Cавол:  Жума намозига келган одам таҳиятул масжид намозини қай маҳал ўқийди?

Жавоб: Бизнинг мазҳабимизда масжидга кирганида ўтирмасдан олдин икки ракат таҳиятул масжид намозини ўқиш нафл ибодатдир. Аммо масжидда фарз намозини ўқиган киши айни пайтда таҳиятул масжидни ҳам адо этган ҳисобланади. Жума куни масжидга келган одам таҳиятул масжидни ўқимоқчи бўлса, имом хутба ўқиш учун минбарга чиқишидан олдин ўқиб олиши керак. Хутба бошланганидан сўнг нафл намози ўқиш макруҳ (“Фатовойи Ҳиндия”).

“Ҳидоят” журналидан

Австрия пойтахти Венада жойлашган Абу Ханифа номидаги Ислом маркази ташкил этган “Пайғамбар Муҳаммад соллаллоҳу алайҳи васаллам ҳақида билмоқчимисиз?” рукни остидаги кўргазамани мамлакат аҳолиси катта қизиқиш билан қарши олди. Бу ҳақда “islamosfera.ru” нашри хабар берди.

Аввалроқ олти мамлакат, 23 шаҳарда бўлган мазкур кўргазамага 50 мингдан ортиқ одам ташриф буюрган. Ушбу кўргазмада ташриф буюрувчилар Набий алайҳиссаломга тегишли бўлган турли буюмлар, ўша даврга мансуб бўлган тангалар ва намойиш этилаётган бошқа қизиқарли экспонатлардан баҳраманд бўлишган.

Абу Ханифа Ислом маркази раҳбари Фуад Ферхатбегович айтишича, ушбу тадбирни ўтказишдан кўзланган асосий мақсад европаликлар орасидаги Ислом борасидаги хурофотларга қарши курашишан иборатдир.

ЎМИ Матбуот хизмати

Қозоғистон Республикаси ўзининг табиати, иқлимининг турфа хиллиги билан ажралиб туради.

Мамлакатнинг ғарбида Каспий денгизи кўрфазида жойлашган Мангқишлоқ иқлими оғир бўлганига қарамай азал-азалдан Ислом дини тарғиботчиларининг севимли маскани бўлган.

Хусусан, бу ерда Аҳмад Яссавий тариқати кенг ёйилган бўлиб, кўплаб муридлар Устози каби ер остида ибодат қилишни одат қилишган. Шу сабабли бўлса керак, Мангқишлоқдаги аксарият масжидлар ер остида қурилган.

Ушбу масжидларни қуйидаги фотосуратларда кўришингиз мумкин.

ЎМИ Матбуот хизмати

Ўзбекистонда диний анъаналар ва урф-одатларни инобатга олувчи меҳмонхоналар тармоғи, яъни зиёрат-меҳмонхоналари бўлиши керак. Туризмни ривожлантириш давлат қўмитаси раиси Азиз Абдуҳакимов VisitUzbekistan журналига берган интервьюсида шу ҳақида маълум қилди.

"Яқин келажакда зиёрат туризми Ўзбекистоннинг ҳам ички, ҳам ташқи туризмида энг талабгор йўналишлардан бирига айланиши мумкин, - дейди Қўмита раиси. - Бироқ аэропортларда, темир йўл ва автовокзалларда, шунингдек меҳмонхоналарда сайёҳлар учун қулай шарт-шароитлар яратиш йўлида қиладиган ишларимиз ҳали кўп. Бу зиёратчилар ташриф буюрадиган жойларда таҳорат ва ибодат хоналарини яратишни кўзда тутади.

Ўзбекистонда диний анъаналар ва урф-одатларни инобатга олувчи меҳмонхоналар тармоғи, яъни зиёрат-меҳмонхоналари бўлиши керак. Умумий овқатланиш жойлари учун “Ҳалол” ва “Кошер” стандартлари бўйича туристик саноат объектларини сертификатлаш тизимини жорий қилиш кўзда тутилмоқда”, - дейди Азиз Абдуҳакимов.

Унинг сўзларига кўра, Туркия фуқаролари учун визасиз режимнинг ўрнатилиши яқин 2-3 йилда Ўзбекистонга ташриф буюрувчи туркиялик сайёҳлар сонини камида 3-4 бараварга (йилига 100-150 минг кишигача) ошириши кутилмоқда.

Бундан аввал, Ражаб Тоййиб Эрдўған бошчилигидаги Туркия делегациясининг Ўзбекистонга ташрифи давомида Туризмни ривожлантириш давлат қўмитаси раиси туркиялик ҳамкасблари билан зиёрат туризмини ривожлантиришга доир меморандумни имзолагани ҳақида хабар берилган эди.

ЎМИ матбуот хизмати

Шу йилнинг 7 май куни Бухоро шаҳар аёл-қизлар ўртасида “Жўйбори Калон” аёл-қизлар ўрта махсус ислом билим юртида “Ҳадиси шариф билимдони” танлови бўлиб ўтди.

Танловда  билим юрти талабалари ҳамда ҳадис илмига қизиқиши бўлган 32 нафар аёл-қизлар иштирок этдилар.

Бу мусобақада илм толибалари ҳадиси шарифни қанчалик севиши, Пайғамбаримизни суннатларига қай тарзда амал қилишлари, ҳадиснинг қадрига, бу илм тарихини қанчалик билишларига, хуллас, ўзларининг иқтидору-салоҳиятларини, зукколигу ҳозиржавобликларини намойиш қилишлари сарҳисоби бўлди.

Шартлар натижалари бўйича ҳакамлар ҳайъати аъзолари баҳолаш жараёнида одилона йўл тутган ҳолда билим юрти иштирокчилардан 4-курс талабаси Мавлуда Шаропова ўрин, Рисолат Кадиркулова иккинчи ўринни, Малика Бақоева иккинчи ўринни, Моҳинур Фармонова учинчи ўринни эгаллашди.

Ҳадис илмига қизиқиши бўлган 14 ёшдан 30 ёшгача бўлган аёл-қизлар  ўртасидан Ойдиной Ҳақназарова биринчи ўринни,  Наргиза Ҳакимова иккинчи ўринни эгаллади.

Биринчи ўринларга муносиб деб топилган талабалар Республика босқичига йўлланмани қўлга киритишди.

Тадбир ғолибалари ва иштирокчилари билим юрти маъмурияти томонидан  фахрий ёрлиқ ва қимматбаҳо совғалар билан тақдирланди.