muslim.uz
Исломда йўқ...
1. Кимки охират ишини рўкач этиб, бойлик орттиришга интилса, ундай бандага охиратда насиба йўқ.
2. Жаҳолатдан кўра ёмонроқ фақирлик йўқ.
3. Ақлдан кўра фойдалироқ мол йўқ.
4. Ўзига бино қўйишдан кўра ёмонроқ ёлғизлик йўқ.
5. Маслаҳатдан кўра ишончлироқ бир-бирини қўллаш йўқ.
6. Тадбир қила билишдек ақл йўқ.
7. Гўзал хулқдек насл-насаб йўқ.
8. Ўзини тия билишдек тақво йўқ.
9. Тафаккурдек ибодат йўқ.
10. Ҳаё ва сабр қилишдек имон йўқ.
11. Балоғатга етгандан сўнг етимлик йўқ.
12. Исломда тоқ ўтишга ўрин йўқ.
13. Фатҳдан сўнг ҳижрат йўқ.
14. Исломда чигаллик йўқ.
15. Омонатга хиёнат қилувчида имон йўқ.
16. Ваъдасига вафо қилмайдиган одамда дин йўқ.
17. Уч кундан ортиқ аразлашиб юриш йўқ.
18. Истиғфор билан гуноҳи кабира йўқ.
19. Қуръон ўқиб юрган банда учун муҳтожлик йўқ ва у учун Қуръондан ортиқроқ бойлик йўқ.
20. Аллоҳ учун дуодан ўзга ёқимлироқ нарса йўқ.
21. Зулмдан ҳам кўра жазоси тезроқ келадиган нарса йўқ.
22. Ўзгаларнинг оч қорнини тўйдиришдан кўра афзалроқ амал йўқ.
Даврон НУРМУҲАММАД
тўплади
ЎМИ Матбуот хизмати
Эрига итоатсиз аёлнинг дуоси қабул бўлмайди
Аллоҳ таоло айтади: “Хотинларингизнинг итоатсизлигидан қўрқсангиз, аввал уларга панд-насиҳат қилинган, сўнг (яъни, насиҳатларинг кор қилмаса) уларни ётоқларида тарк қилингиз, (улар билан бир жойда ётманг, яқинлашманг), сўнгра (яъни шунда ҳам сизларга бўйсунмасалар) уринглар. Аммо сизларга итоат қилсалар уларга қарши бошқа йўл ахтарманглар. Албатта, Аллоҳ энг юксак ва буюк бўлган зотдир” (Нисо сураси, 34-оят).
Пайғамбаримиз соллаллоҳу алайҳи вассаллам айтдилар: “Уч тоифа одамнинг намози мақбул бўлмайди ва бирорта яхшилиги осмонга кўтарилмайди. 1) Қочоқ қулнинг то хўжайинларига қайтиб, қўлини уларнинг қўлларига қўймагунча; 2) Эрини ғазаблантирган, норизо қилган аёлнинг то эри ундан рози бўлмагунча; 3) Ва мастнинг то ўзига келмагунча” (Ибн Ҳиббон, Ибн Хузайма ривояти).
Ривоят қилинадики, аёл қиёмат куни биринчи бўлиб, намоз ва эридан сўралади.
Аллоҳ барча аёлларни эрига итоат қилишга насиб қилсин. Албатта, У марҳаматли ва саховатли зотдир.
Ойбек САМАРҚАНДИЙ,
“Кўкалдош” ўрта махсус ислом билим юрти талабаси
Шавкат Мирзиёев Тунис Президентига табрик йўллади
Ўзбекистон Республикаси Президенти Шавкат Мирзиёев 20 март куни Тунис Республикаси Президенти Муҳаммад ал-Божий Қоид ас-Сибсийни Мустақиллик куни муносабати билан табриклади.
Бу ҳақда Ўзбекистон Республикаси Президенти Матбуот хизмати хабар қилди.
Ўзбекистон мусулмонлар идораси матбуот хизмати
Тошкентдаги Афғонистон масаласига бағишланган анжуманга кимлар келади?
Президент Шавкат Мирзиёев ташаббуси билан ташкил этилган «Тинчлик жараёни, хавфсизлик соҳасида ҳамкорлик ва минтақавий шериклик» мавзусидаги конференция халқаро доирада катта қизиқиш уйғотди. Чунки бу конференция нафақат минтақамиз, балки бошқа ҳудудларга ҳам таъсир ўтказаётган Афғонистон масаласига бағишланган, деб хабар бермоқда давлатимиз раҳбари Матубот котиби Комил Алламжонов.
Унинг айтишича, ушбу халқаро анжуман 26-27 март кунлари Тошкентда бўлиб ўтади. Унда 20 дан ортиқ давлатлар, нуфузли халқаро ташкилотлар делегациялари иштирок этади.
“Жумладан, Афғонистон Ислом Республикаси Президенти Муҳаммад Ашраф Ғани, БМТнинг Афғонистондаги махсус вакили Тадамити Ямамото, Европа Иттифоқининг ташқи ишлар ва хавфсизлик сиёсати бўйича Олий вакили Федерика Могерини Тошкентга келади. АҚШ Давлат котибининг сиёсий масалалар бўйича ўринбосари Томас Шэннон, Россия Федерацияси ташқи ишлар вазири Сергей Лавров, Эрон Ислом Республикаси ташқи ишлар вазири Жавад Зариф, Покистон Ислом Республикаси ташқи ишлар вазири Муҳаммад Асиф ҳам конференцияда қатнашишини тасдиқлаган. Шунингдек, Хитой, Қозоғистон, Қирғизистон, Тожикистон, Туркманистон, Ҳиндистон, Япония, Туркия, Буюк Британия, Германия, Италия, Франция, Саудия Арабистони, Бирлашган Араб Амирликлари каби давлатлар делегациялари қатнашиши режалаштирилган. Тошкент конференциясига дунё оммавий ахборот воситалари ҳам катта эътибор қаратмоқда. Мамлакатимизда аккредитациядан ўтган оммавий ахборот воситалари вакилларидан ташқари «ВВС», «DPA» «Deutsche Welle», «Times», «The New York Times», «NHK», «Жэньминь жибао» каби нуфузли хорижий ОАВлар конференцияни ёритиш истагини билдирган”, - деди Алламжонов.
Ўзбекистон мусулмонлар идораси матбуот хизмати
Президент Қозоғистонга жўнаб кетди
Ўзбекистон Республикаси Президенти Шавкат Мирзиёев Марказий Осиё давлатлари раҳбарларининг биринчи маслаҳат учрашувида иштирок этиш учун амалий ташриф билан Қозоғистонга жўнаб кетди.
Шавкат Мирзиёев Остона шаҳрига нафақат Ўзбекистон Президенти, балки мазкур минтақавий учрашувнинг ташаббускори сифатида ташриф буюрмоқда.
Ташриф бир кунга мўлжалланган.
http://www.president.uz
Янгиликлар
