Иорданииялик бир одам ресторанга жуфти ҳалоли билан бирга кирди ва у ердан жуфтига ҳаром бўлиб чиқди. Аёл ҳаддан ортиқ очиққан эрига таомни келтирганларидан сўнг уни суратга олиб, суратни ижтимоий тармоқларда эълон қилмагунча қўл урмасликни тайинлади.
Эр-хотин кечки таомни пойтахтдаги энг ҳашаматли ресторанлардан бирида емоқчи бўлишган эди. Буюртма берганидан сўнг таомни ярим соатча кутиб қолишди. Бу вақт ичида эркакнинг очлиги янада зиёда бўлди.
Тобора очиқиб бораётгани сабаб зарда қилаётган эркакни аёл тинчлантирмоқчи бўлди. Аммо ўртада жанжал чиқди ва эркак хотинига ажралиш ҳақидаги сўзни айтиб ташқарига чиқиб кетиб қолди.
