muslim.uz
Индонезия бош имоми: “Мен Ўзбекистоннинг туризм соҳаси бўйича Индонезиядаги вакили бўлишга тайёрман”
Бугун, 7 декабрь куни Индонезиянинг Жакарта шаҳридаги “Истиқлол” жоме масжиди имом-хатиби Насаруддин Умар бошчилигидаги делегация диний идорага ташриф буюрди. Меҳмонларни Дин ишлари бўйича қўмита раиси Ортиқбек Юсупов, Туризмни ривожлантириш давлат қўмитаси раиси Азиз Абдуҳакимов ва Ўзбекистон мусулмонлари идораси раиси, муфтий Усмонхон Алимов ҳазратлари қабул қилдилар.
Дастлаб О.Юсупов Ўзбекистонда дин соҳасида амалга оширилаётган ишлар, муҳтарам Президентимиз ташаббуслари билан Ўзбекистонда Ислом цивилизацияси маркази, Самарқандда Имом Бухорий халқаро илмий тадқиқот маркази ташкил этилаётгани, ихтисослашган илмий мактаблар ўз фаолиятини бошлагани ҳақида сўзлаб берди. У ўз сўзида зиёрат туризмини ривожлантириш бўйича қилинаётган саъй-ҳаракатлар тўғрисида алоҳида тўхталиб, индонезияликларни руҳий озуқа оладиган ва инсон қалби ором топиб, маънавий юксалишига хизмат қиладиган табаррук қадамжоларимизни зиёрат қилишга таклиф этди.
Мулоқотда муфтий Усмонхон Алимов ҳазратлари сўз олиб, Ўзбекистон ва Индонезия ўртасидаги ҳамкорлик кўп йиллардан давом этиб келаётганини билдирдилар. Индонезия давлатининг собиқ президенти жаноб Сухарто 1989-1996 йиллар оралиғида бир неча бор юртимизга ташриф буюргани, хусусан, Самарқанд вилоятига сафарини Имом Бухорий ҳоки поки қўним топган масканга юксак эҳтиром кўрсатиш билан бошлаганини муфтий ҳазратлари алоҳида эҳтимом билан эсга олдилар.
Учрашувда Туризмни ривожлантириш давлат қўмитаси раиси А.Абдуҳакимов сўз олиб, Президентимиз ташаббуси билан сайёҳлик соҳасига катта эътибор қаратилаётгани, Индонезия билан туризм йўналишида жуда катта ишлар режалаштирилгани ҳақида сўзлади. Бу борада барча чора-тадбирларни уюштириш, чартер рейсларни ташкил этиш ва виза тартибларини соддалаштириш борасида Ўзбекистон томони тайёр эканини А.Абдуҳакимов маълум қилди.
Шундан сўнг, мартабали меҳмон Насаруддин Умар жаноблари ўзининг фикр-мулоҳазаларини қуйидагича баён қилди:
– Мен Жакарта шаҳридаги “Истиқлол” жоме масжиди имом-хатиби ҳисобланаман. Ушбу масжид имом-хатиби мамлакат Президенти томонидан тайинланади ва у барча Индонезиядаги масжидлар фаолиятини мувофиқлаштиради. Биз Ўзбекистондаги зиёратгоҳларни кўриб ҳайратландик ва юқоридаги гаплардан илҳомланиб, албатта, мен Индонезиядаги Ўзбекистоннинг туризм соҳаси бўйича вакили бўлишга тайёрман.
Бизда умра сафарлари айни пайтда Туркия орқали амалга оширилади. Зиёратчилар ушбу мамлакатда уч кун бўлишида. Агар юртингизни Туркия билан қиёслаш мумкин бўлса, мамлакатингизда жуда ҳам катта зиёрат туризми учун имконият бор. Айниқса, тарихий обидалар, осори атиқалар ва тарихий воқеаларнинг адоғи йўқ, – деди жаноб Насаруддин Умар.
Мартабали меҳмон сўзида давом этиб, Индонезия давлатидан бир ойда 300 минг зиёратчи Туркия орқали умра сафарига бориши, агар улар мамлакатимиздаги табаррук жойлар тўғрисида хабар топишса, албатта, ҳеч иккиланмай Ўзбекистонни танлашларини таъкидлади.
Мулоқот давомида зиёрат туризмини ривожлантириш учун Жакарта–Тошкент йўналишида тўғридан-тўғри рейс очиш, сайёҳлик визаси беришни жорий этиш, Ўзбекистоннинг туризм салоҳиятини билдирадиган ихчам ва лўнда шиор танлаш, тажрибали мутахассислар иш услубидан фойдаланиш жуда катта натижа бериши алоҳида қайд этилди.
Ташриф самимий ва дўстона руҳда ўтди.
Ўзбекистон мусулмонлари идораси
Матбуот хизмати
Имам-хатибы проводят встречи в органах ЗАГСа
В Самаркандской области проводится большое количество встреч, чтобы сформировать у молодых людей серьезное отношение к семье, понимание важности прочных семейных уз. Встречи проводятся с молодыми супружескими парами в органах ЗАГСА (записи актов гражданского состояния), которые становятся все более эффективными.
В ходе встречи, проведенной 5 декабря, говорилось о святости семейных уз, об ответственности и задачах мужа и жены. После этого, основное внимание было уделено к опросу мнения молодого поколения о новом этапе в их жизни. В ходе дискуссии, проведенной в форме вопросов и ответов, молодые люди выразили свои взгляды и мысли по обсуждаемой тематике. Следует отметить, что большинство участников встречи подчеркнули, что не хотят помпезности в свадебных мероприятиях и по возможности намерены облегчить ношу своих родителей. Конечно, в этом сыграло свою положительную роль, проведенные имам-хатибами встречи на местах. Ибо, в Коране сказано: «Помните! Действительно, напоминание принесет пользу верующим». (Сура аль-Вакиа, 55).
Одной из особенностей этой встречи в органах ЗАГСА Булунгурского района является тот факт, что в ходе мероприятия учащиеся колледжа показали театральное представление об отношениях невесты со своей свекровью.
Пресс-служба представительства УМУ в Самаркандской области
Имам-Хатиб: неправильное использование телефона приводит к семейным разводам
6 декабря главный имам Ташкентской области Хайрулло домла Турматов принял участие в беседе с членами семьи, активистами махалли, преподавателями и наставниками, учащимися-студентами в Аккурганском районе по теме «Благополучная семья – дворец счастья».
В мероприятии Хайрулло Турматов говорил о важности почитания родителей и женщин, семейных обязанностях мужчины в семье, о роли доброты и милосердия в достижении семейного счастья, о соблюдении этикета в одежде и разговоре с другими лицами, о предупреждении преступности, о неправильном использовании Интернета, в частности, телефонов, которые зачастую приводят к семейным разводам и становятся почвой безнравственных поступков.
Присутствующие отметили актуальность организации таких мероприятий.
По итогам мероприятия главный имам-хатиб области подарил для использования широкой общественности различные книги по научной, общественно-политической, нравственно-воспитательной направленности. В частности, книгу председателя Управления мусульман Узбекистана, муфтия Усмонхона Алимова “Оилада фарзанд тарбияси” («Воспитание детей в семье»).
Пресс-служба Управления мусульман Узбекистана
Уйқуга ётишдан аввал кўрпа қоқишнинг ҳикмати нимада?
Пайғамбаримиз Муҳаммад соллаллоҳу алайҳи ва салламнинг суннатлари руҳий ва маънавий озуқа манбаи бўлиши билан бирга, унда дунёнинг кашф этилмаган кўпдан-кўп сир-синоатлари ҳам мужассамдир.
Фан-техника жадал ривожланиб бораётган бугунги асрда бошқа динга мансуб айрим замонавий олимлар, тадқиқотчилар Қуръоннинг илоҳий мўъжизаларидан ҳайратга тушаётгани ҳам сир эмас. Бунга юзлаб мисолларни келтириш мумкин.
Яқинда ғарб олимлари ана шундай суннатлардан бирининг илмий жиҳатдан исбот қилдилар. Инсон уйқуга ётганда унинг танасидаги айрим ҳужайралар ўлиб, кўрпага тўкилар экан. Ушбу ўлик ҳужайраларни кўз билан кўриш мумкин эмаслигидан кўпчилик бунга эътибор бермайди. Эртасига уйқуга кетганда яна ўлик ҳужайралар тўкилиб, аввалгилари билан бирлашиб, танага ёпишади. Шу сабаб билан инсонда ҳар хил касалликлар пайдо бўлади.
Олимлар ушбу ҳолатнинг олдини олиш чораларини қидирдилар. Аввалига, кўрпажилдни кир ювиш кукуни билан ювдилар. Бу фойда бермагач, турли тозаловчи воситаларни ҳам қўллаб кўрдилар. Аммо ҳужайраларни кетказишнинг сира имкони бўлмади. Олимлардан бири кўрпани қўл билан қоқишни таклиф қилди. Шундан сўнгина ўлик ҳужайралар кўрпажилдни тарк этди.
Энг ҳайратланарли жиҳати, бундан 14 аср илгари Пайғамбаримиз соллаллоҳу алайҳи васаллам бизларга ушбу амални таълим берган эдилар. Қарангки, унинг илмий исботи энди маълум бўлди.
Абу Ҳурайра (р.а.) дан ривоят қилинади. Расулуллоҳ соллаллоҳу алайҳи васаллам: “Киши тўшакка ётаётганида кўрпа ва изорини қоқиб ташласин. Чунки унинг орасида нима борлигини билмайди” дедилар (Бухорий ва Муслим ривоятлари).
Равшан ДОНИЕВ
тайёрлади.
Конституция – тинчлик омили, адолат устунидир
Тарихга назар ташласак кўрамизки, ҳар қандай ривожланган жамият борки, албатта, ўзининг бирламчи қонунларини жорий қилиб, унинг устуворлигини таъминлаган. Айнан ана шу қонунлар устуворлиги уларнинг ривожланишида асосий омил бўлиб хизмат қилган.
Ўзбекистон Республикаси мустақилликка эришгандан бошлаб ўзининг Конституциясини шакллантириб борди ва 1992 йилнинг 8 декабрь санасида асосий қонун ва эркинликлар, ҳуқуқ ва вазифалар жамланмаси бўлган «Ўзбекистон Республикаси Конституцияси» қабул қилинди.
Ўзбекистон Республикасининг Биринчи Президенти Ислом Абдуғаниевич Каримов бошчилигида бир неча йиллар давомида ривожланган давлатларнинг амалдаги Конституциялари ўрганилди ва миллий ва диний қадриятларимизга зид келмайдиган, халқимизнинг урф-одатлари ва менталитетига мос бўлган жиҳатлари сараланиб, мувофиқлаштирилган ҳолда қонунга киритилди. Халқимизнинг аксари мусулмонлардан иборат экани ва уларнинг диний расм-русумларга, фиқҳий аҳкомларга сидқи дилдан риоя этишлари инобатга олиниб, Ислом фиқҳида мўътабар манбалардан бири бўлган «Ҳидоя» асаридан ҳам маълумотлар ўрганилиб, Конституциямиз таркибидаги қонун ва ҳуқуқлар жамланмасида ўз аксини топди.
Албатта, Конституция бекорга бундай машаққат билан, игна билан ер ковлагандек даражада синчковлик билан ўрганилиб, сўнгра қабул қилинмади. Зеро, халқнинг фаровонлиги-ю жамиятнинг ривожланиши, барчаси мустаҳкам қонуннинг, ҳуқуқий етукликнинг натижасида юзага келади. Шунинг учун ҳам қонун устуворлиги биринчи ўринда таъминланиши шарт ва лозимдир.
Ана шундай машаққатли йўл натижаси ўлароқ шакллантирилган Конституциямиз қабул қилинган сана – 8 декабрни 25 йилдан буён халқимиз хуш кайфиятда кутиб олади ва байрам қилади. Ҳукуматимиз бу санани дам олиш куни деб эълон қилган, сайилгоҳлар, боғлар ва хиёбонлар байрам безаклари билан безатилиб халқимизга байрам шукуҳини тақдим қилишга тайёрланади. Барча муассасаларда тадбирлар, байрам дастурхонлари ёзилади.
Буларнинг барчаси юртимизда тинчлик ва адолат ҳукм сураётганининг натижасидир. Бунда эса Конституциямиз муҳим аҳамият касб этади. Зеро, Конституция – тинчлик асоси, адолат устунидир.
Ажинияз ЖИЕМУРАТОВ,
Тошкент ислом институти талабаси
Янгиликлар
