Малайзияда "ҳалол" саноатининг етакчи бизнес-платформаси бўлмиш "ҳалол маҳсулотлар" нинг 17-халқаро кўргазмаси (MIHAS) ўз ишини бошлади.
Тадбир бутун дунё бўйлаб ўсиб бораётган ҳалол бозорни ифодаловчи 12 асосий соҳа: озиқ-овқат ва ичимликлар, ишлаб чиқариш технологиялари, таълим, фармацевтика, хизматлар ва воситалар, мусулмон модаси, франчайзинг, медиа ва кўнгилочар, мусулмон туризми, электрон тижорат, исломий молия, косметика ва шахсий гигиена маҳсулотларини намойиш этишга қаратилади.
Малайзия ташқи савдони ривожлантириш корпорацияси (MATRADE) савдо комиссари жаноб Суреш Кумарнинг сўзларига кўра: онлайн кўринишдаги ҳалол кўргазмасида Ўзбекистондан илк бор 7 дан ортиқ иштирокчи компаниялар иштирок этмоқда.
Ҳозирги кунда компаниялар ҳалол саноатга эътибор қаратувчи йирик тармоқлар, улгуржи ваколатхоналар ва ритейлорлар билан музокаралар олиб бормоқда.
Ўзбекистон мусулмонлари идораси матбуот хизмати
