улуғ шараф. Сизларнинг оёғингиз остида фаришталар қанотини тўшаб жаннатга етакламоқда. Устозларни рози қилинглар, уларни хизматини қилиб, дуосини олишга ҳаракат қилинглар. Зеро, устозлар дуосини олган шогирд илмидан ва ҳаётидан барака топади”, – деб таъкидладилар.

Ташриф сўнгида Муфтий ҳазратлари Ўзбекистон мусулмонлари идорасининг асосий мақсади таълимни ривожлантириш, дин ва жамият тараққиёти учун керак бўлган етук кадрлар тайёрлаш ҳамда бу йўлда хизмат қилаётган устоз ва талабаларни доимий қўллаб-қувватлашдан иборат эканлиги таъкидланди.
Муфтий ҳазратлари Марказ ва таълим муассасаси фаолиятини янада ривожлантириш борасида ўзларини фикрларини билдириб, бу муассасаларда фаолият олиб бораётган устозлар, илмий ходимлар ва талабалар ҳаққига дуо қилдилар.

Ўзбекистон мусулмонлари идораси Матбуот хизмати