28 декабрь, пайшанба куни имом-хатиблар учун ташкил этилган “маънавият соат”ларининг 2017 йилдаги охирги машғулоти ўтказилди.

Унда “Меҳр ва мурувват – миллий фазилатимиз” мавзуида маънавият ва маърифат марказининг шаҳар ва туман бўлими раҳбарлари имом-хатиблар билан суҳбатлашди.

Шунингдек, бош имомлар йил давомида олиб борган ишлар сарҳисоби бўйича имом хатибларга маълумотлар берилди. Эришилган ютуқлар, камчиликлар борасида тўхталиб ўтилди. Хулосалар чиқарилди, янги йил учун режалар муҳокама этилди.

Одатга биноан Ўзбекистон мусулмонлари идораси раиси, муфтий Усмонхон Алимов ҳазратларининг қаламига мансуб “Сўраган эдингиз” ҳамда марҳум Шайх Муҳаммад Содиқ Муҳаммад Юсуф раҳматуллоҳи алайнинг “Кифоя” китобидан маълум миқдор ўқилиб, мулоҳаза юритилди.

Таъкидлаш жоизки, роппа-роса бир йилдан бери давом этиб келаётган “маънавият соат”лари натижаси ўлароқ имом-хатибларимизнинг диний билимлари бирмунча ўсди ва вилоятда ижтимоий-маънавий муҳит барқарорлигини таъминлашга доир фаолликлари сезиларли даражада жонланди, бу борадаги кўникма ва тажрибалари мустаҳкамланди.

“Маънавият соат”ларини янги 2018 йилда янада сермазмун тарзда олиб бориш режалаштирилган.

ЎМИ Самарқанд вилояти вакиллиги