Воқеа – қиёмат номларидан бири. Воқеа сурасида қиёмат қоим бўлганда рўй берадиган ҳодисалар баён этилган, охиратда бандалар оладиган мукофотлари, жаннат неъматлари, дўзах аҳлининг азоб-уқубатлари тафсилоти келтирилган.

Ибн Асокир нақл қилишича, Абдуллоҳ ибн Маъсуд розияллоҳу анҳу вафот этиши арафасида бетоб бўлиб қолди. Усмон ибн Аффон розияллоҳу анҳумо уни кўргани бориб, ҳол-аҳвол сўради:

– Нимадан шикоятинг бор?

– Гуноҳларимдан.

– Нимани хоҳлайсан?

– Роббимнинг раҳматини.

– Сенга табиб буюрайми?

– Табиб (яъни, Аллоҳ) мени бетоб қилди.

– У ҳолда сенга совға-салом буюртирайми?

– Ҳожати йўқ.

– Сенга керак бўлмаса, қизларингга қолади.

Ибн Масъуд розияллоҳу анҳу бунга жавобан бундай деди:

– Қизларим камбағал бўлиб қолишларидан қўрқяпсанми? Мен уларга ҳар кеча Воқеа сурасини ўқишни буюрганман. Чунки Расулуллоҳ соллаллоҳу алайҳи васаллам: “Ким ҳар кеча Воқеа сурасини ўқиса, зинҳор қашшоқликка учрамайди”, деганларини эшитганман.

Тунда Воқеа сурасини бошидан охиригача ихлос билан ўқиган одам қашшоқлик кўрмайди: ризқи кенг бўлади, касб-корига барака киради. Тажрибада синаб кўрганлар бунинг ҳақиқат эканини таъкидлашган.

Воқеа сураси кенг ризққа сабаб бўлиши ҳақида бундан бошқа ривоятлар ҳам бор. Жумладан, Анас ибн Молик розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Воқеа бойлик сурасидир. Уни (ўзингиз) ўқинг, фарзандларингизга ҳам ўргатинг”, деганлар (Ибн Мардавайҳ ривояти).

Муҳаммад Раҳим домла Абдуқодиров,
"Доруссалом" масжиди имом-хатиби.

"Албатта, Лут ҳам юборилган Пайғамбарлардандир" (Соффат сураси, 133-оят).

Ўзбекистон мусулмонлари идораси Матбуот хизмати

 Хитойнинг машҳур “Phoenix Weekly” журналида “Ўзбекистон: Ипак йўлининг дурдона асари” мақоласи чоп этилди, деб ёзади “Дунё” ахборот агентлиги.

Нашрнинг ёзишича, Ўзбекистон дунёга машҳур сайёҳлик масканига айланмоқда. Нуфузли “Lonely Planet” туризм журнали 2024 йилда Ўзбекистонни дунёнинг энг яхши сайёҳлик йўналишларидан бири деб топди.

Ўзбекистоннинг Тошкент, Самарқанд, Бухоро ва Хива каби шаҳарлари сайёҳлар учун энг машҳур йўналиш ҳисобланади. Бу ерда сайёҳлар учун барча шароит яратилган.

“Самарқанд Марказий Осиёдаги энг қадимий шаҳар бўлиб, 2500 йилдан ортиқ тарихига эга. Унинг жуғрофик жиҳатдан қулай жойлашуви Ипак йўлининг гуллаб-яшнашига катта ҳисса қўшган. 2001 йилда Самарқанд ЮНЕСКОнинг Жаҳон маданий мероси рўйхатига киритилган”, дейилади мақолада. Регистон майдони, Гўри Амир мақбараси, Бибихоним масжиди, Шоҳи Зинда мажмуаси ва Самарқанднинг бошқа кўплаб диққатга сазовор жойлари жаҳон сайёҳларининг эътиборини тортмоқда”.

Яна бир тарихий шаҳар – Бухоро ўзига хос меъморий услубда қурилган. Шаҳар марказида жойлашган “Калон” минораси жуда чиройли ва машҳур сайёҳлик обидаси саналади.

“Ҳозирда Ўзбекистон Хитойнинг сайёҳлик компаниялари ва оммавий ахборот воситалари билан ҳамкорликда туризмни ривожлантириш устида ишламоқда. 2020 йилда Самарқандда хитой тилида сўзлашувчи гидлар тайёрлаш ва Ўзбекистонга ташриф буюрган хитойлик сайёҳларга хизмат кўрсатиш учун хитой таомларини тайёрлашга ихтисослашган “Ипак йўли” халқаро туризм университети ташкил этилди”, дея хулоса қилади “Phoenix Weekly” журнали.

 Ўзбекистон мусулмонлари идораси Матбуот хизмати.

Германиянинг машҳур “Deutschlandfunk” радиоканалида буюк олим ва давлат арбоби Мирзо Улуғбек таваллудининг 630 йиллигига бағишланган “Aстрономия ва Самарқанд султони” кўрсатуви эфирга узатилди, деб хабар бермоқда “Дунё” ахборот агентлиги.

Немис радиоси таъкидлаганидек, болалигидан олим алломалар суҳбатини тинглаб улғайган. “Илмга ихлос қўйгани туфайли Самарқандда мадраса, яъни замонавий маънода университет ташкил этган, дейилади, бундан роппа-роса 600 йил муқаддам дунёга машҳур астроном томонидан қурилган расадхона энг илғор астрономик иншоат ҳисобланга”, дейилади хабарнинг давомида.

“Улуғбек шоҳ бўлишига қарамай, юлдузларнинг математик ҳисоб-китобларини амалга оширган, Қуёш, Ой ва осмондаги сайёраларнинг ҳаракатини мунтазам кузатган”, деб таъкидланади “Deutschlandfunk” радиоканалида.

Дастурда, шунингдек, Мирзо Улуғбек ва унинг шогирдлари астрономик йил узунлигини ўта аниқлик билан, бор-йўғи бир дақиқаю икки сония фарқ билан ўлчагани алоҳида таъкидланади. Бундай аниқликни таъминлаш катта илмий аҳамиятга эга. Телескоплар бўлмаган даврда бундай ихтиро қилиш ниҳоятда оламшумул воқеа эди.

– Радиодан маълум қилишларича, “Ўрта асрларнинг буюк астрономининг илм-фан олдидаги улкан хизматларидан бири у тузган “Зижи жадиди Кўрагоний” юлдузлар каталогидир. Таъкидланишича, унда мингдан ортиқ юлдузлар ҳақида маълумотлар мавжуд. Самарқанд расадхонаси 1018 та юлдузнинг жойлашишини ақл бовар қилмайдиган аниқлик билан ўлчади”, таъкидланди “Deutschlandfunk” радиосидаги кўрсатув сўнггида.

Ўзбекистон мусулмонлари идораси Матбуот хизмати

Юртимизда хизмат кўрсатган маданият ходими, Ўзбекистон Бадиий ижодкорлар ижодий уюшмаси аъзоси, атоқли хаттот Ҳабибуллоҳ Солиев (Ҳабибуллоҳ Солиҳ) хаттотлик санъати ривожига қўшган улкан ҳиссаси ва кўп йиллик фаолияти учун Бадиий академиянинг олтин медали билан тақдирланди.

Олтин медални машҳур хаттотга Ўзбекистон Бадиий академияси раҳбари Aкмал Нур топширди. Бу ҳақда Ўзбекистон Бадиий академияси матбуот хизмати хабар берди, деб ёзади ЎзA матбуот хизмати.

Ҳабибуллоҳ Солиҳ  1998 йилда Истанбулда ўтказилган халқаро хаттотлик танловида Девони араб хати усулини қўллаган энг яхши ўнта хаттот қаторидан жой олди.

1999 йилда Лоҳурда бўлиб ўтган халқаро танловда атоқли хаттот декоратив араб хатининг янги услубини яратгани учун “Парвин Ракам” (“Шарқ юлдузи”) унвони билан тақдирланган.

 Ўзбекистон мусулмонлари идораси Матбуот хизмати