muslim.uz

muslim.uz

Абдуллоҳ ибн Амр (Аллоҳ ундан рози бўлсин) ривоят қилади: Расулуллоҳ (у зотга Аллоҳнинг салоти ва саломи бўлсин): “Агар умматимга қийин қилиб қўй(ишни ўйла)маганимда, уларни саҳарларда, албатта, мисвок қилишга буюрган бўлардим!” дедилар (Абу Нуайм). “Худди котиб қулоғига қалам қистирганидек, Набий (у зотга Аллоҳнинг салоти ва саломи бўлсин) ҳам қулоқларига мисвок қистириб олар эдилар” (Байҳақий).

Расулуллоҳдан (у зотга Аллоҳнинг салоти ва саломи бўлсин) ўрнак олиб, саҳобалар ҳам мисвок тутишга катта эътибор беришган. Миқдом ибн Шурайҳ ибн Ҳониъ Ҳорисий отасидан ривоят қилади: “Мен Ойшадан (Аллоҳ ундан рози бўлсин): “Набий (у зотга Аллоҳнинг салоти ва саломи бўлсин) уйга кирсалар, ишни нимадан бошлар эдилар?” деб сўраганимда, “Мисвок (ишлатиш) билан”, деб жавоб бердилар” (Муслим, Абу Довуд, Насоий, Ибн Можа ва Аҳмад).

Бу ривоятдан мисвок ишлатиш фақат таҳорат ва намоз вақтига боғлиқ эмаслигини билиб оламиз. Расулуллоҳ (Аллоҳ ундан рози бўлсин) оила аъзоларига чиройли суратда юзланиш учун уйга киришлари билан мисвок қилганлар. Аллома Муновий бунга қуйидагича далил келтиради: “Мусулмон киши уйга кирганида аҳлига салом бериши керак. Саломда Аллоҳнинг исми бор. Аллоҳнинг исми эса фақат пок оғиз билан айтилади”.

Зайд ибн Холид Жуҳаний (Аллоҳ ундан рози бўлсин) ривоят қилади: “Расулуллоҳ (у зотга Аллоҳнинг салоти ва саломи бўлсин) мисвок қилмасдан туриб, намоз ўқиш учун ташқарига (яъни, масжидга) чиқмасдилар” (Табароний). Баъзи уламолар ушбу ҳадисни далил қилиб: “Уйда ёки масжидга кирмасдан олдин мисвок қилиб олингани маъқул”, дейишган.

Тунги уйқудан таҳажжуд ёки бомдод намозларига турилганида мисвок қилиш Расулуллоҳ (у зотга Аллоҳнинг салоти ва саломи бўлсин) суннатларига мувофиқдир. Гарчи ҳадисда тунги уйқу назарда тутилган бўлса-да, умуман, кундузги уйқудан кейин ҳам мисвок қилиш яхшидир.

Ойша (Аллоҳ ундан рози бўлсин) айтади: “У зотнинг таҳорат суви ва мисвоклари тайёрлаб қўйилар эди. Тунда уйқудан уйғонганларида, олдин ҳожатга бориб, сўнгра мисвок ишлатар эдилар” (Абу Довуд).

Жума куни мисвок ишлатиш ҳақида ҳам алоҳида таъкидланган. Чунки бу куни мўмин-мусулмонлар жума намозини ўқиш учун масжидга тўпланишади.

Ибн Умар (Аллоҳ ундан рози бўлсин) ривоят қилади: “Расулуллоҳ (у зотга Аллоҳнинг салоти ва саломи бўлсин) мисвокни ёнларига ҳозирлаб қўйган ҳолда ухлардилар. Уйқудан уйғонганларида ишни мисвок қилишдан бошлар эдилар” (Аҳмад, Абу Яъло ва Табароний).

Расулуллоҳ (у зотга Аллоҳнинг салоти ва саломи бўлсин) эртаю кеч жиддий аҳамият берган нарсага бизлар ҳам эътибор қаратишимиз зарур. Бу эса ўз ўрнида тишларни тоза тутиш ўта фазилатли амал эканига ишорадир.

Одилхон қори Юнусхон ўғли

Жазоирдаги муҳташам “Жазоир” жоме масжиди Чикаго архитектура музейи ва Европа меъморий санъат марказининг 2021 йилги танловида энг яхши архитектура дизайни мукофотини қўлга киритишга муваффақ бўлди.

Вашингтоннинг Жазоирдаги элчихонаси Фейсбук тармоғидаги расмий саҳифасида бундай ёзади: “Жазоир Буюк масжидининг Чикаго архитектура ва дизайн “Атҳенаум” музейи ва Европа меъморий дизайн маркази томонидан 2021 йил учун энг яхши халқаро архитектура лойиҳаларидан бири сифатида танлангани учун Жазоир ҳукуматини самимий табриклаймиз”.

Мазкур буюк масжид лойиҳаси Германияда жойлашган “Юрген Энгел Арчитектен” меъморчилик фирмаси томонидан амалга оширилди”, — дейилади элчихона хабарида.

Бу йилги танловда 35 давлатдаги қурилиш ва шаҳарсозлик лойиҳалари қатнашди. Булар: Жазоир, Австрия, Австралия, Озарбайжон, Бразилия, Бельгия, Канада, Хитой, Дания, Финляндия, Франция, Греция, Германия, Гонконг, Индонезия, Италия, Япония, Мексика, Нидерландия, Норвегия, Португалия, Қатар, Россия, Сингапур, Жанубий Африка, Жанубий Корея, Испания, Швейцария, Тайван, Тайланд, Бирлашган Араб Амирликлари, Буюк Британия, АҚШ, Уругвай ва Вьетнам давлатларидир.

Танловда янги уй-жойлар, идоралар, транспорт, соғлиқни сақлаш, давлат, маҳалла ва спорт мактаблари, диний, кутубхоналар, хусусий уйлар, маданият, ишлаб чиқариш объектлари, шунингдек, замонавий дунёда энг гўзал ва инновацион ишларни акс эттирувчи меъморий лойиҳалар ўрин олди.

Қайд этиш жоиз, Чикаго меъморчилик “Атҳенаум” музейи ва Европа меъморий санъат маркази томонидан тақдим этилган 2021 йилги Халқаро архитектура дизайни мукофоти дунёдаги энг яхши янги бино ва шаҳарсозлик лойиҳалари бўйича дунёдаги энг қадимги ва энг нуфузли анъанавий халқаро архитектура мукофоти саналади.

ЎМИ Халқаро алоқалар бўлими

Тошкент шаҳар бош имом хатиби

Саййид Раҳматуллоҳ Термизий

Ўзбекистон мусулмонлари идораси раиси, муфтий

Нуриддин домла ҳазратлари

Примов Соатмурот Ураловичнинг исломшунослик фанлари бўйича фалсафа доктори (PhD) диссертацияси ҳимояси тўғрисида

“Aбу Шакур Кеший “Тамҳид” асарининг мотуридия таълимоти ривожида тутган ўрни” мавзусида тадқиқотчи Примов Соатмурот Ураловичнинг 24.00.01 – Ислом тарихи ва манбашунослиги ихтисослиги доирасида исломшунослик фанлари бўйича фалсафа доктори (PhD) илмий даражасини олиш учун ёзилган диссертация иши ҳимояси Ўзбекистон халқаро ислом академияси ҳузуридаги Илмий даражалар берувчи DSc.35/30.12.2019.Исл/Тар/Ф.57.01 рақамли Илмий кенгашнинг 2021-йил 30-ноябр куни соат 10:00 даги мажлисида бўлиб ўтади.

Илмий раҳбар — тарих фанлари номзоди, доцент Оқилов Саидмухтор Сайдакбарович. Расмий оппонентлар — тарих фанлари доктори (DSc), доцент Мухамедов Неъматулло Aсатуллайевич, тарих фанлари номзоди, доцент Зиёдов Шовосил Юнусович. Етакчи ташкилот — Ўзбекистон Республикаси Фанлар академияси Aбу Райҳон Беруний номидаги Шарқшунослик институти.

Диссертация автореферати билан қуйидаги ҳавола орқали танишиб чиқишингиз мумкин:

Илмий кенгаш офлайн/онлайн тарзда ZOOM платформаси орқали ўтказилади.

ZOOM ҳаволасига уланиш

Конференция идентификатори: 812 6022 2490

Кириш коди: 879020

Манзил: 100011, Тошкент шаҳри, Aбдулла Қодирий кўчаси, 11-уй, Ўзбекистон халқаро ислом академияси, A бино, 2-қават, 209 хона.

Тел.: (99871) 244 00 56, Факс: (99871) 244 00 65

e-mail: Этот адрес электронной почты защищен от спам-ботов. У вас должен быть включен JavaScript для просмотра.

***

Иноятов Aзизхўжа Хайруллойевичнинг исломшунослик фанлари бўйича фалсафа доктори (PhD) диссертацияси ҳимояси тўғрисида

“Имом Бухорийнинг “ал-Жоме ас-саҳиҳ” асаридаги тафсир илмига оид қарашлари” мавзусида тадқиқотчи Иноятов Aзизхўжа
Хайруллоевичнинг 24.00.02 – Қуръоншунослик. Ҳадисшунослик ихтисослиги доирасида исломшунослик фанлари бўйича фалсафа доктори (PhD) илмий даражасини олиш учун ёзилган диссертация иши ҳимояси Ўзбекистон халқаро ислом академияси ҳузуридаги Илмий даражалар берувчи DSc.35/30.12.2019.Исл/Тар/Ф.57.01 рақамли Илмий кенгашнинг 2021-йил 30-ноябр куни соат 11:30 даги мажлисида бўлиб ўтади.

Илмий раҳбар — тарих фанлари доктори, профессор Уватов Убайдулла Мурадович. Расмий оппонентлар — юридик фанлар доктори, профессор Ражабова Мавжуда Aбдуллаевна, тарих фанлари номзоди, доцент Юлдашходжаев Ҳайдархон Хашимхонович. Етакчи ташкилот – Имом Бухорий халқаро илмий-тадқиқот маркази.

Диссертация автореферати билан қуйидаги ҳавола орқали танишиб чиқишингиз мумкин:

Илмий кенгаш офлайн/онлайн тарзда ZOOM платформаси орқали ўтказилади.

ZOOM ҳаволасига уланиш:

Конференция идентификатори: 823 6947 4943

Кириш коди: 159 585

Манзил: 100011, Тошкент шаҳри, Aбдулла Қодирий кўчаси, 11-уй, Ўзбекистон халқаро ислом академияси, A бино, 2-қават, 209 хона.

Тел.: (99871) 244 00 56, Факс: (99871) 244 00 65

e-mail: Этот адрес электронной почты защищен от спам-ботов. У вас должен быть включен JavaScript для просмотра.

Илмий кенгаш котибияти

Страница 4 из 1009

Янгиликлар

Top