Пойтахтимизнинг кўркам масжидларидан бири бўлган "Мунаввар қори" жоме масжидида хатми Қуръон бу йил ҳам ўзгача файзу-футуҳ ила ўтмоқда. Буни масжидни тўлдириб турган намозхонларнинг тил-у диллари билан муборак ойга етказгани учун Яратганга ҳамдлар айтаётганидан ҳам англаш мумкин. Уларнинг юзларида моҳи маҳбубнинг файзи, таровати балқиб турарди. Сурурли ўтаётган хатми Қуръонлар барча юртимиз мусулмонлари учун бир олам қувонч бахш этаётганини, бу ерга йиғилган намозхонлар мисолида ҳам яққол кўриш мумкин эди.
Бу тун биз ҳам ушбу жомега ташриф буюриб, ҳаётимиз зийнати бўлган ёши улуғларимизнинг дуоларидан баҳраманд бўлдик. Тинчлик сояси остида ибодатларни адо этаётганимиз учун, бу неъматнинг бардавом қилишини сўраб Яратганга дуолар қилдик.
Ўзбекистон мусулмонлари идораси ахборот хизмати
