Ўзбекистон янгиликлари

Янги қурилаётган масжидлар кўздан кечирилди

Шу йил 15 май куни Самарқанд вилояти бош имом-хатиби вазифасини бажарувчи Ёқубжон домла Мансуров Тайлоқ туманида бўлди.

Ташриф давомида Ёқубжон домла туман бош имом-хатиби Бобур домла Нарзуллаев ҳамроҳлигида ҳудуддаги таъмирлаш ва қайта қуриш ишлари амалга оширилаётган масжидларни кўздан кечирди.

Хусусан, янги биноси қарийб қуриб битказилиб, намозхонлар ихтиёрига топширилиш арафасидаги “Сада Қайрағоч” жоме масжидида бўлиб, намозхонларга янада қулай шароитлар яратиш борасида муҳим кўрсатма ва тавсияларни берди.

Шунингдек, Аллоҳнинг байтини обод қилишдек савоби улуғ ишларда меҳнат қилаётган фидоий ходимлар, уста ҳунарманд, ишбоши ва ҳомийлар ҳақига дуолар қилиниб, янги масжидни тез орада халқимизга туҳфа этилишига тилак билдирилди. 

Ўзбекистон мусулмонлари идораси
Самарқанд вилояти вакиллиги
Матбуот хизмати

279 марта ўқилди

Янгиликлар

Top