Октябрь ойи охирида Тошкентдаги Шайх Зайниддин жоме масжидида Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита билан жисмоний имконияти чекланган фуқаролар ўртасида очиқ мулоқот ташкил этилган эди. Унда бир қатор масалалар муҳокама этилиб, ҳар ойнинг биринчи якшанбаси «Мурувват куни» сифатида белгиланган эди.

Кеча, 4 ноябрь куни Тошкентдаги «Райҳон» миллий таомлар ошхонасида «Мурувват куни» доирасидаги дастлабки учрашув ташкил этилди. Унда 250 нафар кўзи ожиз ҳамда эшитиш ва гапиришда имконияти чекланган фуқаролар иштирок этди.

Учрашувда қўмита томонидан Қуръони Каримнинг брайл ёзувидаги, Саудия Арабистонидан махсус келтирилган ноёб нусхаси кўзи ожизларга туҳфа этилди, шунингдек, “Вақф” хайрия жамоат фонди томонидан ҳам қимматли совғалар тақдим этилди.

Мулоқот давомида имконияти чекланган юртдошларимиз томонидан намоз, поклик ва бошқа диний адабиётларни брайл ёзувида нашр қилиш ва аудио-дисклар чиқариш, маърифий суҳбатлар сонини янада кўпайтириш, шунингдек, диний-маърифий тадбирларни ўтказиш учун бино ажратиш, диний телекўрсатувларга сурдо таржимонларни бириктириш, жума маърузаларини сурдо таржимонлар ёрдамида онлайн тартибда бериб бориш, имконияти чекланган инсонлар учун махсус сайт ташкил қилиш бўйича қатор таклифлар билдирилди.

«Ўзбекистонда 23 минг нафар кар-сақов бўлса-да, уларга 50 нафаргина сурдотаржимон бор, – дейди меҳмонлардан бири. – Ҳеч бўлмаса, 300 нафар ана шундай таржимон керак. Бугунги кунда масжидларда ҳам сурдо таржимонларга катта эҳтиёж бор».

Тадбирда шу каби муаммолар ва уларнинг ечими йўлида қатор таклифлар билдирилди. Кейинги мурувват кунига қадар амалга ошириладиган режалар белгилаб олинди.

Навбатдаги “Мурувват куни” 2 декабрда бўлиб ўтади.

ЎМИ Матбуот хизмати

Жорий йилда "Моворауннаҳр" нашриёти ходимлари Ўзбекистон мусулмонлари идораси Жиззах вилояти вакиллигида бўлишди. Ушбу ташриф доирасида нашриётда бўлаётган ўзгариш ва янгиликлар хусусида маълумотлар берилди. Бундан ташқари, "Мўминалар" ҳамда "Илм ва одоб" журналларининг ташкил этилгани ва нашр этилаётгани, бу эса аёллар ва болалар учун фойдали бўлгани ҳақида фикрлар билдирилди.

Фаол обуначилар нашриёт ходимлари томонидан тақдирланган.

ЎМИ Матбуот хизмати

Куни кеча, 4 ноябрь куни Ўзбекистон мусулмонлари идораси раиси, муфтий Усмонхон Алимов ҳазратлари Испанияга жўнаб кетган эди. Сафар давомида Москва шаҳрида тўхтаб, Москва муфтийси Альбир Крганов билан учрашди. Учрашув чоғида икки мамлакат мусулмонлари ҳаёти, уларга берилаётган имкониятлар, ўзаро икки томонлама муносабатларни янада кучайтириш, таълим соҳасидаги келишувларни юқори босқичга кўтариш масалалари муҳокама қилинди. Суҳбат асносида муфтий Усмонхон Алимов ҳазратлари Москва шаҳрида бунёд этилиши режалаштирилган улкан масжид лойиҳаси билан танишдилар.
 

Ўзбекистон мусулмонлари идораси Матбуот хизмати

Ўзбекистонда ҳам чиқиш, ҳам ички туризм бўғимида туризм хизматлари сектори ўсиб бормоқда. Туризм бозори экспертлари ва иштирокчилари томонидан туризм тармоғига Ўзбекистоннинг маданий-тарихий мероси объектлари интеграциясининг етарли даражада эмаслиги айтиб ўтилади, бу энг аввало хориждаги маданий-тарихий объектларга хос бўлган туристлар учун асосий сервис функциялари йўқлиги ҳисобигадир. Кўпгина маданий муассасаларда туристлар ва ташриф буюрувчилар учун йўналишни кўрсатадиган маълумотлар умуман йўқ ёки улар истеъмолчининг замонавий эҳтиёжларига жавоб бермайди, ёки кам ва хонаки тарзда тайёрланган.

Туризм-рекреация инфратузилмаси объектларига ташриф буюришни (энг аввало якка туристлар томонидан) ошириш, осон етиб бориш ва туризм соҳасига маданий мерос объектларининг максимал тарзда интеграллашуви учун O‘z DSt 3331:2018 “Туризм хизматлари. Туризм соҳасида навигация тизимининг ахборот белгилари. Умумий талаблар” стандарти ишлаб чиқилди. Бу ҳақда Туризмни ривожлантириш давлат қомитаси матбуот хизмати хабар берди.

Туризм йўл белгилари ахборот берувчи бўлиб улар талабларини бузиш имкони йўқ. Шуни таъкидлаш зарурки юқорида қайд этилган тизимнинг вазифаларидан бири Ўзбекистоннинг туризм инфратузилмасини оммалаштиришдан иборат бўлиши керак. Ушбу белгиларнинг асосий вазифаси – туристларга номаълум жойда йўналишни аниқлашда кўмак беришдир. Жигарранг фондаги йўл кўрсаткичлари хориж туристларининг йўналишлари ўтадиган йўлларда ўрнатиш учун мўлжалланган. Инфратузилма объекти (шаҳар, кўча, музей, стадион ва ҳ.к.) ва географик объектларни англатадиган белгилардаги ёзувлар давлат ва инглиз тилларида ёзилади.

Шундай тарзда навигация ва йўналишни кўрсатувчи маълумотлар тизимининг яхшиланиши туризм объектларига айниқса меъморий ва маданий ёдгорликларга мосдир, ҳамда нафақат туризм инфратузилмасини мукаммаллаштириш доирасида, балки мамлакатнинг тарихий ўтмишига эътибор қаратиш ва ҳурматни шакллантириш орқали Ўзбекистон фуқароларида ватанга муҳаббат каби қадриятларни ривожлантириш доирасида аҳамиятга эгадир. Туристлар учун навигация ва йўналишни кўрсатувчи маълумотлар тизимининг халқаро намуналарини танлашда туризм бозорининг ривожланиши юқори даражада бўлган мамлакатлар тажрибасини ўрганишга аҳамият берилган. Хусусан МДҲ ҳамда Европа иттифоқи мамлакатларининг халқаро стандартлари ва тажрибалари таҳлил қилинди.

Ишлаб чиқилаётган Туризм навигацияси тизими Ўзбекистон ҳудудида амалда бўлган, шаҳар ва қишлоқ муҳитида, автомобиль магистралларида белгилар ва ахборотларни жойлаштириш стандартига O‘z DSt 3283 “Йўл белгилари. Техникавий шартлари” мувофиқ бўлишига алоҳида эътибор берилди.

График тизимнинг бир хиллигини таъминлаш учун пиктограммаларда бирлаштирувчи модуль элементларидан фойдаланилади. Шарҳлар ва стилизация умумдавлат даражасидаги тизимнинг юқори эстетик талабларига жавоб беради. Фойдаланилаётган ранг, графика, уларнинг ҳарёқламалиги ва тез танилиши ландшафт ва иқлимий хусусиятларига қарамасдан Ўзбекистоннинг барча ҳудудида белгилар ва кўрсаткичларни ўрнатиш жараёнини стандартлаштиришга имкон яратади. Тизимнинг қўлланиладиган кўз билан кўриладиган элементлари турли миллатлар ва диний конфессияларнинг вакиллари қабул қилишидаги фарқларни ҳисобга олиб ишлаб чиқилган.
Ушбу туризм йўл белгилари жойлардаги ҳокимиятлар қарори бўйича ўрнатилади ва Ўзбекистон Республикаси Автомобиль йўллари давлат қўмитаси қошидаги “Uzavtoyo‘lbelgi” ДУК томонидан тайёрланиши мумкин.

ЎМИ Матбуот хизмати