![muslim.uz](/templates/sj_news_ii/images/placeholder/user.png)
muslim.uz
Оман пожертвует миллион евро на реставрацию мечети на Кипре
Власти Омана пожертвуют крупную сумму на реставрацию исторической мечети в городе Лимассол на юге Кипра, информирует IslamNews со ссылкой на Cyprus Mail.
Реставрация мечети Кебир обойдется бюджету султаната Оман в 1 миллион евро и займет 15 месяцев. Ремонтные работы начнутся 30 сентября.
Мечеть Кебир была построена в Лимассоле в 16 веке на фундаменте еще более старой христианской церкви и является одной из важных достопримечательностей города.
В рамках проекта будет восстановлено главное здание мечети, а также планируется построить дополнительный корпус для административных и общественно-культурных целей.
Пресс-служба Управления мусульман Узбекистана
Саудиялик тадбиркор Ўзбекистондан «ҳалол» маҳсулотлар экспортини йўлга қўйиш ниятида
Жидда шаҳридаги Ўзбекистон Бош консулхонаси томонидан республикамиз маҳсулотлари экспорти ҳажмини ошириш мақсадида Макка шаҳридаги “Golden Star” компанияси бош директори Абдулмуъин Зурги билан учрашув ташкил этилди, деб хабар бермоқда “Дунё” АА.
Суҳбат давомида Ўзбекистонда амалга оширилаётган кенг кўламли ўзгаришлар, иқтисодиётни либераллаштириш ва ташқи савдони ривожлантириш йўлидаги ислоҳотлар, хорижий импортёрлар учун яратилган бизнес қулайликлари ҳамда республикадаги экспорт муҳитининг жозибадорлиги ҳақидаги батафсил маълумотлар тақдим этилди.
Ўз навбатида, Абдулмуъин Зурги Саудия Арабистонидаги фармацевтика заводларга хомашёларни етказиш мақсадида Осиё минтақасидаги желатинли капсулалар бозорини ўрганиб чиққанини маълум қилди.
Шу ўринда, аҳолисининг 90 фоизидан ортиғи мусулмон бўлган Ўзбекистонда ишлаб чиқариладиган маҳсулотларнинг ҳалоллигига ишонч ҳосил қилган ҳолда, Абдулмуъин Зурги мамлакатимиздаги компаниялар билан ҳамкорликни ўрнатиш истагини билдирди. Жумладан, у “MMM Amin Bio” компанияси (Halal Gelatin Collagen Manufacturer) билан ҳамкорлик ўрнатиш асносида Ўзбекистондан желатин капсулаларини экспорт қилишга қизиқиш билдирди.
Ўзбекистон мусулмонлари идораси матбуот хизмати
Ҳизбут таҳрир ва сохта салафийларга раддия (видео)
Расулуллоҳ соллаллоҳу алайҳи васалламдан сўрадилар
Абу Барза Асламий розияллоҳу анҳу Расулуллоҳ соллаллоҳу алайҳи васалламдан сўрадилар: “Мени жаннатга киритадиган ишга буюринг”. Шунда Пайғамбаримиз соллаллоҳу алайҳи васаллам: “Одамлар йўлидаги озор берувчи нарсани олиб ташла”, дедилар.
Ибн Масъуд розияллоҳу анҳудан ривоят қилинади: Расулуллоҳ соллаллоҳу алайҳи васалламдан: “Аллоҳга қайси амал маҳбуброқ?” деб сўрадим. У зот соллаллоҳу алайҳи васаллам: “Ўз вақтида ўқилган намоз”, дедилар.
Усома ибн Шурайж айтдилар: “Аъробийлар Расулуллоҳ соллаллоҳу алайҳи васалламдан сўрадилар: “Ё Расулуллоҳ соллаллоҳу алайҳи васаллам, инсонларга берилган фазилатларнинг энг яхшиси нима?”. Расулуллоҳ соллаллоҳу алайҳи васаллам: “Инсонларга берилган фазилатларнинг энг яхшиси ахлоқдир”, дедилар.
Пайғамбаримиз соллаллоҳу алайҳи васалламдан “Инсонларнинг қайси бири афзалроқ?” деб сўрашди. У зот алайҳиссалом: “Махмумул қалб ҳамда ростгўй киши”, деб жавоб бердилар. Саҳобалар сўрашди: “Ростгўй кишини биламиз. “Махмумул қалб” ким?”. Расулуллоҳ соллаллоҳу алайҳи васаллам: “У ўта пок, тақводор, гуноҳи, хиёнати, алдови, ҳасади йўқ кишидир”, дедилар” (Ибн Можа ривояти).
Абу Ҳумайд Саъидий розияллоҳу анҳу ривоят қиладилар: Саҳобалар Ё, Аллоҳнинг Расули соллаллоҳу алайҳи васаллам, биз сизнинг ҳаққингизга қандай салавот айтамиз, деб сўрадилар? Шунда Расулуллоҳ соллаллоҳу алайҳи васаллам: “Аллоҳумма солли ъала Муҳаммадин ва азважиҳи ва зурриятиҳи кама соллайта ъала оли Иброҳима ва барик ъала Муҳаммадин ва азважиҳи ва зурриятиҳи кама баракта ъала оли Иброҳима иннака ҳамидум мажид”, деб айтдилар.
Жобир ибн Абдуллоҳ розияллоҳу анҳудан ривоят қилинади: “Пайғамбаримиз соллаллоҳу алайҳи васалламдан нима нарса сўралмасин “Йўқ” демаганлар” (Имом Бухорий ривояти).
Даврон НУРМУҲАММАД
тўплади
Саудия нашри: Подшоҳлик Ҳаж ва умра вазирининг Ўзбекистонга ташрифи самарали кечди
Саудия Арабистонинг етакчи босма нашрларидан бири - «Okaz» газетаси саҳифасида «Ўзбекистон Президенти Саудия Арабистонининг Ҳаж ва умра вазирини қабул қилди» сарлавҳали мақола чоп этилди, деб хабар бермоқда «Дунё» АА мухбири.
Унда Президент Шавкат Мирзиёевнинг икки кунлик расмий ташриф билан Тошкентга борган Саудия Арабистони Ҳаж ва умра вазири Тавфиқ ар-Рабиани билан ўтказган учрашуви ва ташрифга оид муҳим маълумотлар атрофлича қаламга олинган.
«Тавфиқ ар-Рабиани Подшоҳ ва валиаҳднинг Ўзбекистон халқига саломини ҳамда мамлакатда амалга оширилаётган изчил ислоҳотларга муваффақиятлар, республикага тараққиёт ва фаровонлик тилаганликларини етказди, деб ёзади нашр. Ушбу ташриф икки давлатни боғлаб турувчи ўзига хос тарихий муносабатларнинг давоми сифатида амалга оширилаётгани, жумладан, ҳаж ва умра соҳаларида ўзаро ҳамкорликка улкан аҳамият берилаётганининг тасдиғидир”.
Мақолада таъкидланганидек, сўнгги ҳаж мавсумида 12 мингга яқин ўзбекистонлик ҳаж ибодатларини адо этган. Коронавирус пандемиясидан сўнг зиёратчилар сонининг ортиши кутилмоқда. Ўтган икки ойда Ўзбекистондан келаётган зиёратчилар сони 36 мингдан ошиб, улар Мадинани зиёрат қилишга ва Маккада умра амалларини бажаришга муваффақ бўлдилар.
«Саудия Ҳаж ва умра вазирининг Ўзбекистонга ташрифи чоғида қатор икки томонлама учрашув ҳамда музокаралари ташкил этилди,- дея маълумот беради нашр. - Хусусан, Тошкентда Ўзбекистон транспорт вазири, Ислом цивилизацияси маркази директори, Ўзбекистон мусулмонлари идораси раиси, муфтий, Дин ишлари қўмитаси раиси билан икки томонлама муносабатларни янада ривожлантириш масалалари муҳокама қилинди».
Алоҳида қайд этилганидек, ушбу ташриф чоғида ўзбекистонлик зиёратчиларга кўрсатилаётган хизматлар сифатини ошириш бўйича стратегик ҳамкорликни кенгайтириш йўллари муҳокама қилинди. «Шунингдек, икки давлат ўртасида ўзаро ҳамкорлик самарадорлигини янада ошириш, жумладан, авиақатновлар сонини кўпайтириш масалаларига ҳам алоҳида эътибор қаратилди», деб ёзади «Okaz» газетаси.
Ўзбекистон мусулмонлари идораси матбуот хизмати