Тошкент ислом институтида “Октябр – Сийрат ва ислом тарихи фани ойлиги” деб эълон қилинган. Шу муносабат билан “Ҳадис ва ислом тарихи фанлари” кафедраси томонидан 2-курс талабалари ўртасида “Расулуллоҳ соллаллоҳу алайҳи васалламга муносиб уммат бўлайлик!” номли Сийрат мусобақаси ўтказилди. Танловда сийратга бағишланган мақола, шеър ёзиш ва ифодали ўқиб бериш ёки видео ролик тайёрлаш, сийратга оид қисқа савол-жавоблар, Расулуллоҳ соллаллоҳу алайҳи ва салламнинг сийратларидан ибрат олиш ва шарҳлаш, бадиий қисм – саҳна кўриниши каби шарт асосида беллашди. Қизиқарли ва бадиий кўринишларга бой ўтган баҳсда ғолибларни танлаш қийин кечди ва бироқ якунда муносиб ғолиблар аниқланиб, уларга қимматбаҳо ва эсдалик совғалар тақдим этилди.
Ўзбекистон мусулмонлари идораси Матбуот хизмати
