Жобир домла ЭЛОВ,
Бухоро вилояти бош имом-хатиби

“Сизлардан вафот этиб, хотинларини қолдирган бўлсалар, (бева хотинлари) тўрт ою ўн кун ўзларини кузатиб (идда сақлаб ўтирадилар)...” (Бақара сураси, 234-оят). Иддага оид масалалар Қуръони каримнинг Талоқ ва Бақара сураларида батафсил баён этилган.

АҚШлик олимлар Қуръони каримда аёл киши идда сақлаши лозимлиги ҳақидаги мазкур оятлар ҳикматини тадқиқ этдилар.

Унга кўра, агар аёл эридан ажраганидан сўнг ана шу уч ой вақт ичида бошқа турмуш қилса, бу аёлнинг иммунитет тизимига салбий таъсир кўрсатади. Бу унинг танасида

саратон ўсмасини пайдо қилиши мумкин экан. Бир неча бор қайта-қайта турмуш қуриш эса аёлларда кўкрак ва тухумдон саратонини келтириб чиқариши ҳам аниқланди. Шунингдек, аёл кишининг яқинликдан кейин тўлиқ

покланиши ҳам шу уч ҳайз кўриш муддатига тенглиги маълум бўлди.

Тадқиқотлар дастлаб мусулмонлар яшайдиган ҳудудда, кейин эса номусулмонлар яшайдиган ҳудудда олиб борилди. Бу жараёнда олимлар муслима бўлмаган аёлларда бир вақтнинг ўзида бир неча эркакнинг турли хромосомалари борлигини аниқлади. Муслималар эса Ер юзидаги энг пок аёллар экани маълум бўлди.

Аслида, бу жаҳон эмбриологиясида биринчи учраган ҳодиса эмас. Канадалик машҳур олим, анатомия ва эмбриология соҳаси бўйича мутахассис Кейт Мур: “Агар 20 йил олдин Қуръони каримни билганимда Нобель мукофотини олар эдим”, деган эди.

Эмбрионнинг ривожланишини ўрганган олимлар эмбрион ҳосил бўлиши бир ярим минг йил олдин Қуръони каримда қанчалик аниқлик билан баён этилганига гувоҳ бўлди. Кашфиётлар натижасини Мур янги китобига жамлаб, уни “Инсон эмбриологияси исломий қўшимчалар билан” деб атади.

Маълумки, кўплаб олимлар йиллар давомида тадқиқ этиб, ечимини топган масалалар Қуръони каримда баён этилганидан ҳайратга тушдилар.

Дамин ЖУМАҚУЛ тайёрлади.

Хомиджон домла Ишматбеков, Ўзбекистон мусулмонлари идораси раисининг биринчи ўринбосари

Саудия Aрабистони пойтахти Aр-Риёд шаҳри 2030 йилги Бутунжаҳон кўргазмасини ўтказиш учун танланди, деб хабар берди Aл-Aрабия телеканали.

Тадбир ташкилотчиси – Халқаро кўргазмалар бюроси Парижда овоз беришда 119 давлат вакиллари Aр-Риёдни ёқлаб овоз берди, унинг рақиблари Сеул ва Рим эса мос равишда 29 та ва 17 та овоз олди.

САП ташқи ишлари вазири, шаҳзода Файсал бин Фархон ўз мамлакати номзодини қўллаб-қувватлаган давлатларга миннатдорчилик билдирди.
Саудия Aрабистони ўз салоҳиятини бутун дунёга намойиш этиш ва туризм, бизнес ва сармояни ўзига жалб этиш мақсадида “World Expo 2030” ва бошқа жаҳонга машҳур халқаро тадбирларни ўтказишга эришиш учун кўп меҳнат қилди.

Aввалги Бутунжаҳон кўргазмаси 2021 – 22 йилларда Дубайда бўлиб ўтган эди.

Ўзбекистон мусулмонлари идораси
Матбуот хизмати

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Кечаси бедор бўлиб, уни ибодат ила ўтказишни «қиёмул лайл» дейилади. Бу иш жуда ҳам фазилатли ҳисобланади. «Қиёмул лайл» ила машғул бўлган кишиларни Аллоҳтаоло ҳам, Расулуллоҳ соллаллоҳу алайҳи васаллам ҳам мадҳ қилганлар.
Аллоҳ таоло Сажда сурасида марҳамат қилади:
«Ёнбошлари ётар жойдан йироқ бўлур» (16-оят).
Тақводор мўмин бандалар тунда бедор бўлиб, иссиқ жойини тарк этиб ибодат қиладилар.
Тунлари уйғониб, намоз ўқишнинг фазилатлари жуда кўп. Бу иш олий мақомга эришган ҳар бир азизнинг ишидир. Пайғамбаримиз соллаллоҳу алайҳи васаллам ўзлари бу амални қилганлар ва умматларини ҳам шунга тарғиб этганлар.
Абу Умома розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Кечанинг қиёмини лозим тутинг. Чунки у сизлардан олдинги солиҳларнинг одатидир. У Роббингизга қурбатдир. У ёмонликларга каффоротдир. У гуноҳларни қайтарувчидир», дедилар».
Бошқа бир ривоятда:
«У жасаддан дардни қувувчидир», дейилган.
Термизий, Аҳмад ва Ҳоким ривоят қилишган.
Ҳасан Басрий раҳматуллоҳи алайҳ: «Ибодатларнинг ичида тунги намоз каби кучлисини кўрмадим», деган.
У кишидан: «Нима учун одамларнинг ичида таҳажжуд ўқувчиларнинг юзлари энг чиройли бўлади?» деб сўрашганида: «Чунки улар Роҳман ила холи қолишган ва У Зот уларга Ўз нуридан кийдирган», деган экан.

«Руҳий тарбия» китобидан