Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган. 

Ушбу тўрт нарса биз учун яхшироқ ва боқийроқдир:

1. Субҳаналлоҳ.
2. Алҳамдулиллаҳ.
3. Лаа илаҳа иллаллоҳ.
4. Аллоҳу акбар.

“Ховатир роқия журнали”

*****

Қабрдаги ҳамроҳимиз 

Твиттерда 3000 та “друзянг” бор.

Телеграмда 400 та “танишинг” бор.

Однода 50 та “суҳбатдошинг” бор.

Фейсбукда 5000 та “дўстинг” бор.

Уйингда 10 та оила аъзоларинг бор.

Тўйга борганингда 200 та қариндошинг билан кўришасан.

Қийинчиликка тушиб қолганингда ҳам 2 та дўстинг ёнингда бўлади.

Аммо ҚАБРда бир ўзинг бўласан. Ҳайрон бўлма! Бу ҳаёт!

Эй Аллоҳим, солиҳ амалларимизни қабримизда бизларга ҳамроҳ қил!

*****

Эй Роббим! Об-ҳавони бир ҳолдан бошқа ҳолга ўзгартирганингдек, дуоларимизни орзудан ҳақиқатга ўзгартир (дуоларимизни ижобат қил)!

“Фикр дурдоналари”

*****

Динимизни тутсак, диний илмларимизни яхшиласак, дунёвий илмлар ҳам кўтарилади. Қоида шу!

Шайх Муҳаммад Содиқ Муҳаммад Юсуф раҳимаҳуллоҳ

*****

Шайх Шаъровий раҳимаҳуллоҳ айтадилар: “Уйда кийимларимни ўзим ювиб, овқатимни ўзим пишираман. Ўз-ўзимга хизмат қилишга одатланганман”.

“Биз танимайдиган Шаъровий” китобидан

*****

Хотиржам ҳолда ейиладиган бир бурда нон безовта бўлиб, хавотирли ҳолда ейиладиган катта зиёфатдан яхшироқдир.

“Тарих муҳрлаган сўзлар”

*****

Ҳақиқий бойлик - қаноатдир!

Қаноат - ишламай ўтириш эмас, балки ҳалол меҳнат қилиб, унинг натижасига кўнишдир.

Интернет материалларидан тўплаб, таржима қилувчи

Нозимжон Иминжонов

Бугун, 11 декабрь куни Ўзбекистон мусулмонлари идораси раиси, муфтий Усмонхон Алимов ҳазратлари ва Дин ишлари бўйича қўмита раиси Абдуғофур Аҳмедов Навоий вилоятида бўлдилар.
Барча вилоятлар каби Навоий вилоятининг ҳам ўзи хос жиҳатлари мавжуд. Буюк мутафаккир Алишер Навоий номи билан аталувчи ушбу энг кенжа вилоят ҳудуди жиҳатидан энг катта бўлиб, аҳолисининг кўп миллатлилиги билан алоҳида ажралиб туради.
Муҳтарам Президентимиз 2017 йили Навоий вилоятига ташрифи чоғида Нурота туманидаги «Чашма» зиёратгоҳи атрофини кенгайтириш ва ободонлаштириш юзасидан кўрсатмалар берган эди.
Ўтган йили бу ишлар амалга оширилиб, зиёратгоҳ ҳудуди ўзгача чирой очди. Эллик ўринли «Нурота» меҳмонхонаси фойдаланишга топширилди. Манзарали бута ва дарахтлар экилиб, фаввора бунёд этилди. Эндиликда «Чилустун» ва «Панжвақта» масжидлари, Абул Ҳасан Нурий мақбарасини таъмирлаш ишлари давом эттирилмоқда.
Муфтий ҳазратлари ташрифларининг аввалида вилоятда истиқомат қилаётган боқувчисини йўқотган, кам таъминланган оилалар ҳолидан хабар олиш бўлди, улар билан суҳбат қилинди. Ўксик қалбларга ҳам моддий, ҳам маънавий кўмак кўрсатилди.
Шунингдек, “Вақф” фонди томонидан ногиронлиги туфайли тўшакка михланиб қолган инсонларга ногиронлик аравачалари, эҳтиёжманд оилаларга озиқ-овқат маҳсулотлари ва кийим-кечаклар тақдим этилди.
Мана шундай хайрия ишлари орқали шундай инсонларнинг синиқ кўнгилларини кўтариб, дилларига мамнунлик улашиш ҳар бир виждонли инсон учун ҳузурбахш амаллардан ҳисобланади.

Ўзбекистон мусулмонлари идораси Матбуот хизмати

- Қуръонни ёд олдингми?

- Йўқ.

- Ибн Молик раҳимаҳуллоҳнинг араб тилига оид “Алфийя” номли назмий услубдаги китобини ёд олдингми?

- Йўқ.

- Суютий раҳимаҳуллоҳ ёки Ироқий раҳимаҳуллоҳнинг ҳадис илмига оид “Алфийя” номли назм услубида ёзилган китобини ёд олганмисан?

- Йўқ.

- Имом Жазарий раҳимаҳуллоҳнинг тажвид илмига оид назм услубида ёзилган “Матнул Жазарийя”сини ёдладингми?

- Йўқ.

- Фароиз илмига оид “Роҳбийя” номли китобни ёд олдингми?

- Йўқ.

- Ақидага оид “Жавҳаратут Тавҳид” ёки “Бадул омолий” китобларини ёд олганмисан?

- Йўқ.

- Мусталаҳул ҳадисга оид “Байқунийя” манзумасини ёд олганмисан?

- Йўқ.

- Мантиқ илмига оид “Ас-сулламул мунаврақ” манзумасини ёдлаганмисан?

- Йўқ.

- Фиқҳга оид бирорта китобни пухта ўргандингми?

- Йўқ.

- Наҳвга оид бирор китобни пишиқ ўргандингми?

- Йўқ.

- Балоғатга оид бирорта китобни яхшилаб ўзлаштирдингми?

- Йўқ.

- Усулул фиқҳга оид бирор асарни қунт билан ўргандингми?

- Йўқ.

- Ҳадис илмига оид бирор китобни пухта ўргандингми?

- Йўқ.

- Ақидага оид бирорта китобни чуқур ўргандингми?

- Йўқ.

- Тафсирга оид бирорта китобни чуқур ўргандингми?

- Йўқ.

- Мантиқ илмига оид бирор китобни қунт билан ўқидингми?

- Йўқ.

- Шу ҳолингда ўзингни “Толиби илмман” дейсан.

Маълумки, Қуръони Карим нозил бўлганидан бери хотираларда ёд олиб келинади. Аллоҳ таолонинг Ўзи Қуръонни ёдлашни, эслашни осон қилиб қўйганини эълон қилиб, шундай марҳамат қилган:

 وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ

“Дарҳақиқат, Биз Қуръонни зикр учун осон қилдик. Бас, зикр қилувчи борми?!” (Қамар сураси, 22-оят).

Қуръони Каримдан кейин зикр қилинган китоблар толиби илмлар ёдлаб олиши осон бўлиши учун шеърий услубда ёзилган. Олдинги толиби илмлар мазкур китобларнинг ҳаммасини ёд олиб, илмда пешқадам бўлишган. Бугунги кундаги толиби илмларимиз орасида бу китобларнинг баъзисини ёд олиб бораётганлари ҳам йўқ эмас.

Уламоларимиздан бирлари шундай дейдилар: “Фейсбук вақтингни олади, аммо сенга тўлақонли илм бермайди. Сен вақтингни оладиган нарсани қўйгин-да, илм ўрганишга чуқурроқ кириш. Чунки умр дақиқалари булут каби тўхтовсиз ўтиб бормоқда. Унутма, вақт кескир қилич кабидир. Агар сен уни кесмасанг, яъни ундан фойдаланиб қолмасанг, у сени кесади”.

Аллоҳ таоло барчамизга фойдали илм берсин ва илмига амал қилувчилардан қилсин!

Интернет маълумотлари асосида Нозимжон Ҳошимжон тайёрлади

Мусулмон меъморлигидаги энг яхши давр Амир Темур ва унинг авлодлари номи билан боглиқ. Темурийлар даврида қурилиш ишлари, меъморчилик мисли кўрилмаган даражада ривожланган. Амир Темур буюк иморатлар, масжид ва мақбаралар, улкан боғу-роғлар, сув иншоотлари барпо этганлиги билан ҳам машхур.Темур ва унинг авлодлари даврида Самарқанд, Тошкент, Бухоро, Шахрисабз, Қарши, Туркистон, Ҳирот, Машҳад, Нишопур, Қобул ва бошқа шаҳарларда буюк яратувчилик ишлари олиб борилганди. Албатта, Амир Темур биринчи навбатда ўз пойтахти Самарқандни дунёнинг энг гўзал ва обод, кўркам шаҳрига айлантиришни истар эди. Уни даврида Самарқанднинг довруғи достон бўлади. Шаҳарнинг тўрт томонида тўртта дарвозаси бўлган.Самарқанднинг ўзида соҳибқирон ҳукмронлиги даврида 80 га яқин ҳаммом, катта 5 та бозор бўлган. Хукмдор пойтахти атрофини  боғларга айлантирган. Бундан ташқари Шаҳрисабздаги “Оқ сарой” ўз даврининг энг муҳташам, бетакрор, мураккаб меъморий ечимга эга иншооти булган. Орадан бир неча юз йилликлар ўтган бўлсада Амир Темур ва Темурийлар бунёд этган иншоотлар ўз маҳобати ва гўзаллиги билан жаҳон меъморлигининг асл дурдоналаридан бири бўлиб турибди.

Қуйида Темурийлар томонидан бунёд этилган баъзи иншоотларни эътиборингизга ҳавола  этамиз

Жоме масжиди (Бибихоним номи билан аталувчи масжид)

(“Шоҳизинда”—«тирик шоҳ» маъносини беради).«Шоҳизинда» ансамблида Темур ва темурийлар қурдирган мақбараларнинг сони 20 дан ошади.

«Гури Амир Мақбараси» Соҳибқирон шу ерга дафн этилган. Ана шундан сунг ушбу обида темурийлар сулоласининг хилхонасига айланади. Унда Амир Темурдан ташқари соҳибқироннинг ўғиллари Умаршайҳ Шохруҳ ва Мироншоҳ, набираси Мирзо Улуғбек ва Амир Темурнинг пири Саййид Бараканинг ҳам сағаналари бор.

“Занги ота” мақбараси

“Сузук ота “ мажмуасидаги қадимги масжид

“Шайхонтоҳур мақбараси”

Мақола ва расмлар муаллифи Шаҳзод Шомансуров