Ўзбекистон янгиликлари

Диний соҳа раҳбарлари ва талабалар мулоқоти ўтказилди

14 февраль куни Ўзбекистон мусулмонлар идораси раиси ўринбосари Жалолиддин домла Ҳамроқулов, Масжидлар бўлими мудири Музаффар Камолов ҳамда Дин ишлари бўйича қўмита вакили Муҳиддин Ҳакимовлар Мир Араб олий мадрасасига ташриф буюрди.

Соҳа вакиллари дастлаб мадрасасида яратилган шарт-шароитлар билан яқиндан танишди. Сўнгра Олий мадраса ҳамда Мир Араб ўрта махсус ислом таълим муассасаси профессор-ўқитувчи ва талабалари иштирокида мулоқот ўтказдилар.

Тадбирда Жалолиддин домла Ҳамроқулов Мир Араб олий мадрасасининг ташкил этилиши ҳамда бундан кўзланган мақсад ва вазифалар хусусида тўхталиб ўтди. Шунингдек, Мир Араб ўрта махсус ислом таълим муассасасининг тарихий аҳамияти, унинг ислом тамаддунида тутган ўрни ва бугунги кундаги мавқеи борасида нутқ сўзлади.

Анжуман давомида сўзга чиққан Дин ишлари бўйича қўмита вакили Муҳиддин Ҳакимов ҳозирда диний соҳа фаолиятида учраётган долзарб масалалар юзасидан тавсия ва таклифларни тақдим этди. 

Мир Араб олий мадрасаси

Матбуот хизмати

349 марта ўқилди
Другие материалы в этой категории: « Ҳамдардлик билдирамиз ҲАМДАРДЛИК БИЛДИРАМИЗ »

Янгиликлар

Top