
muslim.uz
Ўзбекистон Президентининг Ўмон Султонига йўллаган қутлови араб ОАВда кенг ёритилмоқда
Ўмон Султонлигининг етакчи “Асдо” - «Asdaa Oman» газетаси веб-саҳифасида Ўзбекистон ва Ўмон ўртасида диломатик алоқа ўрнатилганининг 30 йиллигига бағишланган материал эълон қилинди.
Умуман, ушбу воқеа мамлакат ОАВда қизғин муҳокама этилиб, жамоатчилик томонидан қизғин кутиб олинди. Қуйида ушбу мақоланинг ўзбек тилидаги матнини келтирамиз.
ЎзА хабарига кўра, Ўмон Султони Ҳайсам бин Ториқ Аъло Ҳазратлари Ўзбекистон Республикаси Президенти Шавкат Мирзиёев Жаноби Олийларидан икки дўст мамлакат ўртасида дипломатик алоқа ўрнатилганига 30 йил тўлиши муносабати билан табрикнома олди.
Мактубда давлат раҳбари сўнгги пайтда мамлакатларимиз ўртасидаги муносабат сиёсий, иқтисодий ва маданий соҳаларда ривожланиб бораётганини таъкидлайди. Аъло Ҳазратларининг икки дўст мамлакат ва халқ манфаати, орзу-умидлари ижобати йўлида ўзаро алоқаларни кенгайтириш ва мустаҳкамлашга қаратилган саъй-ҳаракатларини юқори баҳолайди.
Ўзбекистон Президенти Султон Аъло Ҳазратларини икки томонлама муносабатни янада чуқурлаштириш мақсадига йўналтирилган фаол мулоқотни давом эттириш учун Ўзбекистонга расмий ташриф буюришга таклиф қилди. Ўз навбатида Ўмон етакчиси ўзаро самарали музокара олиб борилиши кўп томонлама ва узоқ муддатли алоқаларимиз тарихида янги босқични бошлаб беришига ишонишини изҳор қилди.
Президент Шавкат Мирзиёев ўз табригида Аъло Ҳазратларига сиҳат-саломатлик, бахт-саодат ва узоқ умр, Ўмон халқига тараққиёт, фаровонлик ва тинчлик тилади.
Ўзбекистон мусулмонлари идораси матбуот хизмати
Интервью 24 | Мирзамаҳсуд Алимов - Андижон вилояти бош имом-хатиби
Бухородаги 103 та масжидда ҳайит намози ўқилди
Бухоро вилоятида ҳам Президентимизнинг 2022 йил 30 апрелдаги “Рамазон ҳайитини нишонлаш тўғрисида” ги қарори ижроси доирасида муборак ҳайит байрами юксак савияда нишонланмоқда.
Юртимиздаги барча мўмин-мусулмонлар қатори бухороликлар ҳам эрта тонгдан вилоятдаги 103 та жоме масжидда Ҳайит намозини ўқишди. Унда 95 минг нафардан зиёд намозхонлар қатнашди.
Ўқилган намозларда аҳоли учун барча қулай шароитлар яратилди. Масжидлар атрофи ободонлаштирилди.
Халқимиз учун эзгулик ва мурувват, руҳий покланиш ойи ҳисобланган ушбу қутлуғ кунларда бухоролик уламолар, имом-хатиблар, муҳтарам фахрийлар, маҳалла оқсоқоллари ва фаоллари томонидан юрт тинчлиги, халқ фаровонлиги йўлида дуолар қилинди.
Ҳайит байрами арафасида “Вақф” хайрия фонди, шунингдек, ташаббускор ҳомийлар томонидан кам таъминланган, боқувчисини йўқотган оилалар ва ижтимоий ҳимояга муҳтож шахсларга, 15 нафар Иккинчи жаҳон уруши қатнашчилари, меҳнат фахрийларига ёрдам кўрсатилди. “Мурувват” уйларида хайрия тадбирлари амалга оширилди.
Шунингдек, муқаддас қадамжо ҳамда қабристонлар ободонлаштирилди.
Зариф Комилов,
Тоҳиржон Истатов (сурат), ЎзА
Юртимизда Рамазон ҳайити кенг нишонланди
Имоми Аъзам Абу Ҳанифа раҳматуллоҳи алайҳ
Имоми Аъзам Абу Ҳанифа (р.ҳ.) имомимиз охирги тобеъинлардан бири, бир қанча саҳобаларни кўриш, озгина бўлса-да, улардан сабоқ олиш шарафига муяссар бўлган зотдир. У ислом умматининг энг кўп қисмини ташкил қилувчи фиқҳий мазҳаб имомидирлар. Бироқ, бу зот хусусларида тарқалган гапларнинг сон-саноғи йўқ. Баъзилар ул зотни жоҳил, баъзилари бидъатчи, яна бирлари куфрга нисбат бердилар.
Маълумки, ҳанафийлар эътиқодда мотуридийликка асосланган бўлиб, унинг асли Имоми Аъзам Абу Ҳанифа раҳматуллохи алайҳ ақидасига бориб тақалади. Хуллас, мотуридий ва ҳанафийлар Имоми Аъзам Абу Ҳанифа раҳматуллоҳи алайҳ сингари имон тасдиқ ва иқрордан иборат, унга амал кирмайди, дейдилар. Шунингдек, уларда имон яхлит ҳисобланади, имон зиёда ҳам бўлмайди, кам ҳам бўлмайди. Хатиб Бағдодий раҳматуллоҳи алайҳ “Тарихи Бағдод” асарида айтишига қараганда, Қози Шарик ибн Абдуллоҳ ан-Нахаъий (р.ҳ.): “Абу Ҳанифа Аллоҳ таолонинг икки оятига куфр келтирган эмиш. Бири, “Намозларини барпо қиладилар ва закот берадилар. Ва мана шу мустаҳкам диндир!” (Баййина, 5) ояти каримаси, иккинчиси эса, “Имонни ўз имонлари билан бирга зиёда қилишлари учун ...” (Фатҳ, 4) ояти каримасидир. Абу Ҳанифа имонни зиёда ҳам бўлмади, кам ҳам бўлмайди, деб ўйлаган. Яна у намозни Аллоҳнинг динидан эмас, деб ўйлаган”, деб айблаган Астағфируллоҳ!
Мана, “такфир” натижаси, унинг аянчли оқибати! Мусулмонлар билиб-билмай ўз имомларини, исломнинг энг буюк мужтаҳид имомларини ҳам бидъатчиликда, жоҳилликда, кофирликда айбалаганлар. Лекин, шуни фахр билан айтаманки, бизнинг халқлар – Ўрта Осиё халқлари ўз имомларини хор қилган эмаслар, айблаган эмаслар. Уларга жуда катта ҳурмат ва эҳтиром билан таъзимда бўлганлар. Қаерда олим хор бўлган, айбланган, таъна тошлари отилган бўлса, у бошқа юртларда бўлиб ўтган. Ўз имомларини масжидларда турганида қавми билан биргаликда портлатиб юборганлар ҳам, ўзларини мусулмон деб билган минг-минглаб одамларни оммавий қатл қилиб туриб, “Мана, биз ислом давлати қурдик”, деб оламга жар солганлар ҳам бошқа юрт вакилларидир, бу ҳолатдаги аянчли ҳодисалар бизда бўлган эмас. Бунга шонли тарихимиз гувоҳ!
Манбалар асосида Жамалов Нуруллоҳон тайёрлади