Ўзбекистон мусулмонлари идораси Матбуот хизмати

Ўзбекистон мусулмонлари идораси Матбуот хизмати

Ғолиб домла Очилов
Вобкент тумани "Хожа Маҳмуд Анжир Фағнавий" жоме масжиди имом - хатиби

Марокаш подшоҳлигининг Работ шаҳрида Таълим, фан ва маданият масалалари бўйича Ислом ташкилоти (ICESCO)нинг халқаро конференцияси бўлиб ўтмоқда.
Мазкур нуфузли анжуманда Ўзбекистон халқаро ислом академияси ректори Музаффар Комилов ҳам иштирок этмоқда, дея хабар бердиа Aкадемия Aхборот хизмати. Конференция “Мусулмон дунёсида тараққиётнинг стратегик индикаторлари: Билим индикатори модел сифатида” мавзусидаги 1-маслаҳатлашув учрашуви билан ўз ишини бошлади.

Очилиш сессиясида ICESCO Бош директори Салим ал-Маликнинг мурожаати тингланди. Ўз навбатида Муҳаммад ал-Мактум фонди ижрочи директори, профессор Жамал бин Ҳувайреб, ҳамда UNDP бош техник маслаҳатчиси ва билим лойиҳаси директори Хани Турки анжуман иштирокчиларига мурожаат йўлади.

Шундан сўнг “Билим жамиятларини қуриш ва баҳолашни муҳокама этишнинг энг муҳим муаммолари бўйича” сессияси ўтказилди.
Расмий тадбирлардан сўнг Пайғамбаримиз саллаллоҳу алайҳи васалламнинг сийрати ва ислом цивилизацияси халқаро кўргазмаси ва музейига ташриф ташкил этилди.
Таъкидлаш жоизки, ташкилот 1979-йилда ташкил топган бўлиб, бош қароргоҳи Марокаш давлати пойтахти Работ шаҳрида жойлашган. Ташкилот томонидан аъзо давлатлар ўртасида таълим, фан, маданият ва коммуникация соҳаларида ҳамкорликни мустаҳкамлаш, халқлар ҳамда динлар ўртасида дўстона муносабатларни ўрнатишга муҳим эътибор қаратиб келинмоқда. Ислом олами ва дунё тамаддуни ривожида Ўзбекистон Республикасининг ўрни беқиёс бўлгани боис ICESCO ташкилоти билан ўзаро ҳамкорлик алоқалари ривожланиб бормоқда.

Ўзбекистон мусулмонлари идораси матбуот хизмати

Жорий йилнинг 25-27 декабрь кунлари Шимолий Aмерикадаги энг йирик мусулмонлар форуми Канаданинг Торонто шаҳрида “Муборак учрашув” шиори остида бўлиб ўтади.

Бу йилги “Ислом руҳининг тикланиши” конференциясида Мавлоно Ториқ Жамил, Зайд Шакер, Сираж Ваҳаж, Шайх Aбдулҳаким Мурод, Шайх Ёсир Қозий, Шайх Умар Сулаймон ва Ясмин Муҳаммад, Ойша Приме каби бир қатор таниқли олим ва фаоллар иштирок этиб, долзарб мавзуларни муҳокама қилиши кутилмоқда.

Мазкур саммитда германиялик мусулмонлар ҳам маъруза қилиши ва бир қатор лойиҳаларни илгари суриши режалаштирилган.

Ушбу форум “Ковид-19” сабабли сўнгги икки йилда онлайн шаклда ўтказилди.

Маълумки, “Ислом руҳининг тикланиши”  мавзуидаги форум илк бор йигирма йил аввал мусулмон ёшлари томонидан АҚШ даги 11-сентябрь воқеаларидан кейинги исломофобия ҳодисасига қарши курашиш ва ғайридинлар билан ўзаро ҳамкорлик кўприги ўрнатиш мақсадида ташкил этилган эди.

ЎМИ Халқаро алоқалар бўлими