Тошкент халқаро аэропортда зиёратчиларимизни Дин ишлари бўйича қўмита, Ўзбекистон мусулмонлари идораси ҳамда бошқа давлат ва жамоат вазирлик ва ташкилот вакилари кутиб олдилар.
Кўтаринки кайфиятда қайтган зиёратчиларимиз юқори савияда ташкил этилган зиёрат учун миннатдорчиликларини билдирдилар.
Жумладан, Тошкент шаҳар 3-гуруҳ зиёратчиси Азизов Маҳмуд шундай дейди: "бу йилги Ҳаж мавсуми саудиянинг иссиқ иқлими ва ҳавосига тўғри келган бўлсада, Мино, Арофот водийларида ҳавони совитувчи мосламалар, ҳожиларга салиқин ичимликлар тез-тез бериб турилгани сабабли иссиқ пайтлар ҳам осон ўтказилди.
Биз ишчи гуруҳи, гуруҳ раҳбари ва шифокорларнинг айтганларига риоя қилганимиз учун, Яратганимизга шукур, соғ-саломат юриб қайтдик. Барчаси учун ҳукуматимизга каттадан катта раҳмат".   
Тошкент 2-гуруҳ зиёратчиси Каримова Зумрад шундай деди: "Яратганимизга шукур орзу қилиб юрган сафаримиз ниҳоясига етди. Хормай толмай саломат етиб келдик. Тошкентдан чиқиб, мана ҳозиргача бирн нарсага ҳам уринмадик. Жойларда бизга хизматқилиб юрган ишчи гуруҳи, элкибошиларимиз, шифокорлар, ошпазларнинг моҳир қўлари дард кўрмасин. Юртимизни тинчи сақласин.
Бизга эътибор бериб келаётган ҳукуматимиз, сафардалигимизда ҳоли ҳаётдан бевақт кўз юмган муҳтарам Юртбошимиз ҳақларига дуолар қилдик. Илоҳим биринчи Президентимизни раҳмат қилсин.
Ҳукуматимизни ўз паноҳида сақласин".