muslim.uz
Муфтии оценили нахождение кошек в мечетях
Нахождение кошек в мечетях в мировой практике считается обычным явлением, поскольку по исламской традиции они считаются чистыми животными. Об этом пишет РИА Новости со ссылкой на представителей духовных управлений мусульман России.
Как сообщает mynamaz.ru, ранее в социальных сетях распространилось видео из Алжира, на котором в одной из мечетей во время ночной молитвы кошка запрыгнула на руки имаму. Религиозный деятель погладил животное и продолжил молитву.
Глава Координационного центра мусульман Северного Кавказа (КЦМ СК) Исмаил Бердиев отметил в интервью агентству, что у него дома есть кошка. Когда он совершает намаз, она иногда приходит к нему и прыгает на руки.
«Молитве это совсем не мешает. Тем более кошка – чистое с точки зрения шариата животное. Когда она подходит – это умиротворение», – сказал религиозный деятель.
Имам-хатыйб Соборной мечети Донецка Рушан Таиров констатировал, что иногда кошка ложится на молитвенный коврик, ее надо аккуратно сдвинуть в сторону. Он напомнил, что пророк Мухаммад (с.а.с.) любил этих животных, поэтому в исламе к ним относятся весьма трепетно.
Пресс-служба Управления мусульман Узбекистана
Тошкент ислом институти талабалари “2+1” форматидаги амалиётни бошладилар
Аввал хабар берганимиздек, Ўзбекистон мусулмонлари идораси тизимидаги 3 та олий ва 10 та ўрта махсус ислом таълим муассасалари ҳамда Ўзбекистон халқаро ислом академияси талабалари “2+1” форматидаги таълим шаклига кўра, 3 ой муддат оралиғида давом этадиган амалиётга босқичма-босқич чиқмоқдалар.
Тошкент ислом институти талабалари ҳам мазкур «Ижтимоий-маънавий муҳитни соғломлаштириш бўйича ҳудудий тарғибот гуруҳлари»га бириктирилган.
ТИИ талабалари 2 ҳафта аудиторияларда ўқиб, 1 ҳафта маҳаллаларда амалиёт ўтайдилар.
Тарғиботчи-амалиётчи талабаларнинг 1 ҳафталик давомли амалиётларини тўғри ва самарали ташкил этиш мақсадида институт ректори М.Муҳаммадсиддиқов бошчилигидаги ишчи гуруҳ (штаб) тузилди. Амалиёт даврида талабаларнинг фаолияти, хавфсизлиги, иш жараёнида юзага келиши мумкин бўлган муаммо ва бошқа масалаларда уларга ишчи гуруҳ томонидан зарур кўмак кўрсатилади.
Тарғиботчи талабалар 1-кунда ўзига бириктирилган маҳалла раиси, унинг маслаҳатчилари, профилактика инспектори, ёшлар етакчиси, психолог билан учрашиб, мазкур маҳалла билан танишдилар.
Фахриддин Маманасиров, Муслим Боймиров, Наврўзбек Абдубанноев, Ислом Убайдуллаев, Фазлиддин Сувонов, Дилшод Насиров, Абдулбосит Қобилов, Юсуф Абдаруҳимов каби ўқитувчилар амалиётчи талабаларни жойларга етиб бориши, тарғибот фаолиятларини бошлашларига кўмалашиш мақсадида бириктирилган маҳаллаларга ташриф буюрдилар.
Тошкент ислом институти талабаларига пойтахт, Тошкент ва Сирдарё вилоятларидан 289 та маҳалла бириктирилган.
Амалиётда талабалар республикадаги маҳаллаларда илмий-маърифий тадбир ва суҳбатлар ташкил қиладилар. Жойлардаги имом-хатиблар, маҳалла раислари ҳамда фаоллар кўмагида талабалар аҳоли билан мулоқот қиладилар, диний-маърифий йўналишдаги саволларига жавоб берадилар.
ТИИ Матбуот хизмати
Аллоҳнинг раҳматидан ноумид бўлманг!
Бугун, 10 апрель куни жомеларимизда “Зумар” сураси 32-оятидан “Фуссилат” сураси 46-оятигача ўқилади.
Ўзбекистон мусулмонлари идораси Фатво маркази мутахассиси Ҳабибуллоҳ домла Жўрабоев
Ўзбекистон мусулмонлари идораси Матбуот хизмати
Силаи раҳмни боғлаганга қандай мукофот ваъда қилинган?
Айни кунларда Рамазон шукуҳи қалбларга илиқлик ва сокинлик улашмоқда. Бу ойнинг аввали раҳмат, ўртаси мағфират ва охирги ўн куни дўзахдан озод бўлиш фурсатидир. Ушбу дамларда муборак ойнинг раҳмат даҳаси ҳам якун топмоқда. Илоҳо, барчамизни ўз раҳматига дохил қилсин!
Бошқа пайтларда ҳам, қолаверса, мана шундай улуғ кунларда динимиз эътибор қаратган амаллардан бири – “силаи раҳм”дир! “Силаи раҳм” ўзи нима?
“Силаи раҳм” сўзини она тилимизга сўзма-сўз ўгирадиган бўлсак, “раҳмни боғлаш” деган маъно келиб чиқади. Раҳм эса қариндош дегани, она бачадонини ҳам араблар “раҳм” дейдилар. Демак, силаи раҳм деганда қариндош-уруғлар билан яхши алоқада бўлиш, уларнинг ҳолидан хабардор бўлиш, ҳамда уларни моддий ва маънавий жиҳатлардан қўллаб-қувватлаш кабилар тушунилади.
Қуръони каримнинг бир қанча оятларида қариндошлик алоқаларини боғлашнинг фазилати ва уни узишнинг ёмонлиги ҳақида сўз юритилган. Жумладан, қуйидаги оятда қариндошликни боғлайдиган кишилар мақталади: “Улар Аллоҳ боғланишга буюрган нарсаларни (яъни қариндошлар билан алоқани) боғлайдилар, Парвардигорларидан қўрқадилар ва (охиратда) ҳисоб-китобнинг нохуш кечишидан чўчийдилар” (Раъд сураси, 21-оят).
Пайғамбаримиз соллаллоҳу алайҳи васаллам ҳам бу мавзу жуда муҳимлигини ҳадиси шарифлари таъкидлайдилар: “...ва ким Аллоҳга ва охират кунига имон келтирган бўлса, қариндошлик алоқаларини боғласин...” (Имом Бухорий ва Имом Муслим Абу Ҳурайрадан ривоят қилишган).
Анас ибн Моликдан ривоят қилинган ҳадиси шарифда эса силаи раҳм сабабли ризқнинг мўл-кўл бўлиши, умрнинг узоқ бўлишини уқтирилади: “Ким ризқи кенг бўлиши, умри узун бўлишини хуш кўрса, қариндошлик алоқаларини боғласин” (Имом Бухорий ва Имом Муслим ривоят қилишган).
Демак, қариндошлар билан гўзал муомалада алоқани ушлаб туришлик, умр узайишининг, ризқ мўл бўлишининг сабабчиларидан экан.Умри узайишини хоҳлаган одам, қариндошларига яхшилик қилсин, ризқи кенг бўлишини, топган-тутганига барака киришини истаган одам қариндошлари билан борди-келди қилсин!..
Бугунги кунимизда қариндош-уруғлар билан алоқада бўлиб туришнинг минг бир хил йўллари, минг бир хил воситалари мавжуд. Авваллари одамлар узоқроқда яшайдиган биронта қариндошиникига бориш учун от-араваларда соатлаб, балки, кунлаб юрган бўлсалар, ҳозир алҳамдулиллаҳ шаҳарни у четидан бу четига машинада ғир этиб, саноқли дақиқаларда етиб олиш мумкин. Бугун қариндошлар билан алоқа қилмаслик учун биронта ҳам баҳона қолмаган. Ҳеч бўлмаганда автобус, йўналиш ва йўналишсиз таксилар каби умумий нақлиёт воситаларига миниб бўлса ҳам узоқни яқин қилиш мумкин. Эътибор беринг-а,.. Кимки, Аллоҳга ва охират кунига мўмин бўлса, бас, қариндошлари билан алоқа қилсин!
Силаи раҳмни мустаҳкамлашда қуйидаги яхшилик бор:
– Силаи раҳм қилган киши Аллоҳнинг муҳаббатини қўлга киритади;
– Силаи раҳм қилган кишининг умри узоқ бўлади;
– Силаи раҳм қилган кишининг ризқига барака киради;
– Силаи раҳм қилган кишига Аллоҳ таоло яхшилик ато қилади;
– Силаи раҳм қилган кишини халқ яхши кўради;
– Силаи раҳм қилган кишига ҳар жойда дўст ва хайрихоҳ кўпаяди;
– Силаи раҳм қилган кишининг вафот этганидан кейин ҳам орқасидан савоб боради.
Силаи раҳмнинг акси, зиддини “қотиъур-раҳм”, яъни “меҳр риштасини узилик” дейилади. Динида қотиъур-раҳм, қариндошлик алоқаларини узиш қаттиқ қораланади. Афсуски, қотиъур-раҳм, қариндошлик алоқаларини узган киши қуйидаги ёмонликка эга бўлади:
– Қотиъур-раҳм амалини қилган кишини Аллоҳ ёқтирмайди;
– Қотиъур-раҳм амалини қилган кишининг умри ва ризқидан барака кетади;
– Қотиъур–раҳм амалини қилган киши одамларнинг кўзига ёмон кўринади;
– Қотиъур-раҳм амалини қилган кишидан одамлар узоқлашади;
– Қотиъур-раҳм амалини қилган кишининг дўсти ва хайрихоҳи камаяди;
– Қотиъур-раҳм амалини қилган киши раҳмат ва мағфиратдан узоқлашади.
Абу Ҳурайра (разияллоҳу анҳу)дан ривоят қилинган ҳадисда келишича, бир киши Набий (соллаллоҳу алайҳи васаллам) ҳузурларига келиб:
– Ё Расулаллоҳ, менинг шундай қариндошларим борки, мен улар билан алоқа қиламан, улар эса мен билан алоқани узадилар, мен уларга яхшилик қиламан, улар эса менга ёмонлик қайтарадилар, улар менга жоҳиллик қиладилар, мен эса уларга ҳалимлик, юмшоқлик қиламан, – дея нодон қариндошларидан шикоят қилди. Шунда Набий (соллаллоҳу алайҳи васаллам) шундай дедилар:
– Агар иш сен айтгандек бўлса, унда билгинки, сен уларга қайноқ чўғни едираётган экансан (яъни ҳафа бўлма, сен улардан мағлуб эмас, балки ғолиб бўлаяпсан). Зоҳирдан улар сенга зулм ўтказяптилару, аммо ютқазмоқдалар. Модомики, сен улар билан шундай муомалада экансан, доимо Аллоҳ томонидан юборилган бир ёрдамчи (фаришта) сен билан бирга бўлур.
Демак, силаи раҳм яхшиликка яхшилик билан, борди-келдига борди-келди билан жавоб қайтаришгина эмас, балки ёмонлик, жафо кўрилса ҳам қариндошларга яхшилик қилиш, эътиборсизлик қилаётган қариндошга ҳам эътибор ва таважжуҳ билан бўлар экан.
Хулоса ўрнида айтиш мумкинки, силаи раҳм мусулмон кишига фарз бўлган амалдир. Агар ҳар биримиз силаи раҳмга амал қилиб, қариндош уруғларимизнинг ҳолидан хабардор бўлсак, жамиятдаги жуда кўплаб муаммолар барҳам топади. Акс ҳолда дунёда ҳам охиратда ҳам кўп қийинчиликларга дуч келиниши мумкин, Аллоҳ сақласин! Ушбу муборак ва файзли кунларда ана шундай хайрли ишларга пешқадам бўлишни Аллоҳ насиб қилсин!
Раҳматуллоҳ ЖАЛИЛОВ,
Марғилон шаҳар “Саҳоба Зайд ибн Ҳориса” масжиди имом-хатиби
Ўзбекистон зиёрат туризми салоҳияти Индонезияда кенг тарғиб қилинмоқда
Индонезиялик таниқли кино юлдузи Оки Сетиана Деви Ўзбекистоннинг сайёҳлик салоҳиятини тарғиб қилади, деб хабар бермоқда «Дунё» АА мухбири.
Ўзбекистон зиёрат туризми салоҳиятини Индонезияда кенг тарғиб этиш мақсадида ушбу мамлакатнинг таниқли кино юлдузи Оки Сетиана Деви иштирокида 26 апрелдан эътиборан Жакарта-Тошкент йўналишида ҳаво қатнови очилиши муносабати билан мамлакатимизга 7 кунлик сайёҳат йўлланмаси учун тарғибот акцияси бошланди.
Мамлакатимизнинг зиёрат туризми манзиллари бўйлаб саёҳат қилиш учун йўлланма ҳақидаги видеоролик ва фотосурат Оки Сетиана Девининг 20,2 миллионлик кузатувчисига эга Инстаграмдаги саҳифасида эълон қилинди.
Ўзбекистон мусулмонлари идораси Матбуот хизмати
Мақолалар
