muslimuz

الإثنين, 11 آذار/مارس 2024 00:00

Рамазонда қайси зикрларни кўпроқ айтиш керак?

ЖАВОБ: Бисмиллаҳир Роҳманир Роҳим. Рамазон – Қуръони карим нозил бўлган ой бўлгани учун, айнан Қуръони каримни бошқа ойларга нисбатан кўпроқ ўқиш тавсия қилинади. Зеро, Қуръони карим энг улуғ, энг афзал зикрдир. Бундан ташқари тасбиҳ (Субҳааналлоҳ), таҳлил (Лаа илааҳа иллаллоҳ), истиғфор (Астағфируллоҳ), ҳамд (Алҳамдулиллаҳ), такбир (Аллоҳу акбар) ва Расулуллоҳ саллаллоҳу алайҳи васалламга салавот айтиш ҳам энг афзал зикрлар саналади. "Аллоҳ, Аллоҳ", деб юриш ҳам зикрнинг энг тилга осон кўринишидир. Валлоҳу аълам.

Ўзбекистон мусулмонлари идораси Фатво маркази.

Published in Мақолалар

الإثنين, 11 آذار/مارس 2024 00:00

Имконияти чекланган ҳамюртларимизга мазмунли суҳбат қилиб берилди

Ўзбекистон мусулмонлари идораси Бухоро вилояти вакиллиги ташаббуси билан Бухоро шаҳар "Абу Бакр Сиддиқ" жоме масжиди имом-хатиби Ориф домла Тўқсонов гапириши ва эшитишида нуқсони бўлган ҳамюртларимиз учун маънавий-маърифий суҳбатларнинг навбатдаги сони "Рамазон ойининг фазилатлари" мавзусида ўтказилди.

Суҳбат мобайнида Ориф домла иштирокчиларни қизиқтирган ақидавий, фиқҳий ва диний-ижтимоий мавзулардаги саволларга жавоб берди. Тадбир жараёнидаги суҳбатлар малакали сурдо таржимони томонидан иштирокчиларга етказилди.

Яратган бу хайрли ишларни бардавом айлаб, манфаатли қилсин!

Ўзбекистон мусулмонлари идораси
Бухоро вилояти вакиллиги
Матбуот хизмати

Published in Ўзбекистон янгиликлари

الإثنين, 11 آذار/مارس 2024 00:00

Таровеҳ намози: ўқилиши, нияти, тасбеҳи ва фазилатлари

Таровеҳ намози қандай амал?

Таровеҳ намози эркак ва аёлларга суннати муаккада – таъкидланган суннат амалдир.

Таровеҳ намози қачондан бошланади?

Таровеҳ намозини ўқиш шаъбон ойининг охирги куни яъни рамазон ойидан бир кун олдин хуфтон намозидан кейин бошланади.

Таровеҳ намози қачон ўқилади?

Таровеҳ намози хуфтон намозининг суннатидан кейин витр намозидан олдин ўқилади.

Таровеҳ намозининг нияти

“Таровеҳ намозини холис Аллоҳ учун имомга иқтидо қилган ҳолда ўқишни ният қилдим”.

Сано дуоси ўқиладими?

Таровеҳ намозининг ҳар икки ракатининг биринчи ракатида имом ва қавм сано дуосини ўқийди (Субҳанакаллоҳумма ва биҳамдика ва табарокасмука ва таъала жаддука ва лаа илаҳа ғойрук).

Таровеҳ намози нечи ракат?

Таровеҳ намози йигирма ракат. Ҳар икки ракатдан кейин салом берилади ва тўрт ракатдан сўнг тасбеҳ айтилади.

Таровеҳ намозининг тасбеҳи

سُبْحانَ ذِي الْمُلْكِ وَالْمَلَكُوتِ سُبْحانَ ذِي الْعزَّةِ وَالعَظَمَةِ وَالْقُدْرَةِ وَالْكِبْرِيَاءِ وَالْجَبَرُوتِ سُبْحانَ الْمَلِكِ الْحَيِّ الَّذِي لَا يَنَامُ وَلَا يَمُوتُ سُبُّوحٌ قُدُّوسٌ رَّبُّنا وَرَبُّ الْمَلَائِكَةِ وَالرُّوحِ لَا إِلَهَ إِلَّا اللَّهُ نَسْتَغْفِرُ اللهَ نَسْئَلُكَ الْجَنَّةَ وَنَعُوذُ بِكَ مِنَ النَّارِ.

Ўқилиши: Субҳаана зил-мулки вал-малакуут. Субҳаана зил-ъиззати вал-ъазомати вал-қудроти вал-кибрийаа’и вал-жабаруут. Субҳаанал-маликил ҳаййиллазий лаа йанааму ва лаа йамуут. Суббууҳун қуддусун Роббунаа ва Роббул-малааикати вар-рууҳ. Лаа илааҳа иллаллоҳу настағфируллоҳ. Нас’алукал-жанната ва наъузу бика минан-наар.

Маъноси: Мулк ва малакут Эгасини поклаб ёд этаман! Иззат, буюклик, қудрат, улуғворлик ва ҳукмронлик Эгасини поклаб ёд этаман! Ҳаргиз ухламайдиган ва ўлмайдиган Ҳаййни, Маликни поклаб ёд этаман! У Зот Суббуҳдир, Қуддусдир, фаришталарнинг ва Руҳнинг Роббидир. Аллоҳдан Ўзга илоҳ йўқ! Аллоҳдан мағфират сўраймиз. Сендан жаннатни сўраймиз ва дўзахдан Ўзингдан паноҳ тилаймиз.

Ўтган гуноҳлар кечирилади

Расулуллоҳ соллаллоҳу алайҳи васаллам айтадилар: “Ким Рамазон ойида иймон билан савоб умиди (таровеҳ)да қоим бўлса, аввалги гуноҳлари кечирилади” (Имом Бухорий, Имом Муслим ривояти).

Бошқа ҳадисда Набий соллаллоҳу алайҳи васаллам: “Агар киши имом билан то тугатгунча бирга намоз ўқиса, тунни бедор ўтказган деб ҳисобланади”, деганлар (Абу Довуд ва Насоий ривояти).

Даврон НУРМУҲАММАД

Published in Мақолалар

الأربعاء, 06 آذار/مارس 2024 00:00

Агар сўз дилдан чиқса

Мавлоно Музаффар Ҳусайн Соҳиб китоб кўриб, кейин ваъз қилар эдилар. Маърузани китобга қараб ўқиб берар эканлар. Магар, жамоатга жуда ҳам ҳайратларини қўзғайдиган даражада қаттиқ таъсир қилар эди. Одамлар бу таъсирни сабабини сўрашганида айтганларки, қачон мен бирор гап гапирадиган бўлсам, ич-ичимдан орзуим, таманноим шундай бўладики, ҳамма одам шунга мувофиқ амал қилса эди, дейман. Саҳиҳ гап шу: “Ҳар чи аз дил ҳе зад бар дил ре зад”. "Дилдан чиққан нарса дилга қуйилади" деган гап, тўғри гап. Ваъз ва насихатни таъсир қилишлигида ваъз қилувчини ва насиҳатчини хайриҳоҳлиги ва дилидан талабаларни ислоҳ бўлишлиги энг катта шартлардандир.

Ёрқинжон Фозил раҳимаҳуллоҳ

Published in Мақолалар

الأربعاء, 06 آذار/مارس 2024 00:00

Бемазҳаблар билан мантиқий савол-жавоб (3 қисм)

1 қисм / 2 қисм

Улар: “Хўп яхши. Демак, тўрт имомларнинг барчаси тўғри экан, бордию тўрт имомдан учтаси бир хил фикрда бўлишса-ю, лекин биттаси бошқа фикрда бўлса, улардан қайси бирига эргашамиз?” деб яна сўрадилар.

Мен: “Бир имомга”, деб жавоб бердим.

Улар: “Нима учун, ахир кўпчиликка эргашиш керак эмасми?”, дейишди.

Мен: “Аллоҳ таоло 124 минг пайғамбарларини юборди. Уларнинг ададини Аллоҳ таолонинг Ўзи билади. Биз барчаларига иймон келтирамиз.

Қуръони каримда Юсуф алайҳиссаломга акалари сажда қилганлари ҳақида оят келган. Уламолар ушбу оятнинг тафсирида: “Инсонларнинг бир-бирига ҳурмат маъносида сажда қилиши Расулуллоҳ соллаллоҳу алайҳи васалламгача ўтган барча пайғамбарлар даврида рухсат этилган”, дейдилар. Аммо Пайғамбаримиз алайҳиссалом бизни бундай қилишдан қайтарганлар. Лекин ўтган 123 минг 999 нафар пайғамбар бундан қайтаришмаган. Сиз ўтган пайғамбарларга эргашасизми ёки охирги замон пайғамбари Расулуллоҳ соллаллоҳу алайҳи васалламгами?” деб сўрадим.

Улар: “Расулуллоҳ соллаллоҳу алайҳи васалламга эргашамиз”, дедилар.

Мен: “Худди шунингдек биз ҳам бир имомга эргашамиз”, дедим.

Улар: “Ислом дини Макка, Мадинада нозил бўлганми ёки Куфадами?”, деб яна савол сўрадилар.

Мен: “Макка, Мадинада”, дедим.

Улар: “Унда Куфадаги Абу Ҳанифага эргашмасдан, Макка, Мадинадаги имомларга эргашимиз керак эмасми?” дедилар.

Мен: “Тўғри, Қуръони карим оятлари Макка ва Мадинада нозил бўлди. Лекин етти қорилардан бири Маккалик, бошқаси Мадиналик, яна бири Басралик бўлган. Сизлар ҳам куфалик Имом Осимнинг қироатига эргашасизларку. Нега унда Қуръон Макка, Мадинада нозил бўлган бўлса, куфалик қорининг қироатига эргашяпсизлар?” деб саволларига савол билан жавоб бердим.

Улар: “Чунки куфалик қорилар Қуръонни ўзлари ўйлаб топишмаган. Улар куфага Макка, Мадинадан борган кўплаб саҳобалардан таълим олишган. Саҳобалар уларга Қуръонни ўргатишган”, дедилар.

Мен: “Саҳобалар Куфага келишганида ибодатларни ҳам ўргатишганми? Хусусан, қандай намоз ўқишни ҳам кўрсатиб беришганми? Нима деб ўйлайсиз?” деб сўрадим.

Улар: “Ҳа, саҳобалар қандай намоз ўқишган бўлса, уни куфа аҳлига ҳам ўргатишган”, дейишди.

Мен: “Демак, саҳобалар Қуръондан таълим беришган экан, албатта намозни ҳам ўргатганлар. Демак, бир мазҳабга эргашсак саҳобага эргашаётган бўламиз. Саҳобалардан кўра Расулуллоҳ соллаллоҳу алайҳи васалламга эргашишда ким гўзалроқ намуна бўлиши мумкин?” дедим.