muslim.uz
Аллоҳ таоло ўлдирувчи ва қайта тирилтирувчидир (7-дарс)
Саидаҳмад домла Сайдаралиев
"Туризм фидойиси" кўкрак нишони ўз эгаларига топширилди
Сўнгги йилларда Ўзбекистонда туризм соҳасини жадал ривожлантириш бўйича Президентимиз ташаббуслари билан қатор фармон ва қарорлар имзоланди, туризм соҳаси иқтисодиётнинг стратегик тармоқларидан бири сифатида эътироф этилди. Шу аснода ҳудудларимизда туризмни ривожлантириш йўлида кўплаб ишлар амалга оширилди. “Туризм фидойиси” кўкрак нишонининг тантанали топширилиши Ўзбекистон Республикаси мустақиллигининг 30 йиллигига муносиб совға бўлди.
Мана шундай юксак эътибордан диний соҳа ходимлари ҳам назардан четта қолгани йўқ. Жумладан, Ўзбекистон мусулмонлари идораси Самарқанд вилояти вакили Зайниддин домла Эшонқулов “Туризм фидойиси” кўкрак нишони билан тақдирланди.
Зиёрат туризмини ривожлантириш, маданий мерос объектларини сақлаш ва оммалаштиришда фаол иштирок этганлиги, юртимиздан етишиб чиққан буюк алломаларимизнинг илмий меросларини яна бир бор мусулмон дунёсига талқин этиш, тарихий осори атиқалар, мадрасалар, масжидларни дунё мусулмонларига танитиш каби ишларда энг фаоллардан бўлганлиги учун вилоят бош имом-хатиби Зайниддин домла Эшонқулов ушбу эътирофга лойиқ деб топилганини алоҳида таъкидлаш лозим.
Ушбу кўкрак нишонини бош вазирнинг ўринбосари — туризм ва спорт вазири Азиз Абдуҳакимов топширди. Бундай эътироф вилоятимизда фаолият олиб бораётган соҳа ходимларининг елкасига алоҳида масъулият юклайди.
Шу муносабат билан Ўзбекистон мусулмонлари идораси Самарқанд вилояти вакиллиги жамоаси ҳамда вилоятимизда дин йўлида фидокорона хизмат қилиб келаётган барча диний соҳа ходимлари вилоят бош имом-хатиби Зайниддин домла Эшонқуловни ушбу мукофот билан муборакбод этади ва келгуси фаолиятларига зафарлар тилайди.
Мукофот муборак бўлсин!!!
ЎМИ Самарқанд вилоят вакиллиги матбуот хизмати
Аллоҳ таолонинг бандасидан розилиги аломати
Аллоҳ таолонинг бандасидан рози эканлигини билдирадиган аломатлардан бири – бу банданинг тоат-ибодатда бардавом бўлишига тавфиқ бераётганидир.
Агар киши намозларини ўз вақтида ўқишга муваффақ бўлаётган бўлса, демак мана шунинг ўзи Аллоҳнинг ундан рози эканлигининг биринчи аломатидир. Зеро, уни ибодатга муваффақ қилаётган Аллоҳ таолонинг Ўзидир.
Шунинг учун намозларини ўз вақтида ўқиётган, рўзаларини тутаётган, закотини чиқараётган киши Аллоҳ таолога унга шу амалларга муваффақ қилгани учун ҳамду сано айтмоғи лозим.
Агар киши тўхтовсиз гуноҳ қилаётган ёки тавба қилишга, истиғфор айтишга лойиқ хато ва камчиликлар қилаётган бўлса-ю, унга ҳеч қандай ёмонлик етмаётган бўлса, дарҳол гуноҳларидан тўхташи ва тавба қилиб, Аллоҳ таолонинг итоатига қайтмоғи лозим. Чунки бундай ҳолат Аллоҳ таолонинг ундан рози эмаслигининг аломати ва унга огоҳлантиришдир. Агар ўз вақтида тавба қилиб, гуноҳдан тийилмаса бир балога йўлиқиши аниқ. Чунки Аллоҳ таоло гуноҳ ишларга асло рози бўлмайди.
Ҳомиджон домла Ишматбеков,
Ўзбекистон мусулмонлари идораси
раисининг биринчи ўринбосари.
Пайғамбар алайҳиссалом даврида қурилган Ҳиндистондаги масжид очилади
Пайғамбар Муҳаммад соллаллоҳу алайҳи ва саллам ҳаётликларида қурилган масжид яқин келажакда Ҳиндистонда очилади.
Мусулмонлар масжиди Ҳиндистон ярим ороли ҳудудидаги энг қадимгиси ҳисобланади.
Тарихий маълумотларга кўра, масжид 629 йилда қурилган. Бундан бир неча йил аввал маҳаллий ҳукмдор Чераман Перумал Саудия Арабистонига ташриф буюриб, у ерда Пайғамбар Муҳаммад соллаллоҳу алайҳи ва салам билан шахсан учрашиб, исломни қабул қилган.
Ватанига қайтаётиб ҳукмдор вафот этди, аммо у билан бирга сафар қилаётган форс олими ҳамроҳи Молик ибн Динор Перумала салтанатида масжид қуришга қарор қилди. Ҳозир бу Керала штатидаги Триссур округида.
Кўп асрлар давомида бино вайрон қилинган ва қайта қурилган, аммо сўнгги йилларда давлат қайта қуриш жараёнини шахсан ўз назоратига олди. Ўша давр масжидлари архитектурасига хос камтарона қиёфа мутахассислар томонидан астойдил тикланди, бундан ташқари, масжид қошида Ислом музейи қурилди.
Ўзбекистон мусулмонлари идораси матбуот хизмати
Жиноятларнинг асоси (1-аудио)
Акмалхон домла Аҳмедов
Мақолалар
