“Эҳҳее, бу орзуларимга қачон етаман-у?!” деб, тушкунликка тушма. Биргина саждада қилган дуоинг сабаб бўлиб, барча яхши орзуларингга етишинг мумкин.
*****
Одамларга яқинлашганимиз сари ахлоқ ҳам бошқа ризқлар каби Аллоҳ томонидан бериладиган ризқ эканини англаб етамиз.
*****
Ўзингиз билан бошқалар орасида етарлича масофа сақланг. Қанчадан қанча тўқнашувлар ҳаддан ташқари яқинлашиб кетганимиз сабабли содир бўлади.
*****
Ҳамма туйғулар ҳам севикли ёрга эҳтиёжни англатавермайди. Баъзи туйғулар камситмайдиган улфатга, оғриқ бермайдиган дўстга, сиздан малолланмай, ёнингизда бўладиган инсонга эҳтиёжни англатади.
*****
Муҳаббат кўп, вафо кам.
*****
Бу дунёда ҳамма одам ўзгаради. Дўст ҳам, ёр ҳам, қариндош ҳам, бегона ҳам. Фақат ота-онанинг қалби олдин қандай бўлса, шундайлигича қолади.
*****
Баъзилар сени ўз кўзи билан эмас, балки, сени васф қилиб, сен ҳақингда гапириб берган кишининг кўзи орқали кўради.
*****
Инсонлар бошқаларни танқид қилишни моҳирлик билан бажарадилар. Ўзларининг айбларига келганда эса, “кўр” бўлиб қоладилар.
*****
Шундай кимсалар борки, бугун хурсанд қиладиган кишини топса, кеча хурсанд қилганни унутадилар.
*****
“У менинг ҳолимдан хабар олмаса, нега мен ундан хабар олишим керак?” дейиш инсоний алоқаларни вайрон қиладиган гапдир.
*****
Ортга юрган бўлсанг, умидсизликка тушма. Камондаги ўқ олдинга, узоқроққа отилиши учун орқага тортилишини унутма!
*****
Фейсбукдаги “Ҳаётнинг иккинчи томони” саҳифасидан
Нозимжон Иминжонов таржимаси
