Дунё янгиликлари

ИҲТнинг янги раҳбари иш бошлади

Ислом ҳамкорлик ташкилоти бош котиби шу ҳафтанинг чоршанба куни ўз лавозимига киришди, дея хабар бермоқда “Саудий Пресс” матбуот хизмати.

Ҳусайн Иброҳим Тоҳа ўтган йил ноябрь ойида Нигер пойтахти Ниамей шаҳрида бўлиб ўтган ИҲТга аъзо давлатлар Ташқи ишлар вазирлари кенгашининг 47-сессиясида ушбу лавозимга сайланган эди.

Унинг ИҲТдаги ваколат муддати беш йилдан иборат. Ҳусайн Тоҳа ўз мамлакатида Ташқи ишлар вазири, Африка интеграцияси ва халқаро ҳамкорлик вазири, Нигер президентининг дипломатик маслаҳатчиси, мухтор вазир ҳамда мамлакатининг Франция, Испания, Португалия, Греция ва бошқа мамлакатлардаги Фавқулодда ва Мухтор элчиси каби қатор лавозимларда ишлаган чадлик дипломатдир.

Шунингдек, Ҳусайн Тоҳа Саудия Арабистонидаги Чад элчихонасида катта маслаҳатчи лавозимида ҳам фаолият юритган. Француз, араб ва инглиз тилларини яхши биладиган ИҲТнинг янги раҳбари Чад миллий ордени, Франциянинг Фахрий легиони миллий ордени ва фахрий элчи унвонлари билан тақдирланган.

 

ЎМИ Халқаро алоқалар бўлими

416 марта ўқилди

Янгиликлар

Top