Қуйида келтириладиган фикрлар, ҳикматлар фейсбук ижтимоий тармоғидаги “Ҳаётнинг нариги юзи” саҳифасидан олиб таржима қилинган.
*****
Қайнаб турган сувда ўз аксингни кўра олмаганингдек, ғазабланиб турганингда ҳақиқатларни кўра олмайсан.
*****
Гоҳида қасрда яшасанг ҳам дунё сенга тор бўлиши, кичкина кулбада яшасанг ҳам Аллоҳ таоло қалбингни очиб, кўнглингни хотиржам қилиб қўйиши мумкин.
*****
Бу ҳаётда баъзан дўстларинг ортингдан пичоқ уришини, душмангларинг сени ҳимоя қилишини учратишинг мумкин.
*****
Бу ҳаётда баъзан бойлар пора олиб, фақирлар садақа қилаётганларини кўриб қоласан.
*****
Яхшилигинг ва гўзал муомаланг унутилмайди. Инсонларнинг дилига шодлик олиб кирганингга надомат қилмайсан.
*****
Пиёз каби бўл...
Сени йиғлатишга уринаётган душманларингни йиғлат.
*****
Тарвуз каби бўл...
Одамлар сенинг ичингни била олмасинлар.
*****
Ньютоннинг бошига тушган олма каби бўл...
Одамларни яхшиликларга, юксалишларга унда.
*****
Ким аёлнинг руҳий тарбиясини, хулқини, одобини севса, фақат ўша аёлни севади. Ким аёлнинг чиройини севса, унга ер юзидаги ҳамма аёллар ҳам етмайди.
*****
Қаерга ёғса ҳам фойда келтирадиган ёмғир каби бўл!
*****
“Дунё менга орқасини ўгириб олди” дема, эҳтимол ўзинг унга тескари ўтириб олгандирсан.
*****
Ақл кичрайгани сайин тил узунлашади.
*****
Интернет материалларидан тўплаб, таржима қилувчи
Нозимжон Иминжонов
