www.muslimuz

www.muslimuz

Воскресенье, 24 Апрель 2022 00:00

Америка сафари | 4-кун, Синсиннати

Имом-хатиблар Синсиннати шаҳрида ватандошларимиз томонидан қурилиши бошланаётган “Шайх Муҳаммад Содиқ Муҳаммад Юсуф” масжиди тамал тошини қўйишда иштирок этдилар.

Кун давомида Имом-хатиблар Синсиннати шаҳрида истиқомад қиладиган ҳамюртларимиз билан бир нечта учрашувлар, Рамазон ойи тадбирларида иштирок этишди.

Эслатиб ўтамиз Ўзбекистондан ташриф буюрган уламоларимизнинг АҚШдаги илмий учрашувлари 2 майгача давом этади.

Бизни кузатишда давом этинг!

 

 

Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar

#Рамазон_туҳфаси № 7

 Ойлар султони Рамазонда Муфтий Нуриддин домла ҳазратларининг “Ихлос – амаллар зийнати” номли китоби нашрдан чиқди.

 Моҳи Раҳмонга муносиб туҳфа сифатида чоп этилган ушбу рисолада Аллоҳ ва Унинг Расулига муҳаббат, жаннат васфи, ҳар бир амални ихлос ила адо этиш, илму маърифат, фарзанд тарбияси, ота-онани эъзозлаш, устозга эҳтиром, силаи раҳм, Ватан туйғуси каби мавзулар гўзал тарзда баён қилинган.

 Шунингдек, мавзуларга оид ибратли ривоятлар ҳамда ҳаётий воқеалар ўқувчига таъсирчан услубда ифодаланган.

 Китобхонларга қулай бўлиши учун чин кўнгилдан қилинган маърифий суҳбатлар ва жума маърузаларининг видео ва электрон шаклларига QR кодлар орқали ҳаволалар берилган.

 “Шамсуддинхон Бобохонов” нашриётида замонавий дизайн ва қаттиқ муқовада босилган бу китоб 33 та мавзуни қамраб олган бўлиб, ушбу рисола кенг китобхонлар оммасига мўлжалланган ва аҳли илмлар, воиз-нотиқлар ҳам мутолаа қилсалар фойдали бўлади, инша Аллоҳ.

Зеро, ихлос амалларимиз асоси. Қуръони каримда: “Муҳсин (мухлис) бўлган ҳолида юзини Аллоҳга таслим қилган кишидан ҳам кўра дини гўзалроқ ким бор?” (Нисо, 125), деб марҳамат қилинган. Ояти каримада “Амалини ёлғиз Аллоҳнинг ризолиги учун қилган кишидан кўра чиройли, яхшироқ динга эга бўлган ким бор, дейиляпти.

Аллома Имом Ғаззолий «Ихлос – барча амал Аллоҳ учун бўлиб, қалб одамлар мақтовидан роҳатланмаслиги ва ёмонлашидан сиқилмаслигидир», деб ихлосга таъриф берган. Демак, ҳар бир амални фақатгина ёлғиз Аллоҳ учун қилсаккина гўзал бўлади.

 Ҳақ таоло “Ихлос – амаллар зийнати” номли китобни халқимизга муборак айласин!

Ўзбекистон мусулмонлари идораси Матбуот хизмати
#Муфтий
muslim.uz
@muslimuzportal | @mp3muslim | @diniysavollar

Ўзбекистон мусулмонлари идораси Матбуот хизмати

 Расулуллоҳ соллаллоҳу алайҳи васаллам:
"Лайлатул қадрни Рамазоннинг охирги ўн кечасининг тоқ (кеча)ларидан изланглар", деганлар.

?Қадр кечасининг 1 сонияси 23 соатдан афзал
?1 минути 58 кундан афзал
?1 соати 9 йилу 8 ойдан афзал
?1 кечаси 83 йилу 3 ойдан афзал

 Оиша онамиз розияллоҳу анҳо айтадилар:
"Набий соллаллоҳу алайҳи васаллам (охирги) ўн кунлик кириб келса белбоғларини маҳкам боғлардилар, кечаларини тирилтирар ва аҳлларини уйғотардилар".

 Бу йилги рамазон ойининг охирги тоқ кечалари:
21 кеча: 21 апрел (пайшанба)дан — 22 апрел (жума)га ўтар кечаси;
23 кеча: 23 апрел (шанба)дан — 24 апрел (якшанба)га ўтар кечаси;
25 кеча: 25 апрел (душанба)дан — 26 апрел (сешанба)га ўтар кечаси;
27 кеча: 27 апрел (чоршанба)дан — 28 апрел (пайшанба)га ўтар кечаси;
29 кеча: 29 апрел (жума)дан — 30 апрел (шанба)га ўтар кечаси.

Аллоҳим барча мўминларга Рамазоннинг охирги ўн кунлигида Сени рози қиладиган амалларни қилишга муваффақ айла ва қилган амалларимизни қабул эт!

Даврон НУРМУҲАММАД

#Рамазон #Лайлатул_қадр
Muslim.uz
@muslimuzportal | @mp3muslim | @diniysavollar

Страница 16 из 562

Янгиликлар

Top