Ҳажга боришни орзу қилиб, Маккаи мукарама ва Мадинаи мунавварага қадами етишини дилига тугиб олган қашқадарёликларнинг 208 нафари 9 август куни Саудия Арабистонига жўнаб кетди. Жорий йилда вилоятдан 413 нафар фуқаро муборак Ҳаж зиёратига боришини инобатга олинса, қолган 205 нафар зиёратчилар 11 август куни Саудия Арабистонига жўнаб кетадилар.
Ҳожиларга ҳашаматли меҳмонхона, энг қулай шароитлар, истеъмоллари учун турли вақтларда тайёрланадиган лаззатли таомлар, манзилларига етказиб қўювчи автобуслар, малакали тиббий хизматлар, эҳтиёжлари учун зарур бўладиган нарсалар аъло даражада ташкил қилинган.
Зиёратчилар улуғ сафар давомида Макка ва Мадина шаҳарларидаги муқаддас ва табаррук жойларни зиёрат қилиб қайтадилар. Шунингдек, дуолар ижобат бўладиган Арофат, Мино ва Муздалифа каби муқаддас манзилларда бўлиб Ҳаж амалларини адо этадилар. Барча зиёратчиларнинг юртимиз тинчлиги, халқимизнинг фаровонлиги ва фарзандлар камолини сўраб қилаётган дуоларини Аллоҳ ижобат қилсин.
Ҳаж зиёратларингиз қабул бўлсин азиз юртдошлар!
ЎМИ Қашқадарё вилоят вакиллиги Матбуот хизмати
