muslim.uz
Етимнинг ҳаққи
Машҳур олимлардан бири Муҳаммад Ротиб ан-Набулусий шундай ҳикоя қиладилар: Кунларнинг бирида мен Дамашқ бозорида харид мақсадида юрган эдим, ногоҳон бир киши дўконидан ғазаб билан чиқиб, мени тўхтатиб, савол бера бошлади.
Мен бугун бир воқеъани эшиттим лекин, тушинмадим деди.
Мен унга тушинмаган воқеъангни менга айтчи дедим.
Бир киши болаларига ҳалол ризқ талаб қилиб, Дамашқ бозорига мато сотгани келибди. Шунда ўша мато сотувчи ўқ овозини эшитиб қолиб, ким экан дея дўконидан чиқган экан отилган ўқлардан бири унга тегиб, натижада бирданига шол бўлиб қолибди. Ахир унинг гуноҳи нима? Бечора ризқ излаб келган бўлса, дўкон очиб ишлаётган бўлса, ишлаш ибодат бўлса... Мен бу ҳолатни хечҳам тушина олмаяпман, ақлимга сиғдира олмаяпман деди.
Мен унга билмадиму, лекин, сен ҳам, мен ҳам Аллоҳ ўз ишида адолатлилигини чуқур тушина олмаймиз. У учун бизда Аллоҳ таолонинг илми каби илм бўлиши керак дедим.
Бу воқеъадан 20 кун ўтди. Бир дўстимиз келиб, менга яқинда ўзи гувоҳ бўлган бир воқеъани айтиб берди.
Бизнинг тепа қаватимизда яшайдиган бир қўшним бор эди. У етимларнинг молларини ер экан. Укаси ўлгач унинг болаларига қолдирган нарсаларини жабр ва бўхтон қилиш йўли билан олиб қўйибди. Етим болалар умид билан бир олим инсоннинг олдига бориб, амакисидан ўзларига тегишли бўлган нарсаларни шариъат йўли билан олиб беришни илтимос қилишибди. Олим инсон етимнинг нарсаларини олиб қўйган кишини олдига келиб, етим болларнинг нарсаларини қайтариб бер деб, дъват қилибди. У эса олимнинг бошига келиб, мен уларга ҳеч нарса бермайман деб туриб олибди. Шунда ҳалиги олим болажонларим бу сизнинг амакингиз унга шикоят қилманг, шикоятингизни Аллоҳ таолога қилинг дебди. Кўп ўтмай бозордалигида унга ўқ тегиб, шол бўлиб қолди деди.
Мен дўстимизга бу воқеъа қачон бўлган дедим.
У 19 кун бўлди, фалон бозорда деб айнан мендан сўралган ўқ еб, шол бўлиб қолган киши бўлиб чиқди. Кўрдингизми хеч бир айб жазосиз қолмайди. Хоссатан етимнинг ҳаққи. Етимнинг молини ейишнинг бу дунёдаги оқибатларидан бири бу. Охиратдагиси бунданда баттар бўлиши Қуръон ва суннатда очиқ баён қилинган.
Шундай экан азизлар! Етимнинг молини ейишдан эҳтиёт бўлайлик!
Манбалар асосида Тошкент шаҳаридаги “Шайх Зайниддин” жомеъ масжиди имом хатиби Абдураҳманов Яҳё
Кембрижда янги масжид очилади
Буюк Британиянинг Кембриж шаҳрида мусулмонларнинг ибодат қилишлари учун жоме масжидининг очилишига қизғин тайёргарлик кўрилмоқда. Ушбу масжид замонавий меъморчилик санъати жиҳатидан Буюк Британияда ўхшаши йўқ обида бўлади.
Бундан 40 йил олдин исломни қабул қилган, ҳозирда масжидлар масъуллари кенгаши раиси вазифасида ишлаётган Тим Уинтер масжид, асосан ҳомийлар ҳисобидан барпо этилаётганини айтган. Тахминий ҳисоб-китобларга қараганда, масжид қурилиши учун 23 миллион фунт стерлинг маблағ сарфланган.
Янги масжид минг нафар намозхонга мўлжалланган. Масжид ҳовлисида авто ва бошқа уловлар учун ҳам махсус тураржой барпо этилган.
Масжиднинг ёрқин дизайнига шифтга ўрнатилган саккиз хил рангдаги ойналар, полга тўшалган Испания мармарлари ва Шимолий Ирландиянинг декоратив эман панеллари ўзгача шукуҳ бағишлаган.
Ўзбекистон мусулмонлари идораси Матбуот хизмати
Қрим мусулмонлари Ҳаж квотасини оширишни таклиф қилишди
Россия Ҳаж миссияси ва Саудия Арабистони Ҳаж вазирлиги ўртасида жорий йилда учрашув ташкил этилди. Учрашувда вазир ўринбосари Абдулфаттоҳ бин Мулаймон Машшат иштирок этган. Россия делегациясига эса Чеченистон муфтийси Межиев Салах Митаевич бошчилик қилган.
Қрим Республикаси номидан муфтий ўринбосари Эсадуллаҳ Баиров ҳамда Қримда фаолият юритувчи Ҳаж оператори АВН-Тур компанияси раҳбари Артур Решитов иштирок этган.
Учрашувда зиёратчилар учун қулайликлар яратиш, уларнинг оғирини енгил қилиш масалалари муҳокама қилинган. Учрашувда транспорт ва ёқилғи тарифларининг ошиши, Мино ва Муздалифада чодирларда яшаш хизматларининг кўтарилиши масалалари ҳам муҳокама қилинган. Бунда зиёрат нархи 20 фоизга ошиши айтилган.
Бундан ташқари, учрашувда Россия Федерацияси республикалари учун квоталарни қайта кўриб чиқиш масаласи ҳам муҳокама қилинган. Қрим Республикаси учун 600 ўрин ажратилган бўлиб, ҳозирги кунда Ҳаж зиёратига келишни истовчилар сони ошган. Шу мақсадда квота сонини 1000 тага етказиш зарурлиги айтиб ўтилди.
Ўзбекистон мусулмонлари идораси Матбуот хизмати
Якшанба мутоаласи
Ассалому алайкум! Бугун хафтанинг якшанба куни.
“Якшанба мутолааси” рукни орқали муслим.уз порталининг хафта давомидаги энг сара мақолаларини тавсия этишда давом этамиз.
- “Вафо жуда қиммат нарса. Уни арзон кимсалардан кутманг.” мазкур ибратли сўз каби пурмано ҳикматлар билан яқиндан танишиш учун “Нишонга урилган гаплар” туркум мақолаларини кузатиб боринг!
- Муслималарга ҳар томонлама ўрнак ва ахлоқ намунаси бўлган мўмна оналаримиз ва уларнинг ибратли фазилатлари ҳақида “Мўминаларга ибрат мўминалар” туркум мақолалари орқали ўзингизга зарур маълумотларга эга бўласиз!
- Сизни муаммолар ва ҳаёт ташвишлари қийнаяптими? Хавотир ва ташвиш гирдобидан қандай чиқишни билишни истайсизми? Унда сиз учун Қуръони каримдаги муаммоларга ечим бўлувчи оят шарҳи ва тавсиялар ҳақидаги “Муаммонинг ечими” мақоласини мутолаа этишни тавси этамиз.
- Агар инсон одамларнинг кўзидан яшириб, беркитиб, уйининг ичига кирволиб, деразаларига қора пардаларни тўсиб, гуноҳ содир этса ҳам, шу гуноҳига қиёмат куни 4 та нарса гувоҳликка беради. Мазкур 4 та гувоҳлар хақида “Охиратдаги гувоҳлар” мақоласи орқали батафсил маълумотга эга бўласиз.
- Тарих китоблари ва саҳиҳ ҳадислардан маълумки Пайғамбаримиз соллаллоҳу алайҳи васаллам ўз юмушларини доимо ўзлари бажаришга ҳаракат қилганлар. Аммо, саҳобалар Набий соллаллоҳу алайҳи васалламнинг муҳаббатларига сазовор бўлиш учун ул зотнинг хизматларида бўлишга ошиққанлар. “Расулуллоҳ соллаллоҳу алайҳи васалламнинг ходимлари” мақоласи орқали Набий алайҳиссаломнинг хос ҳодимлари ҳақида батафсил маълумотга эга бўласиз.
- Ҳаётий ҳақиқатлар, умр мантиғи ва инсон тафаккури озиқаси ҳақидаги “Ҳеч ўйлаб кўрдингизми” мақоласини мутолаа этиш орқали ўзингиз ва яқинларингиз учун фойдали маълумотларга эга бўласиз.
- Нонушта, тушлик ва кечликни ёлғиз тановул қилиш метаболизм синдроми хавфини келтириб чиқаради. Мазкур, илмий асосланган маълумот ва унинг амалий аҳамияти хусусида “Олимлар аниқлашди: ёлғиз овқатланиш зарарли” мақоласи орқали батақсил билиб оласиз.
муслим.уз сайтини кузатишда давом этинг! Бир-биридан қизиқарли, илмий асосланган ва сиз учун фойдали бўлган мақолалардан янада кўпроқ баҳраманд бўласиз!
Дам олиш кунингиз хайрли ўтсин!
Унутманг биз сиз учун ижод қиламиз
ЎМИ Матбуот хизмати
“Ал-Азҳар” кутубхонаси тажрибалари ўрганилди
Миср давлатида хизмат сафарида бўлиб турган Ўзбекистон мусулмонлари идораси бўлим мудирлари Муҳаммад Аюбхон домла Ҳомидов ва Камолиддин Маҳкамов Ўзбекистоннинг Мисрдаги элчихонаси вакиллари ҳамрохлигида ал-Азҳар кутубхонаси фаолияти билан яқиндан танишиб, бой тажрибаларини ўзлаштирдилар.
Ал-Азҳар кутубхонаси мудири Абдулмажид Аҳмад Абдуллатиф ва малакали мутахассислардан ноёб асарларни сақлаш, таъмирлаш, электрон нусхаларини олиш ва фойдаланиш тартиблари борасидаги кўп йиллик тажрибалар ўрганилди.
Маълумки, Ўзбекистон мусулмонлари идорасида сақланаётган араб ёзувидаги қўлёзма асарлар, тошбосма китобларнинг сақлаш ва таъмирлаш ҳолати мониторинг қилиниб, уларнинг электрон базасини шакллантириш ишлари бошланган. Шу билан бирга, Диний идора фондида сақланаётган қадимий қўлёзмаларни босқичма-босқич таъмирлаш учун зарур кимёвий моддаларни ишлатиш, фондни замонавий технологик ускуналар билан жиҳозлаш бўйича амалий ҳаракатлар ҳам бошлаб юборилган.
Миср сафари мана шундай ишларни энг юқори сифатда амалга оширишда жуда қўл келади. Диний идора фондидаги қўлёзма ва тошбосма манбаларни таъмирлашда муайян муаммолар бор эди. Айниқса, соҳа мутахассислари маслаҳати ва тажрибасига эҳтиёж катта. Чунки сўнгги йилларда фонддаги айрим асарларни таъмирлаш зарурати пайдо бўлмоқда. Бундай долзарб масалаларнинг оқилона ечими – инновация, интеллектуал билим ва илм-фаннинг янги ютуқларини амалиётга татбиқ этишдир.
Бу борада жаҳон миқёсида ноёб ҳисобланган Миср давлатидаги йирик кутубхоналар, илмий тадқиқот марказлари ва музейларнинг бой тажрибалари жуда ҳам катта фойда беришига ишонамиз.
Ўзбекистон мусулмонлари идораси Матбуот хизмати
Янгиликлар
