Юртдошларимиз бу йилги барча хизмат ва амалий  ишлардан мамнун бўлдилар. Таҳририятимизга келган кўплаб ташаккурномалар бунга яққол далилдир.

Дарҳақиқат, то Она Ватанимиздан жўнаб, Мадина ва Макка шаҳарларига бориб жойлашгунларига қадар катта ҳурмат ва иззатда бўлдилар. Улар учун тикилган махсус кийимлар, «Ҳаж» қўлланмаси, шифокорлар кўриги, замонавий махсус автобуслар, янги меҳмонхоналар ва у ерда яратилган шарт-шароитлар ҳамда ўзимизнинг ошпазларимиз томонидан ҳожиларимиз учун тайёрланган миллий таомларимиз, қўйингчи барча-барчаси юртдошларимизнинг муқаддас масканларда эмин-эркин ибодатларини адо этишлари учун муҳайё қилинди. Юртдошларимиз бундай имкониятларни яратиб берган ҳукуматимизга ва шу ишларга мутасадди бўлган барча раҳбарларимизга чексиз ташаккурлар йўллаб, ҳақларига дуо-ю хайрлар қилдилар. Шунингдек, Яратганга илтижолар қилар эканлар, юртимиз тинчлиги, халқимиз фаровонлиги ва Она Ватанимизнинг бунданда гуллаб-яшнашини сўраб дуо-ю фотиҳалар қилдилар.

Аллоҳ таоло барчанинг ҳажини қабул айлаган бўлсин!