muslim.uz
Биз - тинчлик тарафдоримиз!
Барчамизга маълумки, мусулмонлар бир-бири билан кўришганда “ Ассалому алайкум”, яъни “Сизга тинчлик омонлик тилайман”, дея саломлашадилар. Халқимизнинг энг кўп такрорлайдиган тилаги “Илоҳо, хонадаонларимизни тинч ва осойишта, юртимизни обод қил”, дуосидир. Бундан ташқари, доно халқимиз томонидан “қўшнинг тинч-сен тинч”, “бир уруш бўлган жойдан қирқ кун барака кетади”, “тинчлигинг-ҳурлигинг”, “уруш томошабинга осон”, деган нақллар бежизга айтилмаган.
Дарҳақиқат, инсонларга тинчлик ва осойишталикдан кўра азизроқ неъмат йўқ! Юрт нотинч бўлса, тўй-томоша, хурсандчилик, ўйин-кулгу татимайди. Урушлар туфайли инсонлар ўртасида меҳр - оқибат, одамгарчилик унутилади. Бошланган хайрли ишлар ва улуғ мақсадлар ортга чекинади. Барчанинг ҳаётидан ҳузур - ҳаловат, турмушидан ором - фароғат кўтарилиб кетади.
Аллоҳ таоло бандаларини бўлар – бўлмас сабаблар билан уруш чиқаришдан, бир-бирларига қурол ўқталишдан қайтарган. Қуръони каримда шундай марҳамат қилинади:
яъни “Аллоҳ сизларни фақат дин тўғрисида сизлар билан урушган ва сизларни ўз юртингиздан (ҳайдаб) чиқарган ҳамда сизларни ҳайдаб чиқаришда бир-бирларига ёрдамлашган кимсалар билан дўстлашишингиздан қайтарур. Кимки улар билан дўстлашса, бас, ана ўшалар золим кимсалардир” ( Мумтаҳана сураси, 9-оят ).
Аслини олганда диний бағрикенглик, ўзаро тотувлик ва ҳамфикрлик ва дўстона миллий муносабатлар одамийликнинг олий намунасидир. Хабарингиз бор, қадим улуғларимиз сизу биздек - авлодларига бебаҳо туганмас улкан маънавий мерос қолдирган. Зеро, тотувликда ҳикмат кўпдир. Тинчликнинг қадрига етмоғимиз зарур.
Тарихга назар соладиган бўлсак, қанча қанча урушлар беъмани сабаблар: бойлик ва амал талашганликдан келиб чиқиб, бу эса неча-неча бегуноҳ жонларнинг умрига зомин бўлган, тараққиётни ортга суриб юборган. Ҳисоб китобларга қараганда, сўнги олти минг йил ичида ер юзида жами беш минг етти юз марта катта урушлар бўлган. Вақтлар ўтган сайин урушлар сервайрон ва серқурбон бўлиб бормоқда. Масалан, биринчи жаҳон урушида тўққиз миллион, икккинчи жаҳон урушида эса эллик миллиондан ортиқ киши нобуд бўлган. Уруш инсоният бошига фақатгина кулфатларни келтиришини мана шу мисолларда ҳам яққол кўриниб турибди.
Инчинун, тинчлик-тотувлик ва аҳилликда маъно кўп. Самовий китобларнинг бирортасида уруш асло тарғиб қилинмаган. Балки, тичлик ва омонлик ҳамда сулҳга чақирилган. Яратган ер юзида яшовчи инсонларга диний ва миллий қарашларида тенгликни раво кўрган. Исломда барча миллат ва элатларнинг тенг ҳуқуқлилиги, мукаррамлик фақат тақвода экани ҳақида Қуръони каримда шундай марҳамат қилинади: яъни “Эй инсонлар! Дарҳақиқат, Биз сизларни бир эркак (Одам) ва бир аёл ( Ҳавво)дан яратдик ҳамда бир-бирларингиз билан танишишингиз учун сизларни (турли туман) халқлар ва қабила (элат)лар қилиб қўйдик. Албатта, Аллоҳ наздида (энг азизу) мукаррамроғингиз тақводорроғингиздир. Албатта, Аллоҳ билувчи ва хабардор зотдир”.
(Ҳужурот сураси,13-оят).
Шу ўринда Президентимизнинг Бирлашган Миллатлар Ташкилотининг 75-сессиясида глобаллашув замонида ҳар томонлама пишиқ ва пухта режалар асосида, миллий ва умумбашарий қадриятларга таянган ҳолда, иш тутиш лозимлигига алоҳида урғу бериб, тотувлик ва тинчликнинг қадрига етиб, барча ишларни ҳамкорлигу ҳамжиҳатликда адо этиш ҳақида сўзлади.
Мамлакатимизда бир қанча миллату элат вакиллари аҳил, дўстона, тинчлик-тотувликда яшаб келмоқда. Биласизки, аждодларимиз ўзга дин вакилларига доим бағрикенглик билан муносабатда бўлишган. Ўз навбатида улар ҳам ўлкамизни ўз Ватани сифатида қабул қилишиб, диёримизнинг ривожланиши йўлида ўз меҳнатлари билан хизмат қилганликларига гувоҳмиз.
Ўзбекистон аҳолиси 33 миллиондан ошиб кетди. Улар орасида эса 130дан ортиқ миллат вакиллари бор. Юртимиз фуқароларнинг 94 фоиздан кўпроғи муқаддас Ислом динига эътиқод қилади. 3,5 фоиз аҳоли эса православ динига мансубдир. Аҳолининг қолган қисми бошқа динга мансуб ҳисобланади. Юртимизда кўплаб диний ташкилотлар ҳам фаолият олиб бораётганлиги озод ва обод ҳаётда яшаётган халқимиз бағрикенглигининг амалий ифодаси бўлиб ҳисобланади.
Шу кеча-кундузда Тоғли Қорабоғ масаласи кун тартибидан жой олиб, барчани ташвишга солмоқда. МДҲ раислик қилаётган Ўзбекистон Давлати Озарбайжон Республикаси ва Aрманистон Республикаси муносабатларидаги кескинликнинг ошиши жиддий ташвишда эканигини изҳор этди. Мамлакатимиз ташқи ишлар вазирилигининг баёнотида қайд этилишича, ўзаро қарама-қаршилик чоғида ҳарбий кучнинг ишлатилиши икки томондан ҳам кўплаб инсонларнинг қурбон бўлишига олиб келиши мумкин.
Ўзбекистон Мустақил Давлатлар Ҳамдўстлигида раислик қилаётган давлат сифатида МДҲ ҳудудида дўстлик, яхши қўшничилик муносабатлари ва ўзаро ишончни мустаҳкамлаш, баҳсли масалаларни халқаро ҳуқуқ нормаларига қатъий мос равишда тинч йўл билан ҳал қилинишининг муҳимлигини яна бир бор тасдиқлайди.
Мазкур ҳолат юзасидан Ташқи Ишлар вазирлиги Баёнот берар экан, жумладан, шундай дейди: “Озарбайжон Республикаси ва Aрманистон Республикасини ҳарбий ҳаракатларни тезда тўхтатишга ҳамда можарони суверенитет ва ҳудудий яхлитлик тамойилларига риоя қилган ҳолда тинч йўл билан бартараф этиш мақсадида дипломатик музокараларни бошлашга чақирамиз”.
Пайғамбаримиз (с.а.в.) “Ҳеч ким биродарига қурол ўқталмасин, чунки шайтон васваса қилиб, жаҳаннам қаърига етаклаётганини билмай қолиши мумкин”, деганлар.( Муттафоқун алайҳи ). “Мен вафот этганимдан сўнг бир-бирингизнинг бўғзига тиғ урадиган кофир бўлиб кетманглар”, дейилган. (Имом Бухорий ривояти.)
Пойтахтимизнинг Миробод туманидаги кўпгина маҳаллаларда турли миллат вакиллари бир оила аъзоларидек истиқомат қилишади. Юзга яқин миллат вакиллари жумладан, озарбойжон ва арман миллати вакиллари ҳам аҳил ва иноқ тарзда ҳаёт кечиришаётганлиги алоҳида қайд этмоғимиз зарур. Барча миллат вакиллари бир тану бир жон бўлиб, бир оиланинг вакилидек, бир бирининг ҳолидан хабар олиб, яхши - ёмон кунларида бақамти тарзда яшаб келмоқдалар.
Бу эса юртимизда ҳеч бир инсон ва миллат вакили эътибордан четда эмаслигини тўла тўкис ҳис этган тарзда уларга эмин - эркин истиқомат қилишларига шароит яратилганлигидан далолатдир.
Одил Холмуродов
Миробод тумани “Ал – Бадр” жомеъ масжиди имом хатиби
02. Дин ва шариъат нима
КЕЛИНГ ИБОДАТНИ ӮРГАНАМИЗ!
Исомиддин домла ШАМСИДДИНОВ
«Меҳр-саховат» кўкрак нишони муборак бўлсин
Хабарингиз бор жорий йил 26 августъ куни Ўзбекистон Республикаси Президентининг «Меҳр-саховат» кўкрак нишонини таъсис этиш тўғрисида”ги фармони қабул қилинган эди.
Бундай эътибор намунаси билан жаҳон миқёсида кенг тарқалиб, глобал муаммога айланган коронавирус пандемияси даврида, шунингдек, турли табиий офатлар, фавқулодда ҳолатлар туфайли эл-юртимиз бошига тушган синовли кунларда мавжуд хавф-хатарларга қарши курашда, уларнинг оқибатларини бартараф этишда мардлик ва жасорат намунасини кўрсатган инсонлар тақдирланади.
Танти ва олижаноб халқимизнинг буюк тарихий ва маънавий қадриятларини, миллий анъаналарини муносиб давом эттириб, аҳолининг ижтимоий ҳимояга муҳтож қатламини ҳар томонлама қўллаб-қувватлаш, хайрия ва саховат маблағларини тўғри ва холис йўналтириш, қийин аҳволга тушган аҳолига ўз вақтида беминнат кўмак бериш, меҳр-оқибат, саховат ва ҳиммат каби юксак фазилатларни улуғлаб келаётгани одамнинг кўнглига янада қувонч ва шукуҳ олиб келади.
Мана шундай юксак эътибордан диний соҳа ходимлари ҳам назардан четта қолгани йўқ. Жумладан, Ўзбекистон мусулмонлари идораси Самарқанд вилояти вакили ўринбосари Хайруллоҳ домла Сатторов бугунги мураккаб ва оғир шароитда жамиятда тинчлик-осойишталик, бирлик ва ўзаро ҳамжиҳатлик муҳитини мустаҳкамлашдаги фаоллиги, беғараз ҳомийлик ёрдами ҳамда эзгу ишлари билан кўпчиликка алоҳида ўрнак бўлгани «Меҳр-саховат» кўкрак нишони билан тақдирланди.
Ушбу кўкрак нишонини вилоят ҳокими ўринбосари Дилшод Мамадқулов топширди. Бундай эътироф вилоятимизда фаолият олиб бораётган соҳа ходимларининг елкасига алоҳида масъулият юклайди.
Шу муносабат билан Ўзбекистон мусулмонлари идораси Самарқанд вилояти вакиллиги жамоаси вилоят бош имом-хатиби ўринбосари Хайруллоҳ домла Сатторовни ҳамда вилоятимизда дин йўлида фидокорона хизмат қилиб келаётган барча диний соҳа ходимларини ушбу мукофот билан муборакбод этади ва келгуси фаолиятларига зафарлар тилайди.
Мукофот муборак бўлсин!!!
ЎМИ Самарқанд вилоят вакиллиги матбуот хизмати
Келинг ибодатни ӯрганамиз!
01 Муқаддима
Исомиддин домла ШАМСИДДИНОВ
Эътиқодимизни мустаҳкамлайлик
Ҳозирги кунда халқимиз, айниқса, ёшлар ҳаёти ва тарбиясига катта хавф солаётган турли ақидапараст оқимлар, тоифалар кўпайиб бормоқда. Улар динни ўзларига ниқоб қилиб олиб, ғаразли мақсадлари йўлида жамиятда бузғунчилик, бегуноҳ одамлар қонини ноҳақ тўкиш каби жиноятларни авж олдириб, кишилар тинчлигини бузиб, халқ орасида низо чиқаришга ҳаракат қилишмоқда.
Уламоларимиз китобларида ақидада адашган тоифаларга раддиялар берганлар. Жумладан, Монэъ ибн Ҳаммод Жуҳаний «Ал-мавсуъатул муяссара фил-адян ал-мазаҳиб вал-маҳзаб ал-муъасира» номли китобида ана шундай фирқалардан бири бўлмиш «Аҳмадия» жамоасининг фикр ва эътиқоди хусусида тўхталиб, қуйидагиларни ёзганлар:
«Улар ўзларини мустақил дин, мустақил шариат эгаси ва Мирзо Ғулом Аҳмаднинг йўлдошларини эса саҳобалар деб эътиқод қилишади; Улар учун «Қодиён» (Мирзо Ғулом Аҳмаднинг туғилган қишлоғи) ҳарам ҳисобланади. Уларнинг эътиқодига кўра хамр, афюн ва бошқа маст қилувчи моддаларни истеъмол қилиши ё чекиши ихтиёрийдир; Аҳмадийлар Исо (а.с.) осмонга кўтарилганини рад этади ва узоқ умр кўриб, вафот этгани ҳамда Кашмирдаги Сринагаре қабристонида кўмилганини таъкидлашади; Уларнинг ақидасига кўра, Исо 13 ёшида Ватанини тарк этиб, Ҳиндистонга келган ва таълимотини ёйган. Лаҳорийлар эса қодиёнийлардан фарқли равишда Исо (а.с.)нинг отаси Юсуф Нажжор (христианлик таълимотига кўра, биби Марямнинг қаллиғи) бўлган, деб ҳисоблашади».
Динимиз бу каби одамларни тўғри йўлдан чалғитувчи ишлардан қайтаради. Қуръони каримда марҳамат қилинади: “...Аллоҳнинг ризқидан еб-ичингиз, ер юзида бузғунчилик қилмангиз!” (Бақара, 60-оят). Айрим кимсалар Аллоҳ қайтарган ишлар, хусусан, бузғунчиликдан қайтмаяпти. Улар Аллоҳнинг буйруғига қарши чиқаётган ислом душманларидир.
Динимизда мусулмон киши бошқа бировга заррача бўлса ҳам, озор бермасликка тарғиб қилади. “Чин” мусулмонликни даъво қилаётган ғаламислар ёшларни ота-онаси, Ватани ва халқига қарши қурол кўтаришга чақиради.
Расулуллоҳ соллаллоҳу алайҳи васаллам: “Қўли ва тили билан ўзгаларга озор бермаган киши мусулмондир”, деганлар.
Исломда ҳаддан ошиш, тажовузкорлик, зўравонлик қаттиқ қораланади. Аллоҳ таоло марҳамат қилади: “Кимда-ким қасддан бир мўминни ўлдирса, унинг жазоси жаҳаннамда абадий қолишдир. Яна унга Аллоҳ ғазаб қилгай, лаънатлагай ва унга улкан азобни тайёрлаб қўйгай” (Нисо сураси 93-ояти). Оятда ноҳақ одам ўлдиришни ҳалол деган эътиқодда қотиллик қилган киши тўғрисидаги қатъий ҳукм баён этилмоқда.
Ислом олами уюшмаси ислом фиқҳи кенгаши баёнотида террорчилик қуйидагича таърифланади: “Террорчилик – бу кишилар ёки гуруҳларнинг инсон дини, жони, моли, номусига бузғунчилик билан душманлик қилишидир. Унинг доирасига қўрқитиш, азият бериш, таҳдид солиш, ноҳақ қон тўкиш, мол-мулкини тортиб олиш, йўл тўсарлик қилиш, зўравонлик каби таҳдиднинг барча турлари билан жиноий режани амалга ошириш киради. Ушбу ҳаракатларнинг мақсади кишилар орасига қўрқув, таҳлика солиш, азият бериб қўрқитиш ёки ҳаётлари, эркинликлари, омонликлари, мол-мулкларини хавф-хатарга қўйишдир. Атроф-муҳитга зарар етказиш, хусусий ёки жамоа мулкини, юртини ва табиий бойликларни хавф-хатарга қўйиш ҳам шундай жиноятлар жумласидандир”.
Аллоҳ таоло марҳамат қилади: “Ва Аллоҳ сенга берган нарса билан охиратни излагин, бу дунёдаги насибангни ҳам унутма. Аллоҳ сенга яхшилик қилганидек, сен ҳам яхшилик қил. Ер юзида бузғунчиликни излама. Албатта, Аллоҳ бузғунчиларни суймас” (Қосос сураси, 77-оят); “Фитна ўлдиришдан қаттиқроқдир...” (Бақара сураси, 217-оят). Ушбу оятда фитнанинг нақадар ёмонлиги, хаттоки бировни ноҳақ ўлдиришдан ҳам каттароқ иш эканлиги баён этилмоқда.
Аллоҳ таоло бизларни тўғри йўлда собитқадам қилсин, бузғунчиларга Ўзи кифоя қилсин!
ЎМИ Кутубхонаси мутахассиси Абдувосиев Муҳаммадносирхон
Янгиликлар
