muslim.uz
Уламолар ташрифи масжидлар жамоати ва эҳтиёжманд кишиларнинг қалбига хурсандчилик олиб кирди
Ўзбекистон мусулмонлари идораси раиси ўринбосари Иброҳимжон домла Иномовлар аср намозини Наманган туманидаги "Отавалихон" жоме масжидида шом намозини "Умарбой хожи" жоме масжидида жамоат билан адо этдилар. Намоздан сўнг маданий мерос тарихи, бу ерда қилинаётган ишлар хусусида жамоат билан суҳбатда бўлдилар. Маданий меросларимизга бўлаётган эътибор, шукроналик неъмати, юртимизда яшаб ўтган динимиз ривожи, халқимиз маърифатига ҳисса қўшиб ўтган уламолар ва уларнинг қилган ишлари хақида суҳбатлашдилар.
Наманган туманидаги бемор ва ижтимоий кўмакка мухтож оилалардан ҳабар олинди ва уларга "Вақф" хайрия жамоат фонди томонидан совғалар берилди.
***
Наманган вилоятида меҳмон бўлиб турган Ўзбекистон мусулмонлари идораси маслаҳатчиси Салоҳиддин домла бугун Наманган туманидаги "Нуртепа", “Ал-Масжидун-Набавий” ва "Турсун ача" жоме масжиди намозхонлари билан аср намозидан сўнг Аллоҳ таолонинг раҳмати, марҳати ва унга олиб борувчи омиллар ва Мўмин инсонниг сифатлари тўғрисида хусусан,бошқаларга яхшилик қилиш, ёмонлик қилишдан сақланиши, ҳатта тил билан бўлса ҳам озор бермаслик ҳақида батафсил маъруза қилиб бердилар.
Суҳбатдан сўнг ўтган уламолар ҳақларига ҳамда юртимиз тинчлиги, халқимиз фаровонлигида ҳизмат қилаётганлар ҳаққига Аллоҳ таолодан сўраб дуои хайрлар қилдилар.
ЎМИ матбуот хизмати
Гўзал хулқ
Оила-жамиятнинг энг мустаҳкам таянчи дедик. Лекин ҳамма оилалар хақида ҳам шу гапни айтиш мумкинми? У қачон шундай даражага кўтарилади? Ким уни ана шундай мақомга олиб чиқади? Қачонки оилаларда тарбия устувор вазифа деб қаралса. Бу борада, ҳеч шубҳасиз, ота-оналаримизнинг алоҳида ўрни бор. Таъбир жоиз бўлса, энг катта тарбиячи ота-оналаримиздир.
Расулуллоҳдан (соллаллоҳу алайҳи ва саллам) тарбия хақида бир қанча ҳадислар ворид бўлган. Ким уларга эргашса, улкан ютуқларга эришади: “Менга ушбу нарсаларга кафолат беринг, мен сизларга жаннат кафолатини бераман. Сўзласангиз, рост сўзланг. Ваъда қилсангиз, вафо қилинг. Омонат топширилса, сақланг. Кўзларингизни тўсинг ва қўлларингизни тийинг” (Имом Аҳмад). Ушбу ҳадиси шариф ижтимоий ва маьнавий тарбиянинг асосидир.
Пайғамбаримиз (соллаллоҳу алайҳи ва саллам) бутун ҳаётларини уммат тарбиясида ўтказганлар. Бир киши қалби қаттиқлигидан шикоят қилиб келганида, етимнинг бошини силашни буюрдилар. Насиҳат қилинг деб келган саҳобага: “Ғазаб қилма!” дедилар.
Пайғамбар бўлиб келиш сабабларидан бирини баён қилиб: “Албатта мен карамли хулқларни батамом ниҳоялаш учун юборилдим”, деб айтганлар (Имом Бухорий).
Оишадан (розийаллоҳу анҳо) у зотнинг (соллаллоҳу алайҳи ва саллам) хулқлари хақида сўралганида: “Хулқлари Қуръон эди” (Имом Аҳмад), деб жавоб берган. Яьни, Пайғамбаримиз (соллаллоҳу алайҳи ва саллам) Қуръондаги одоблар билан хулқланган эдилар.
Бу хусусда Анас (розийаллоҳу анҳу): “Аллоҳга қасамки, мен Расулуллоҳга (соллаллоҳу алайҳи ва саллам) ўн йил хизмат қилдим. Бирор нарсани қилган бўлсам, нега бундай қилдинг, деганларини ёки бирор нарсани тарк этсам, мана бундай қилсанг бўлмасмиди, деганларини эшитмадим”, деб гувоҳлик берганлар.
Расулуллоҳ (соллаллоҳу алайҳи ва саллам) Пайғамбар бўлганларидан бошлаб то вафот этгунларича одамларни тарбияга,гўзал хулққа чақирганлар. Абу Зарр (розийаллоҳу анҳу) Маккада у зотнинг (соллаллоҳу алайҳи ва саллам) даъватларини эшитиб, укасига: “Бориб қарачи, бу водий соҳиби нима демоқда?” деганлар. Укалари қайтиб келиб: “Бу водий соҳиби, яьни Муҳаммад (соллаллоҳу алайҳи ва саллам) одамларни гўзал хулққа даьват қилаётганликларини кўрдим” деб айтган.
Чиройли ахлоқнинг тури кўп. Улардан шахсга хос бўлганлари бор: ҳақда собит туриш, ширинсўзлик, ростгўйлик, ихлос, ҳилм, олийжаноблик, юмшоқлик, адолат, омонатдорлик, ва хоказо. Улардан жамиятга хослари эса ўзлари кўмаклашиши, эҳсон қилиш, вафодорлик, саҳийлик, яхшиликка буюриб, ёмонликдан қайтариш кабилардир.
Кишининг хулқи гўзал, тарбияси чиройли бўлиши комил имонли эканидан нишонадир. Чунки, Расулуллоҳ (соллаллоҳу алайҳи ва саллам): “Мўминларнинг имони энг мукаммали хулқи гўзал бўлганларидир”, деганлар (имом Термизий).
Гўзал хулқ сабабли киши Расулуллоҳга (соллаллоҳу алайҳи ва саллам) энг маҳбуб ва қиёмат куни у зотга (соллаллоҳу алайҳи ва саллам) энг яқин киши бўлади. Бу хусусда ҳадиси шарифда: “Огоҳ бўлинг, сизларнинг менга энг маҳбубингиз ва қиёмат кунида менга энг яқин ўтирадиганлариннгиз кимлигини айтайми? Хулқи гўзал бўлганларинигиздир” (Имом Байҳақий), яна бир ҳадисда Пайғамбар (соллаллоҳу алайҳи ва саллам): “Албатта, киши гўзал хулқи сабабли кундузи рўза тутувчи, кечаси ибодат қилувчи киши даражасига етади”, деб марҳамат қилганлар (Имом Абу Довуд).
“Мен хулқини гўзал қилган кимса учун жаннатнниг энг олийсидаги қасрга кафилман” (Имом Абу Довуд). Уламолар бу ҳадисни келтириб, гўзал хулқ, чиройли тарбия хақидаги ҳадислар хусусида: “Шундан бошқа ҳадис бўлмаганида ҳам кифоя қиларди”, дейишган. Қарангки, чиройли ахлоқ оҳибига шунча яхшилик, мукофотлар бор. Демак, фарзанд тарбиясига бутун куч ғайратини сарф этган ота-она, тарбиячи ва мураббийлар учун ҳам шунча савоб-мукофотлар борлигига ҳеч шубҳа йўқ.
Ота-она фарзандига фақат яхшиликни хохлайди. Ҳадиси шарифда айтилганидек, отанинг фарзандига берадиган тортиқлари ичида энг афзали тарбия ва одобдир. Фарзанд туғилганидан кейин ота зиммасига унинг моддий таьминоти билан бирга, маьнавий тарбияси ҳам вожиб бўлади. Зеро, Расулуллоҳ (соллаллоҳу алайҳи ва саллам): “Фарзандларингизни маҳкам тутингиз ва уларнинг одобларини гўзал қилингиз” (Имом Байҳақий), деганлар.
Инсон агар эзгу ғоялар асосида тарбия топаётган бўлса, у ҳамиша зулматдан қочиб, ёруғликка интилади. Ҳар қандай давлатни, жамиятни ўзидан нур таратадиган, шунингдек ана шундай нурга, ёруғликка интиладиган шахслардан ташкил топган оилалар, шундай оилаларда камол топган инсонлар таянч устун бўлиб ушлаб туради. Халқ ва миллатнинг маьнавияти, ахлоқи, эзгу аньаналари, қўйингки, унинг бор миллий бойлиги, бисоти ана шундай қалбларда макон топиб, тадқиқ этилиб, сайқалланиб, бойитилиб бошқа қалбларга, биздан кейинги авлодларга ўтади.
А.ЖУМАЕВ,
Шаҳрисабз туман бош имом-хатиби
Уламолар суҳбатидан кўнгиллар шод бўлмоқда (фотолавҳа)
Кеча, 14 июнь куни Имом Бухорий номидаги Тошкент ислом институти катта устози Муҳаммад Аюбхон домла Ҳомидов ва Тошкент шаҳар “Шайх Муҳаммад Содиқ Муҳаммад Юсуф” масжиди имом-хатиби Исмоил Муҳаммад Содиқ домлалар Наманган вилоятига сафарлари мобайнида, Чуст тумани “Мавлоно Лутфуллоҳ” масжиди ва “Катта боғ” масжиди қавмлари, мўйсафид отахонлар, кенг аҳоли вакиллари ва меҳрга ташна инсонлар билан учрашдилар.
Дастлаб, Имом Бухорий номидаги Тошкент ислом институти катта устози Муҳаммад Аюбхон домла Ҳомидов ушбу тумандаги " Мавлоно Лутфуллоҳ " жоме масжиди жамоаси билан аср намозини ўқигач, йиғилганларга юртимиздаги хайрли ишлар ҳақида маълумот бериш билан бирга, бугунги куннинг долзаб мавзулари бўйича маъруза қилди, қавмнинг саволларига жавоб берди. Мўмин-мусулмонлар ўзларини қийнаб келаётган саволларига мукаммал жавоблар олганларидан қониқиш ҳосил қилганлари ва миннатдорликларини изҳор қилдилар.
Шунингдек, Тошкент шаҳар “Шайх Муҳаммадсодиқ Муҳаммад Юсуф” масжиди имом-хатиби Исмоил Муҳаммад Содиқ домла ҳам диний-маърифий соҳада қилинаётган хайрли ишлар, янгиликлар ҳақида маълумот бериб, бугунги замоннинг муҳим масалалари бўйича, жумладан, ёшларнинг илм олиши, китобга муҳаббат қўйиши, ўз касбининг устаси бўлиб етишишида илмнинг ўрни беқиёслиги тўғрисида маърузалар қилиб бердилар.
Суҳбат якунида уламолар Ҳақ таоло юртимизга тинчлик-офият, файзу барака ва тан-сиҳатлик сўраб дуолар қилдилар.
Муҳаммад Айюбхон домла Ҳомидов ҳамда Исмоил Муҳаммад Содиқ домлалар Чуст туманидаги эҳтиёжманд аҳоли вакиллари ҳолидан хабар олиб, уларга "Вақф" фондининг моддий ёрдам пули ва озиқ-овқат маҳсулотларини ва Ўзбекистон мусулмонлари идораси ҳузуридаги "Шамсуддинхон Бобохонов" нашриёт матбаа ижодиёт уйида чоп этилган китобларни ҳадя сифатида топширдилар, хайрли дуолар қилдилар.
***
Тошкент шаҳар “Камолиддин Ориф ал-Бухорий” масжиди имом-хатиби Закариё домла Хафизуллаев Чуст тумани "Иброҳим Ҳалилуллоҳ" жоме масжидида аср намозини ўқигач, йиғилганларга тинчлик ва шукроналик, юртимиздаги хайрли ишлар ҳақида маъруза қилди, қавмнинг саволларига жавоб бердилар.
Сўнг, тумандаги ижтимоий кўмакка мухтож, бемор бўлган оилаларга “Вақф” хайрия жамоат фонданинг Наманган вилояти филиали томонидан ижтимоий ҳимояга муҳтожлар, беморлар ҳолидан хабар олиниб, уларга озиқ-овқат жамланмаси, диний-маърифий китоблар ва эҳтиёжларига кўра маиший буюмлар тақдим этилиб борилмоқда.
Ўзбекистон мусулмонлари идораси Матбуот хизмати
Алломаларимиз меросида бағрикенглик ғоялари тараннуми (5-инфографика)
Ўзбекистон мусулмонлари идораси матбуот хизмати
Муфтий ҳазрат иштирок этган хуфтон намозига минглаб намозхонлар ташриф буюрди
Аввал хабар берганимиздек, бугун Ўзбекистон мусулмонлари идораси раиси, муфтий Усмонхон Алимов ҳазратлари ҳуфтон намозини Наманган шаҳрида жойлашган “Абу Юсуф” жоме масжидида намозхонлар билан бирга-бирга адо этдилар.
Муфтий ҳазратлари ҳуфтон намозидан сўнг мавъизада бугунги кунда мўмин-мусулмонларга муҳтарам Президентимиз раҳнамоликларида жуда катта имкониятлар берилаётгани, шароитлар ҳозирланаётгани ҳақида гапириб, диний-маърифий соҳада қилинаётган ўзгаришлар, янгиланишлар ва хушхабарлар ҳақида сўзлаб бердилар.
Шунингдек, кишиларнинг диний-маърифий саводхонлигини ошириш, имон-эътиқодини мустаҳкамлаш, Ислом динининг эзгу таълимотларини тарқатиш асосий мақсад эканини таъкидладилар. бу дунёда солиҳ амалларни кўп бажариш, йўлларни обод этиш, кўприклар қуриш ва кишиларга фойдаси етадиган ишлар қилишнинг ажру савоби улуғ эканини алоҳида қайд этдилар.
Муфтий ҳазратлари мавъиза якунида, намозхонларга бугунги кунда мамлакатимизда олиб борилаётган муборак динимиз тараққиёти йўлидаги хайрли ишлар, янги-янги ижроотлар, хушхабарлар ва бундай неъматларга ҳар бир киши туну кун Парвардигорга шукрона қилиши лозимлигини айтиб, Ҳазрати Пайғамбаримиз соллаллоҳу алайҳи васалламнинг “Икки неъмат борки, кўпчилик инсонлар унинг қадрига етмайдилар. У – хотиржамлик ва сиҳат-саломатлик”, мазмунидаги ҳадиси шарифларини изоҳлаб бердилар.
Муфтий ҳазратларининг суҳбатларидан баҳраманд бўламан, дуоларини оламан, деб келган аҳоли вакиллари билан самимий, дилдан суҳбат қилдилар. “Абу Юсуф” жоме масжидига жамланган намозхонлар муфтий ҳазратларидан дилни қувонтирадиган янгиликлар ва имону ихлосни бойитадиган сўзларни тинглаб, ўз миннатдорликларини изҳор этдилар.
Наманган вилоятига ташриф давом этмоқда
ЎМИ матбуот хизмати
Мақолалар
