Ҳозир ишлатадиган телефонингизнинг модели қанақа? Нархичи? Миниб юрган машинангиз ҳам арзон бўлмаса керак? Ҳар ҳолда совриндан ютиб олмагансиз. Меҳнат қилгансиз, пул йиққансиз. Яшаётган ҳовлингиз ва бошқа шахсий буюмларингизнинг қиймати қанча? Анча! Чунки ҳозирги кунда уйлар қимматлиги ҳеч кимга сир эмас.

Тасаввур қилайлик, бир кунда севимли аҳлимиз, фарзандларимиздан маҳрум бўлсак... Камига ишимиз, уйимиз, машинамиз, қимматбаҳо буюмларимиздан ҳам айрилиб қолсак, ҳеч вақойимиз қолмаса... Қай аҳволга тушамиз экан... Инсон ўйлаб кўришга ҳам чўчийди. Йўқ, ҳаммасидан айрилган инсон ақлини йўқотиб, сазойи ва мажнунга ўхшаб қолса керак. Яшашдан мақсад, илинж ҳам кесилади.

Афсуски, бир кеча-кундузда қанчадан-қанча одамлар мана шу аҳволга тушадилар. Ҳақиқий касодга учрайдилар. Бор-йўқларидан ажраладилар. Улар ким биласизми?

Суюкли Пайғамбаримиз Муҳаммад соллаллоҳу алайҳи васаллам бу одамни ўз ҳадисларида баён қилиб берганлар: “Аср намози ўтиб кетган инсон – худди аҳли ва моли олиб қўйилган киши кабидир” (Имом Термизий ривояти).

Бошқа бир ҳадисда Ибн Умар розияллоҳу анҳудан ривоят қилинади: Пайғамбаримиз соллаллоҳу алайҳи васаллам: “Ким бирор узрсиз аср намозини қуёш ботгунга қадар тарк қилса, аҳли ва молидан ажраган кимса каби бўлади”, дедилар (Имом Суютий ривояти).

Уламолар “Бу маҳрумлик нафақат аср намозини, балки, қолган намозларни тарк қилган кимсага ҳам тегишли” дейдилар. Аср намозининг қадри, шаъни ва алоҳида фазилати бўлгани учун хослаб зикр қилинган.

Дунёдаги энг бахтли инсон – намозини ўқиган, ўз вақтида адо этган инсондир, гарчи бой бўлмаса ҳам. Аммо, Аллоҳ бадавлат қилган, намоз ўқимайдиган инсон – аслида ҳеч нарсаси йўқ, ҳақиқий бахтиқаро, касодга учраган кимсадир. Аллоҳ ҳақиқий саодат соҳибларидан қилсин! Ибодатдан маҳрум қилмасин!

Н.Саидакбарова,

Тошкент ислом институти ўқитувчиси

Шу кунларда Ўзбекистон ва Белорус ўртасида дипломатик алоқалар ўрнатилганлигининг 30 йиллиги доирасида Ўзбекистонда ШҲТнинг Халқ дипломатияси маркази вакиллари ишчи ташриф билан Белорус Республикасида бўлиб турибди. Ташриф давомида “Ўзбекистон-Белорус вақт синовидан ўтган дўстлик” давра суҳбати (28 ноябрь), ўзбек халқининг II жаҳон урушига қўшган ҳиссасига бағишланган кўргазма (29 ноябрь) ўтказилди. 30 ноябрь куни Белорус мусулмонлар бирлашмасида  мазкур идоранинг илмий-тадқиқот бўлими ходими Максат Овезовнинг "Основы религии по убеждениям наставленных Абу Хафса Умара ибн ан-Насафи" китоби тақдимоти бўлиб ўтди.

Асарда буюк аждодимизнинг "Ақоид ан-Насафия" китобидаги матнлар ўрганилган. Шунингдек, юртимиздан етишиб чиққан ақоид илми вакилларининг илмий мероси тадқиқ қилинади. Кириш қисмида муаллиф юртимиздаги бирқанча илмий-тадқиқот институтларига мурожаат қилганлиги ва асар учун маълумотлар тўплаганлигини айтиб ўтган.

Тадбир Белорус Мусулмонлар бирлашмаси, Ўзбекистоннинг Белорус Республикасидаги элчихонаси билан ҳамкорликда ташкил этилди.

Кун тартибидан китоб тақдимоти билан бирга Абу Хафс Умар ибн ан-Насафий ҳаёти ва ижодига бағишланган давра суҳбати ҳам ўрин олди. Унда белорусиялик диний соҳа вакиллари, ўзбекистонлик Насафийшунос олимлар, хусусан, Ўзбекистон халқаро ислом академияси ва Имом Мотуридий халқаро илмий-тадқиқот маркази мутахассислари онлайн шаклда иштирок этишди. 

Ўзбекистонда ШҲТнинг Халқ дипломатияси маркази директори Қобилжон Собиров, илм аҳли ўртасидаги ўзаро мулоқатнинг ривожланиши халқларимиз ўртасидаги алоқаларнинг мустаҳкамланишига, буюк алломаларимиз илмий меросини кенг жамоатчиликка етказиш, айниқса, ёшларни аждодлардан ибрат олиб, тинмай меҳнат қилишга ундашини таъкидлади. Шунингдек, мамлакатимизда Учинчи Ренессанс пойдеворини яратиш бўйича кенг кўламли ишлар бошлангани,  бу борадаги саъи-ҳаракатларимизда илмий дипломатия муҳим аҳамият касб этишини қайд этди.

Мутахассислар китобдан ўрин эгаллаган мазмун-моҳият, илгари сурилган ғоялар ҳақида ўз фикрларини билдирди. Дарҳақиқат, ҳар бир маънавият тарғиботчиси бор экан, ундан зиё тарқатишда юксак билим, самарали меҳнат, тинимсиз изланиш, ўқиб-ўрганиш талаб этилади. Ўзбекистонлик мутахассислар муаллифнинг аждодимиз илмий меросини ўрганиш йўлидаги меҳнатини юксак баҳолади.

Тадбир ўзаро мулоқат шаклида, кўтаринки руҳда бўлиб ўтди. Томонлар бу каби тадбирларни давомий равишда ташкил этиб боришга, ҳамкорликда илмий изланишлар олиб боришга келишиб олдилар.

Ўзбекистонда ШҲТ Халқ дипломатияси маркази матбуот хизмати

Абдураҳмон домла Бафоев
Бухоро туман "Имом Бухорий"
жоме масжиди имом-хатиби

Германиянинг «Neue Zeiten» журналида Ўзбекистоннинг Франкфурт-Майн шаҳридаги Бош консули Олимжон Абдуллаев билан «Қуёшли заминимиз йил бўйи гўзал» сарлавҳаси остида суҳбат чоп этилди, деб хабар бермоқда «Дунё» мухбири.
Унда Германия Ўзбекистон билан туризм соҳасида ҳамкорликда Европа давлатлари орасида етакчи ўринни эгаллаши қайд этилган. Суҳбатда мамлакатимизда сайёҳларнинг хавфсиз ва ўзини қулай ҳис қилиши учун барча зарур шароитлар яратилгани таъкидланган.
Материалда туризм соҳасида амалга оширилаётган ижобий ислоҳотлар, ўзбек халқининг бой маданий-тарихий мероси, республикадаги машҳур сайёҳлик йўналишлари ҳақида батафсил маълумотлар берилган. «Германияда истиқомат қилаётган немис ва постсовет жамоатчилиги мамлакатимиз санъати, маданияти, меъморчилиги, миллий ошхонасига катта қизиқиш билдирмоқда, саёҳатдан доимо унутилмас таассуротлар билан қайтмоқда», дейди Бош консул.
Германиядаги «NEUE ZEITEN» ойлик ахборот журнали «RusVerlag» нашриёт уйи томонидан босма ва электрон форматларда чоп этилади. Журнал ўз саҳифаларида маданият, иқтисодиёт, сиёсат, соғлиқни сақлаш ва туризм соҳасидаги долзарб янгиликларни ёритиб боради. Нашр саҳифаларида Марказий Осиё, жумладан, Ўзбекистон ҳаётидаги муҳим янгиликлар тез-тез эълон қилинади.

Ўзбекистон мусулмонлари идораси матбуот хизмати